1 Iesu ena hereva iboudiai taunimanuma vairadia ai e gwaurai vaitani, bena Kaperanaumai e raka vareai. 2 Tuari biaguna ta ena hesiai merona e lalokau henia, na e gorere dikadika, mokona e mase. 3 Tuari biaguna ese Iesu harina e kamonai, bena Iudea tau-badadia haida e siaidia lao, bae noia, ia e maimu ai, ena hesiai merona na baine hamauria. 4 Bena idia na Iesu dekena ela, e noia lalo-dika eto, "Ia na tau namona ini boma karaia toma bema namo, 5 badina ia ese eda bese e ura henidiamu, bona ia ese emai dubu e karaia." 6 Una dainai Iesu na idia ida ela. A ia na vada dia daudau ruma amo, Tuari biaguna ese bamona haida e siaidia, ela e hamaoroa, eto, "Lohiabada e, asio hekwarahi badina lau na dia namo egu rumai ba dae. 7 Una dainai lau danu sibogu natomu dia namo baina vasi dekemu, a hereva ta mo a gwauraia bena egu hesiai tauna baine namo. 8 Badina be lau danu haida henudiai, egu tuari taudia be lau henugu ai. Ta baina hamaoroa, 'Aola', bena bainela; bena ta ma baina hamaoroa, 'Aoma,' bena bainema, bena egu hesiai merona baina hamoroa, 'Ina na a karaia,' bena baine karaia." 9 Iesu ese una hereva e kamonaia, e hoa dikadika, bena e hegiro ia murinai hutuma e rakava e hamorodia eto, "Na hamaoromuimu, abidadama ini hetomana Isaraela ai asina davaria lasi ona lasi vaitani." 10 Tuari biaguna ese hari e siaidia taudia e lou ruma ai e davaria hesiai merona vada e namo. 11 Hari una e vara murinai Iesu na hanua ta ela ladana Nain, bona ena hahediba bona hutuma badaherea ia ida ela. 12 Hanua ikoukouna e raka kahi laova ai, haida ese mase tauna ta e huaia lasi, hahine ta natuna vara-edeana (bona ia na vabu), bena hanua taudia hutuma ese e bamoa. 13 Lohiabada ese e itaia, bena e bogaiahisi dikadika, bena e hereva henia, eto, "Asio tai." 14 Bena e raka kahi lao mase patana ai e dau kau bena e huaia taudia danu e gini. Bena e hereva, eto, "Tauhau e, na hamaoromumu, a toreisi." 15 Bena mase tauna e helai tore bona e hereva, bena Iesu ese sinana e henia. 16 Gari ese iboudiai e butudia tao, bena Dirava e imodaia, eto, "peroveta tauna badana bogaragidai vada eme hedinarai." bona "Dirava ese ena bese taudia vada eme igodia ita. 17 Iesu ese ina kara e karaia sivaraina na Iudea idoinai bona badina tanodia idoidiai e piua rohoroho 18 Ioane ena hahediba taudia ese Ioane hereva iboudiai e hamaorolaia. Bena ena hahediba rarua e boiridia. 19 Ioane ese e siaidia Lohiabada bae nanadaia, baeto, "Be maimu tauna be oi, eiava ta ma baita tahua?" 20 Hari idia na Iesu dekenai e kau, bena raruosi eto, "Ai na Ioane Bapatiso ese e siamai, e tomu, "Be maimu tauna na oi, eiava idauna ta baita tahua?" 21 Una horanai Iesu ese hutuma e hamauridia edia gorere amo bona hisiani idau-idau amo bona lauma dikadia ese e bolodia, bona matakepulu taudia hutuma danu matadia e hapapa. 22 Bena Iesu ese e haere henidia eto, "Vada aola ome ita bona ome kamonai karadia Ioane ba hamaorolaia: Mata kepulu taudia matadia e papamu, ae hedairiki taudia e rakamu, lepera taudia e hagoevagoevadia bona taia kudima taudia e kamonaimu, mase taudia e toreisi lou, ogogami taudia sivarai namo e kamonaimu. 23 Hekwakwanai badina egu ai basine davaria tauna hari namo. 24 Ioane ena hesiai taudia e raka oho murinai, Iesu ese aru taudia e hereva henidia matama Ioane herevana eto, "Umui na dahaka itana tano gagaena ola? Siriho lai ese e haevaia a? 25 A dahaka itana ola? Dabua manada-manadana e dokilaia tauna ta a? "A itaia, dabua mai hairaidia e dokilaimu bona aniani namodia e animu taudia na pavapava edia ruma ai e nohomu. 