Tano 1

1 Iesu Keriso da dibura,Timothy da namendi edo Philimon,nago da otao edo buro embo. 2 Edo Apphia nago da jao edo Archuppus nango da buro embo edo church nago da nati tambudo edoira. 3 Iesu Keriso jo jamo edo sonembari mamo God yei da. 4 Na iji natopo God atega edena.I iso javo benunu da itidede na. 5 Aida be awa na iso dubobari awa ingidedena,God da embo mei da yei edo uso goroba Iesu da yei awasedo. 6 Na benunu re ingodenaso dada ari ingo gebe ari embomei yei aimi gebari isi kando berari awa ingo de naso wasiri da badera Iesu Keriso ga dada edo. 7 Iso dubobari mi naso yei jo yaviri ari edo naso jo bari awabugira.Inemi God da embomei da jo awa etoso erira. 8 Aida be awa na goroba ena iso namendi Iesu Keriso da javo da.Edo imo ro sadena awa ae etesa awa adesa. 9 Ate ainda be na imo duboburena.Na sedo getena na eia ena te na awa Paul ra,Iesu Keriso da buro embo edo daedo gajari da embo uso javo da. 10 Awa sedo na iso yei sedo gosena Onesimus,da jawo da.Umone naso mei ra Iesu Keriso da joda edo gajari da jo da awa na uso asisi da mamo etena. 11 Iji da be awa embo eia iso yei nei ro ae.Ate boroko awa iso edo naso buro embo ra. 12 Na boroko umo iteno iso yei da engeneburira. 13 Na umo ainda kundo atadi dipapa ena.Na einda God da ge da jawo da gajetero atena, edo unemi na kondade adira ingo da yei da. 14 Ate na imo kondade asase engega adiaerate na iso dipapa da asase dipapa ena,awa sedo na nei ro adi aera. 15 Embo ane umo ingo dodo iji tupo aike atisira awa sedo boroko awa ingo de iji berari atadira. 16 Edo boroko awa umo gitopo buro embo aera ate umo awa namendi bera,Iesu Keriso da jo da imo roinge naso yei berei edo umo iso yei roinge be adiri. 17 Awasedo imo naso otao awo do kotedo gido umo oro seio,na oro sae etesa da awdo. 18 Umo iso yei biae ro adi tamoko sedo badira awa naso yei da bouga awa itio. 19 Einda awa naso ingo topo amimi gajadena na Paul mi imo itano badesa gebe imo isuka naso yei ro idasa awa atira. 20 awasedo naso namendi naso dipapa eia eyo.Iesu Keriso da jawo da edo namendi Iesu Keriso da jawo da avigari. 21 Na gebe ise gaiena na ro nganega ena awa adesa awa gebe,na gosena imo nei nembogo adesa. 22 Iji da ainde naso ewari yei awa sia eyo.Ainda be awa na kotena God mi benunu ge mina sadira ingo berari da awa edo na kundo ingo da yei sekago itadira. 23 Epapharas awa gajari oro da nangae atira Iesu Keriso awa embo uso ategari itira. 24 Edo daedo naso buro otao Mark ,Arisarchus,Demas edo Luke. 25 Edo Iesu Keriso da sonembari ingode daedo.