Juara'dua 3

1 Ehu nuna'e na ya oimi'ina gei agahu nun asula amul iyehun nini iye veju. Iyehun yun vwipi iye vemga ni'o una vwiphuni ye hunveju. 2 Enga ya sui plopeta'e agul vi'ini iyei bul ila 'walival em Natopa'e ni'a iyehe'in suihuna'e apasol bul 'wali val iye vwiphun veju. 3 Yanim malam'o agaho yanim hegaual, vega l dúmani ega iyai'in iyei bul haphun ulagi yemam vemhun. 4 'Enale bu ya iya iamhun. Hu lomhuna, úman iyaho ijia lomo ? 'Ia iya 'waliam hun. Iyehun magi iyaho nugua mai'o mwe'a anei venan iyen le lo emahu nún bul dilahale iyen 'e'o yal iyaho nugu'a bisa aido'ina alavo 'iamhun. 5 Godin ila 'ahi adala lenu mwe'age dovayi le lo éunan. dopa mweag'a mua ala man. bul nim hee gava'ivo bu buitu vale. 6 Iyehun vayi mwe'a gaho vega'e sai he laman vegi yeh lulahan. 7 'Eni yehun mwe'e adala gaho hun ila' ahu venan, apiyen lan'a alavo em úto ga'e vemhun nem eg sisegae Godiho bahi no' mavol iye luliap hun iye ajuhalamu. 8 'Eni'ivo age ila besom agaho ba oilu bia'amane, ehu nuna na ya oimehi Natopi iyehun una'i yaho jula maho'o (1000) balijul, hun 'una'a iyaho alesi ve besom'in se'in em alesi ve besom balinun iyaho alesi ve maho'o maho'o (1000) balinun iyai'ine. 9 Natopi iyaho yaloma'e hul nahami 'uali'ea vwep vo'le 'ivo hu ja ya'agip ayehi aino. Ijehun magijaho nú epa sise abemhun iya hu bademanmo emaho'o una 'avotmi lomhun iye ala venu. 10 Eni'ivo Natopi iyapa lomhun vegiyapa lo'aniyaho nesa neabei'in bul lovol iyai'in lomhun: E'en 'adaladoi nugu'a indoi alavol iyeya ila ni'inma uli'en uhoile hila alihi balimhun, e'en mweagan nugu'a maho'o alavol iyeya balimhun. 11 Ijehun magijaho nugu'a maho'o hilalipa balimhun ijehun yep'e ja emaga ja iyai'in vemhun vwipvo? 12 'Eni'ivo jo Godila malam'in lomhun iye ja vwipvo. Eni'ivo iyi vegaiyaho indoi alavol iyeya mianohoi lee hela alihe balimhune. 13 Iye hul nahami 'ualia maniyaho nú 'adala mwe'a mai'o'in iyehun unama aliman nayehul iye nili'úom ajahi hiju. 14 Eni yehun ehu nuna'e na ya oimiehe'ina na ja iyai'in giamhun ulalenimo ijehun ahalulve higa hul lo ya gia'ni yaho ja madúimi he sise ba'ane em ebu ja sise bani biyephun laman. 15 'Eni'ivo ja vwe'avale, Natopi yapa sui'in yasagip 'ajúhi va'un iyehun magi yaho vwe'aval. 16 Em hu'o bun asula vaijen agai'in ve 'waleaman, eni'ivo hega gaiyaho gili'ine ega'e banayehum hegal em bagil'u nami'ivo ilage 'avot 'avotvi'in iyeya bul Godin ilaga 'avotmi aido aido bun ulagi yen 'ualiavol iyeya bu eha sise abemhun. 17 Ehu nuna na iyehun ja malam'o heyal iyai'in ajon ajup'ala'aval, ega'e mayi bun ulai hijule umama sisesisegive basua 'uliami va jon ala maga jal gilini heju iyaho balip'aval. 18 'Ene yehun nún Natopa ni'ayu hi'ina Yesu Kerison mavwehe'in hega vaiyen ema'inle'avale. 'Enale jepmaipa genle va majamaja 'abi bútun ba'an alamhun iyen 'e'omhun. Amen.