Tano 1

1 Jude, James da namedi,Iesu keriso da binga itari embo, edo ave kave javo sisira ainde, God mamo da arigari,Iesu keriso awa embo nango, 2 Jo ise,dubo burise bega nango da yei mata awa atadira. 3 Dubo burise,ove juise rawodo ano ingode naso atari ambo,ainda ewamei awa ambo.Ove jiu sena,God yei sedo saeda ise,jomi berari jarise,tumo da ise,isera embo topotopo awa embo. 4 Embo da etoto,tare do demoda gae wowosisera,matu boroko ae,simboro ari awa sedo,God da avodari da atae,ditabita embo mei God de Iesu Keriso de gae sise. 5 Sekago ingoda yei isena bemi berari gosisewa,Iesu mi embo soregurisira Egypt busuda,ainda ambo usibesi ge be ae isera awa embo. 6 Edo dedo anera kotopu,geda petae,ge ititi sira ainda petae.Ungo da yei be doturisera,God mi bundisira natopo atera,tumbada ge kasari iji simba are. 7 Sodom de gomora de,nati embo gambo demoda ainda,jimbo ise,viro paima ise,ungoda dipapa emboroda atera,edo embo mei ene kotari demoda wosetiri,ungoda tamo tepo tapo jigama ise atera,embo ewa gaewa da jawoda. 8 Embo Anera Michaei ami Moses da tamo awa embo asisi biae (binei) ga ge bagise, 9 Ate anera mane da giti jigari mei binei ga,Moses da tamoda ge bagisira.Edo umo ge busari mi binei awa gido sari ujo ae isira.Ate umo eiedo sisira,"Giti jigari mi iso ge awa sari gadesa". 10 Edo embo mei eia,ge sinopu kotari awa etero ungo awa usibesi isera. 11 Embo mei eia ungoda singa yaviri etiri Cain ambo edo Balam ambo ambo ise,Korah da embogo jambo edo era. 12 Emboro emi,me ambu,"pu" awodo ungo usuka undise atima era.Embore emi,poroga,waga ae awodo,bisara mi budo mambudo,bugudo ise iji jigari ijide biae betari be betedo beni awodo atina ira. 13 Edo ewa yawata erarago edo era me ungo da yei damana awodo,umegada mambu do bugudo edo era,mata awa mata awa. 14 Awarate Adam da apie da apie_Enoch ami asisi joda ge itiri ungo awa embo sisira,Iesu uso embokotopu,jiwae be jivade bugutira. 15 Iesu,bugutira ingodena berari kasadira.Iesu bugutira embo,God da ujo ae buro awa embo,sadi ae ge sise,jimbo ise,God uso jawo jigama edo era awa embo. 16 Ene gungan sari embo dipapa ise,embo namona sise,ungoda dipapa embo gido sise atimaera. 17 Iji gitida Bada Iesu Keriso ambo jimbi mi sisera,kotembewo. 18 Ungoi sisera iji ambo da gandubari,embo mei siroro ungo ambo ambo ise God da ujo ae buro adera. 19 Embore emi kausu, kausu busu wasiri da pepetise,asisi da petae edo era. 20 Ingo naso dubobari kinapeina,ingo isuku kotopu ise, tumoda ise ge be ise kotembu,kotebu,gegata asisi kotopu da yei itiwo. 21 Imo God da dubobari peteio,Bada da soregari pepetirowa Bada Iesu Keriso,atari mata awa atari kundo bugare. 22 Be soregeo,ave jaroro ira awa embo, 23 Edo embo awe riawo joda jinaga ise atera, jimbuio demoda wosore,soregeio awe oju era awa ombari jeingade awa ujo aeio. 24 Embo awe umo diro diro era kodade ari jasiga borega adera ainda dombuda didiresa ge biae sae,dubo ewa mei de, 25 God ingode naso soregari embo,Iesu Keriso inei sisedo buda da esa gorobade jasiga borega boroko edo mata awa mata awa atadera.