¹ Nanemi sena awa naso mei awa buro are embo da buro awodo ate yei awa umo topora. ² Ate umo awa uso seba ari embo de awo daedo mambutima buari awa mamo topo mi ewamei itadira. ³ Edo daedo ingodena kinapeina atisera ainde ingodena awa busu da buro embobo ra. ⁴ Ate iji buwusira ainde God uso mei itiri evetu da jo da buwusira. ⁵ Umo eiedo edo embo agodari da bundari ainda atima isera awa soregari uso kinapeina orase. ⁶ Edo ingo uso kinapeina ra gido God uso mei da Asisi ingode naso jo da ititisira ami euru ingodena umo jawo sedo era,"Nagoda Mama." ⁷ Awa sedo ingo awa buro embo ae ra te uso kinapeina ra,edo utu da baiau sia isira awa kumbadera. ⁸ Ate iji ainde ingo God gae atima isewa awa busu da embo mi eoro ingo ungoda buro embobo edo isewa. Edo busu da dipapa ami ingo giti jigido isi ra. ⁹ Ate boroko budo ingo God getewa edo God ingo getira,ro awa embo ingo sekago engenembedo wasiri bebegae da atevi? Edo ingo sekago buro okain adi evita? ¹⁰ Ingo tumondebain ari iji awa nganega ise , kariga boroko rori sise, gaeko boroko eiawa na ro adeni sedewa! ¹¹ Na ingoda yei memesi ena,ko naso buro ingode da awa tepo eurase awa embo. ¹² Na ingoda yei benunu sena ingo teta na inge ewo, ko na awa ingo inge ena. Ingo mi naso yei memesi nei ro itae ra. ¹³ Ate ingo gosewa tamo pisi da bouga awa embo na tuturoda ingoda yei binga ititisena. ¹⁴ Edo naso tamoda mina bari amimi teta ingo itido garago ena ate, ingo na doae wosae ra. Ate ingo na ewamei burisewa, teta na God da anela awodo, teta na Iesu Keriso awodo nembo. ¹⁵ Ingoda ewamei ari mo rawainda ri? Na ingoda yei isaga sadena ane, ari sago be itarine ingoda dombu awa gurugedo naso itae etewa. ¹⁶ Awasedo, ingo na gitopo embo awodo burevita, ko na ge be sena awa embo? ¹⁷ Ungo ami imo bagadiera ane biaera .Oro imo jo wareregedo jo ungo kena asase era. ¹⁸ Awarate bagari emboro evamei da era awara, ate nagae da eove. ¹⁹ Naso kinapeina ,kinapeina badi jarise memesi budo edera awado ise doyo Iesu iso jo da siroro are. ²⁰ Na ingo dera ainda be awa, na ingo dubo bure na. ²¹ Seugane, ingo awe agodari da atevita, ingo agodari gosevita? ²² Jiwarida atisiri,Abraham da memei etoto,nei awa uso buro evetu da edo nei uso aro be ainda da. ²³ Ate mei nei da uso buro evetu da awa tamo pisida dipapa, ate uso aro da awa ta avigarida ra. ²⁴ Eiya awa tega ewo embo evetu etoto awa sari atisira awodo. Nei da awa Mout Sainai edo uso kinapeina awa embo nenei da buro embobo ra. Hagar awodo. ²⁵ Hagar awa Mount Sanai da konda awodo Arabia yei ainda; Edo umo kondade awodo yei Jerusalem edo, umo uso kinapeina de awa buro embobo ra. ²⁶ Jiwari da atira, Jerusalem awa ingae naso aia ra. ²⁷ "Jariga ewo ingo awe ero evetu awodo kinapeina bae edewa awodo.Dubo ewa mei ewo,ungo ameme kinapeina siroro iji de memesi budera awodo aera.Ainda be awa evetu jajovegari ainda kinapeina awa juwae be ra edo evetu ieude awa enubaera." ²⁸ Edo nanonamedi,Issac awodo, awa ta avigarira. ²⁹ Iji ainde tamo pisida kinapeina ami asisi da awa eoro dubo vevera edera.Borokoda. ³⁰ Edo jiwari da sari rori? "Buro gagara uso mei ga awa itio mambore. Gagara ainda mei awa mana ewowo da anawaia awa kataboro evetu roviravi da ai ainda mei ga da badira." ³¹ Awasedo,nanonamedi,ingodena awa buro evetu da kinapeina aera,ate evetu tepo ainda kinapeina ra.