1 Eto ungotena do embo ungotena eunga jigere bivitoi ?Na ungota dei awara ari pepa eto ikae eto ungona kaieoa keaera. 2 ungo perari amone nangota ke sivari aingera be embo perari na kiora eto ajikeora. 3 Isaga be ua amone mo amo Iesu ta ke sivari aingera nangona simba eora ove ari doda na kaiae rate asisi ta ove ari doda amina kaiari eto kanuma tamonda kaiae rate embo enembo ta komo jo be ai kaiarira. 4 Eto ingote Iesu ta dei ai heteto kogo eto Mamo de irisora. 5 Arawo eto kito nango konjari evi nangota sovera ta ai terito aerate Mamo da dei ai terito ora. 6 Eto nango etei tota pure humbuto konjari embo mei ainge tota agetari ea amida jota uera .Ke sivari na aerate Mama da asisi na eoa .Ke sivari ai terito embo tetere sari uera ate asisi na basiri ikeua. -Ove sivari kanuma andota amina eoi embo sari eto uera eto Mama da orope,Isral embo na mosis ta tombu usasa avo be kiari sago aeuera aminda be awo Mamo da usasa na Mosis kogombitia. -Eto asisita pure amo usasa tukabe eua. 9 Eto pure asisi samia da amo usasate eto pure asisi jai na eua ainge rate pure asisi jai parara ta amone usasa be jatem beua. 10 Kebe doda do usasate mindia amo oroho tumba uia aminda be awo oroho usasa nembobe jatembetia. 11 Eto doda majeto irae ua arawo usasa te putia kito amone doda nandoho irisia amina serikarira. 2-Arawo embo eto kito ungote ungotenau terito irore. 3-Teta Mosis na tombu aruketei Isral embona tota tombu keisi saritera ainge. 14 Awarate Isreal embo embota hotembari avo be ongai uvia eto ainge ari oroho mindie eto Iesu au embo mei arawo aujekari humbasora. 15 Awarate mosis ta ke sivarita ari arawo jigito iriora kito amone peikari tukabe arawo iriua. 16 Embo amina Iesuta aerekeua kito amone be peikari arawo eako irikeua. 17 Eto Iesu amo asisi eto dei dainge Iesu ta asisi mindia ai amo bujekari iriua. 18 Eto ungotenau titi na Iesu isaga be keisora eto tota usasa na jatembari kariwa be keisora eto Iesu ta asisi keisora.