1 Ungote nane kewora amone irari besi pusu ei samia aisia kito amone ungotenau mande mindia, embota ingeri na ikaera. 2 Eto ungotena ei mindie memesi tambora,dainge eto utu iribo amina kogombaetera awo hotembeora. 3 Arawo embo ingotena arawo asukaisora kito amo ingotenau bo ujukari awo peikasora. 4 Kebe enena ungotena pusu ei mindie tunga memesi tamborate ungotena pusu tamo erevi toari ujae eora awarate pusu ta sari ari goru erevi oukitie eto utu ta sari ae tamo arawo ombare. 5 Eto sirika einge amone inganau jota ikitia. 6 Arawo kebe eona,pusu ei tamo bisi emina mindena de na mandu Iesu te utu ta mindena. 7 Eto ingotena doda titi na keue hairi aera awarate kebe ari ta terito hairi ora. 8 Nango oroho kebe ue nango dainge eto tamo bisi ta mindie eto asisi ta Iesute iraetera arawo tipapa eora. 9 Arawo embo,siropure aro be aisia eto nango ei mindere temo utu ta mindera kito amone Iesu kore ari pure arawo aisora. 10 Eto ungotena perari Iesu ta hasari anumba amindai hetasora eto pure tamo ei jai ue te samia uete arawo hasasoa. 11 Ke erevi keue Iesu oju aisora eto embo nenei ingae mindera arawo ungote aro ingisora. 12 Ungo awara ari ikitora,pure do nangona ora awo evuyo embo nenei ingie Iesu jaeka are. 13 Eto nango hotambari jai ta irae kito amone Iesu ta pure arawo embo, ora, eto nango hotambari jai ta mindera kito amone ingo arawo embo. 14 Eto Iesu ta tunga humbari amina nango humbuto toato ikitua eto etei pure perari irae uia aminda ai embo tawo na sari etei perari Iesuta sari uera. 15 Eto Iesu embo perekari arawo embo sari uviya eto embo amina irisia kito amone tota uje na irae rate Iesu te, tawo mindia eto embo sari uviya amo use ta iraerate mandu eruria, ututa. 16 Arawo embo ungote embo nenei tamo bisita mindera arawo mani kito aisora ate embo perari awo iesu toho ra eto tota basiri amina egeto humbarira. 17 Arawo embo.mo embo amina Iesu taimbitoa kito amo mo embo ra eto no basiri mamandu irae oi ea putia. 18 Eto pure einge amo mamo da dei eto puwa eto ingotena eako tota mei da jo ai eto ungotena humbei tota toho uera. 19 Eto embo mei aminda timbo perari arawo hotembeto toturia eto eako humbei tota uera. 20 Aarawo embo ungotena amone Iesu ta pure ari embo mei pusu ei imo eonga avikari eto oroho nango tota jawota erera.Arawo embo eako puto tawota eviyo. 21 Embo timbote eto kiae amina ingotena embo timbote ainge au ingotena tota basiri jai amina kogombau irora uvia.