1 Hari ina na e vara Iesu na gabu ta ai e haguriguri neganai, e guriguri vaitani murinai ena hahediba ta ese e hereva henia eto, Lohiabada e, guriguri a hadibamai Ioane ese ena hahediba memero e hadibadia hegeregerena. 2 Bna e hereva henidia eto, "Ba guriguri neganai ini ba gwau toma, Tamamai e Oi ladamu baia hahelagaia Emu basileia bainema 3 Dina ta ta amo amai bame henimai 4 Emai dika ba gwau tao badina be ai ese danu e hadikamaimu taudia edia dika a gwau taom bona hedibagani ai basio hakaumai vareai. 5 Bena ia ese e hamaorodia eto, "Umui daika na mai turana bena hanuaboi ai bainela dekena bona baine noia baine eto, "Turagu e, parao toi do boma henigu. 6 Turagu ta na ena laolao amo lau dekegu ema bona lau dekegu na asi gaunata ia baina ubua, a?" 7 Bena ia na ruma lalona amo baine hereva henimu baineto, "Asio hametaugu (or haraivagu) iduara na hekou, bona natugu na lai ida hehekure. Lau na basina toremu bona basina hemimumu. 8 Aina hamaoromui, enabe bema ia na basine toreisi una e noiamu gauna basine henia, badina be una na turana dainai, to badina turana ena noinoi goada-goada dainai, ia na do baine toreisi bena turana ena noinoi gauna do baine heni momo. 9 Bona ma na hamaoromuimu, ba noinoi bena baine henimu, ba tahua bena ba davaria, ba pidipidi bena iduara baine kehoa emu. 10 Badina be baine noinoi tauna na do baine henia, e tahuamu tauna ese do baine davaria, bona e pidipidimu tauna enai iduara baine hekeho. 11 Edena tama ese bema natuna ese gwarume ta baine noia bena gaigai ta baine henia a dia gwarume, a?" 12 Eiava, bema gatoi ta baine noia a doadoa ta baine henia, a?" 13 Una dainai umui dika taumui natumui gau namodia ba henidia na mai dibamui a daenai be ede badana Tamamui guba ai e nohomu ese Lauma Helaga do baine henidia e noiamu taudia ediai a?" 14 Hari, Iesu na mu tauna ta ena amo lauma dika ta na e lulua lasi murinai una mu tauna vada e hereva matama, bona hutuma na e hoa. 15 A haida na e hereva eto, "Ia na Beelzebal lauma dika lohiana ladanai lauma dikadia e luludia-lasimu." 16 Haida ese e tohoa toa ta guba amo baine hahedinaraia. 17 A ia ese idia lalodia na e dibaia bona e hamaorodia eto, Basileia ta sibona eha-hepararamu neganai do baine kohu ore, bona ruma ta baine haheparara neganai do baine moru. 18 A bema Satani na sibona baine haheparara, ena basileia be ede baine gini toma, a? Badina umui na o gwaumu lau ese lauma dikadia na Beelzebul ladanai na luludia-lasimu. 19 Hari bema lau ese Beelzebul ladanai lauma dikadia na luludia-lasimu o umui natumui be daika ladanai e luludia lasimu a?" 20 A, bema lau ese lauma dikadia na luludia lasimu Dirava imana kwaki-kwakina amo, Dirava ena basileia vada eme kau emui ai. 21 Mai goadana tauna mai ena tuari kohudia ese sibona ena ruma e itaiataomu neganai, ena kohu iboudiai na nanamo. 22 To goada herea tauna ta ese baine tuari henia neganai bena baine hamorua, bena ena tuari kohudia bona ena kohu baine abidia oho. 23 Tau ta dia lau ida na lau e inai henigumu bona lau ida asia gogo heboumu tauna na e gigi-rohorohomu. 24 Lauma dika ta na tau ta ena amo e lulua-lasimu neganai, ia na tano gagaena amo e hanaimu baine laga-ani gabuna ta e tahuamu, to gabu ta asine davariamu, ia sibona e tomu, "Na rakatania rumana ma baina lou henia." 25 Ia e loumu neganai, e itaiamu ruma lalona na, e daroa goevagoeva bona lalona kohudia na eatodia namonamo. 26 Bena ia na e loumu lauma dika hereadia hitu ma e boiridiamu ia ida bae noho hebou una rumai. Bena una tau ena noho na e dika hereamu dia guna e nohova bamona. 27 Hari ini hereva e gwauraiva lalonai, hahine ta na hutuma lalodiamu e hereva badabada eto, Oi e havaramu bogana bona e ubumu ratana na namo." 28 A Iesu e haere eto, "Dirava ena hereva e kamonaimu bona e badinamu taudia hari nanamo herea. 