26 A dahaka itana ola? Peroveta tauna a? Oibe, na hamoromuimu, peroveta taudia logora ia ese e hereadiamu. 27 Ia bunai herevana e torelaia eto, 'A itaia, lau ese egu gwaukau tauna oi vairamu ai name siaia, emu dala ilailaina.' 28 Na hamaoromuimu, hahine bogadia ai e vara tauna ta ese Ioane se hereaiamu, "A Dirava ena basileia lalonai gabe tauna ese Ioane e hereaiamu." 29 Hari taunimanima iboudiai una hereva e kamonai bona tax gogo taudia danu, idia ese Dirava maorona e gwauraia badina be Ioane ese e baptisodia. 30 A Farisea taudia bona taravatu taudia ese ena bapatiso e dadaraia, unu amo Dirava ena lalo-hadai e laoa-ahu. 31 "Ina uru taudia be dahaka ida baina hageregeredia, bona idia be ede heto? 32 Idia na memero-memero na heto hanua ariarana ai e hehelai, bamodia e boi henidiamu, e tomu, 'Ai be ivilikou a hatai umui daimui ai, to asio mavaru; Rohe-ahu anedia abi, to asio tai! 33 Badina be Ioane Bapatiso ema se anianiva, eiava vine ranuna se inuava, bena umui o tomu, 'Ia na mai ena lauma-dika.' 34 Taunimanima Natuna na ema e anianimu bona e inuinumu, bena umui o tomu, 'A itaia, ia na anidae-anidae tauna bona vine ranuna e inua momomu tauna, tax gogo taudia bona kara-dkika taudia turadia.' 35 A aonega ihamomokanina na natuna edia amo e hedinaraimu. 36 Farisea tauna ta ese Iesu e vavea bae aniani hebou. Bena Farisea tauna ena ruma ai e raka vareai, aniani gabuna ai ege diho. 37 Una hanua hahinena ta ariara hahinena. Ia dibana Iesu na Farisea tauna ena ruma ai ege diho, bena nadi kavabuna ta e abia kau lalonai na dehoro namo-hereana, 38 bena ela Iesu murinai e gini aena badinai, e taiva, bona irurumatana amo aena e haparipari, bena huina amo e dahu kaukau bena aena e harahu bona dehoro amo e dairi. 39 Hari Farisea tauna Iesu e vavea ese una kara e itaia, bena lalona e hadaia, eto, "Ina tau bema peroveta tauna, ia na bema diba ina ienai e daukau hahinena na ariara hahinena. 40 Bena Iesu ese e haere henia, eto, "Simeona e, lau na mai egu hereva taina oi emu ai." Bena Ia eto, "A hereva, hahediba tauna e! 41 "Tatau rarua na, ima doa tauna ta enai moni e abitorehai. Ta sinahu ima, bona ta imahui. 42 Asi edia gau abitorehai davadia bae halou, bena ia ese raruosi edia abitorehai e gwautao. Una dainai, idia raruosi daika ese ia baine lalokau henia bada?" 43 Simeona e haere bena eto, readia ena abitorehai badana e gwaua tao tauna." Iesu eto, Oibe momokani. 44 Ia ese hari hahine e hagerea bena Simeona e gwau henai, eto, Ina hahine oi taiamu a? Lau na emu rumai name dae kau, ran so henigu aegu ihurilaina, a Ia ese irurumatana amo aegu eme haparipari bona huina amo eme dahu kaukau. 45 Oi ese so harahugu, a Ia ese dae kaugu ai ema hari aegu eme harahu. 46 Oi ese kwaragu dehoro amo so horoa, a Ia ese aegu dehoro amo eme dairi. 47 Una dainai, na hamaoromumu, ena dika ena be babada, to vada eme hegwautao - badina be ena lalokau na bada. A ena dika amo e hegwau tao tauna na ena lalokau danu maragi 48 Bena Ia ese hari hahine e hamaoroa eto, "Emu dika vada eme hegwautao. 49 Ia ida ege diho hebou taudia na e henanadai heheni, eto, ina na daika dika e gwautaomu? 50 A ia ese hari hahine ma e hamaoroa, eto, "Emu abidadama ese vada e hamaurimu. "Aola mai mainomu ida."