29 Taunimanima hegogona ba e badava bena ia ese e hereva henidia matama eto, "Ina uru na kara dika uruna idia na toa ta e tahuamu, to toa ta basine henidia a toa tamona na Iona ena toa. 30 Badina be Iona ena toa na Nineva taudia ediai hegeregerena ma unu bamona Taunimanima Natuna na ina uru taudia ediai danu." 31 Diho kahana pavapava hahinena na do baine duniadae hahemaoro neganai ina uru taudia ida bena bae dika hebou badina be ina hahine na tanobada dokona kahana amo ema e urava Solomona ena aonega herevadia baine kamonaidia, bona a itaia Solomona e hereaia tauna be iniseni ai. 32 Nineva taudia na do bae dunidia-dae ina uru taudia ida bae dika hebou badina be Iona haroro dainai e helalo kerehai, bona aitaia Iona e hereaia tauna na iniseni ai. 33 Asi tauna ta ese lamepa eha-araiamu murinai ma hehuni gabunai eatoamu eiava bose lalonai e atoamu, a lamepa taudae gabuna ai e tauadaemu unu amo rumai ba raka vareai taudia ese diari do bae itaia. 34 Umui matamui na tauanimui ena lamepa. Matamui namo neganai tauanimui idoinai na una diari ese eha-honuamu. A bema matamui na dika neganai tauanimui na dibura ese eha-honua. 35 Una dainai nahuamui ba toho una diari lalomui ai na basine dibura. 36 Una dainai, bema tauanimui idoinai na diari ese eha-honua, dibura taina danu lasi, a diari ai e honu, una lamepa e diarimu na heto, una hururuna danu oi latamu ai. 37 Hari ini hereva e gwauraidia murinai, Farasia tauna ta ese enoia ia ida bae aniani hebou. Bena ia ida e helai hebou bena e aniani. 38 Hari Farasia tauna na e hoa e itaia Iesu na imana asine huri bena e aniani. 39 A Lohiabada ese e hereva henia eto, "Hari umui Farasia taumui na emui kehere bona mereki murimuridia mo o hagoevamu a lalomui be dadidadi bona didika. 40 Umui na kavakava taumui! Ina murimuri vada e karaia tauna ese lalona danu asine karaia a?" 41 A lalomui goevadia na ba heni, bona do baita gau iboudiai emui ai na ba goeva. 42 A Farasia taumui madi ihabaimui emui mint bona rue bona aniani avadia iboudiai na a haboumu karoadia o hagwautamu to hahemaoro maoromaoro bona Dirava iurahenina be o readiamu. A ini ruaosi na boma karadia ruaosi basioma rea. 43 Farasia taumu madi ihabaimu, badina be dubu lalodiai helai gabudia namodia mo o urahenimu bena o uramu hoihoi gabudia ai taunimanima ese bae hedavari henimui bona bae matauraimu. 44 Umui na ihabaimui umui na midave garadia asi toadia na hehebou taunimanima ese latamui ai e raka loamu badina be asi dibadia dainai. 45 Bena taravatu hahediba tauna ia ese e hereva henia eto, "Hahediba tauna e, ini hereva o gwauraimu gaudia na ai danu o gwau dika heniamimu." 46 Bena ia ese e hamoroa eto, "Umui taravatu taumui danu madi ihabaimui badina umui ese taunimanima na maduna o henidiamu bona ihuana danu metau, a umui sibomui ese danu edia maduna metau na imamui kwaki-kwakidia ai asio uramu ba daudia toho." 47 Mdai ihabaimui badina umui tubumui ese peroveta taudia e aladia maseva, a umui ese idia garadia ma oha-ginidiamu. 48 Una dainai, umui ese tubumui, tamamui edia kara o gwaurai hedinaraimu momokani idia ese e aladia mase bona umui ese oha-momokaniamu, bona umui ese ma edia gara oha-ginidiamu. 49 Badina una dainai danu Dirava ena Aonega na etomu, lau ese peroveta bona apostolo taudia do baina siaidia bena idia ese do bae dagedage henidia bona idia ese haida na do ba hamasedia." 50 Una dainai ina uru na peroveta taudia iboudiai raradia e hebubu tanobada e karaia matamana amo na idia latadiai. 51 Abela rarana amo ema Zakaraia rarana daika be pata helagana bona ruma helagana padadiai e alaia mase, oibe na hamaoromuimu ina uru latanai na gwauraia kaumu. 52 Madi ihabaimui taravatu iha hedibalaina taumui badina be umui ese ina aonega ikehona gauna vada ome abia oho, umui na unu amo asio vareai, bona ba raka vareai taudia na umui ese o laodia ahumu. 53 Iesu na ruma amo e raka oho murinai Farasia taudia bona Itorena taudia ese e badu henia bona e heiri-heiri henia gau momo e gwaurai dainai. 54 Bona e hakalava ia uduna amo baine lasi herevadia amo bae idoaia bona bae habadelaia.