1 Enena avo ejo ingito embo pepemi eto tiri gikeri avo aki are, ue pure akakari avo keti keti are, 2 embo eni mane peika tora,mane engeketo isoro ati atora,eto jemu jemu be eto akari avo embo meni amita re ejo. 3 Mine nango nagoha re siro ambupu eto ke aki ambupu embo meni ra.Nango re meme kame eto bovu enite kanite ami tiri gikija kivo. Nango re samuna ami afurukei mera eto nane nameni ufo avo ueje ue tunga humbae mera kivo. 4 Rate, iji amikote God nangota oreka embo amita tunga humbari eto jamu jamu avo ijeketo, 5 ami nango orekaraja, amore nango ta pure akari do ara ai mane ra, rate tofota jo ari ami ke hei aja. Nangota samuna avo mehei ekeia pumbehae, nangota ingari eha heto eto mereri nanofo avo Ahihi otofu hena eto jokaja, 6 God tofota ahihi otofu avo bada Iesu nangota oreka embo amita javo ai nangota oferekaraja. 7 Amita bere tofota jo ari ami nango avora ari hito eto surumane ari avo mereri nanofo avo hombara ue hito aja kivo. 8 Emore kembe pere ena eto arepoakari evi surumane be eto jikivo eto embo avo God kembe era avo horo ai uketo pure akari pere are, Arepoekari emore akari bere eto emi au embo betapata amore akari eto mereri nanofo avo humbatora. 9 Rate sokova ta ke eto vui ta ke eto ke kakara ai kareka kareka ova avo tovo. Donda amita mine humbari eto amore be ambu ra. 10 Embo meni avo kareka kareka nou jo ai fuja, avo tapa o ehoro au kito re, heiko mane atouja avo ijo ingioe, 11 mine embo amore akari ta deki avo toto afereketo samuna ue tefo nimo avo samuna ta deki ai humbuto jukuja avo eto. 12 Eto nane Artemas eto Tychicus avo ninae heoun pambato ra, avo aru kito , sau be nanae Nicopolis ai vuvujo, mine namo jajemo iji avo embo jomokati horemba horemba ona. 13 Nimo deka eto enena avo heoa Zenas da siro eto Apollos amita pambatora avo ejo, enena avo mane au osaga humbati ora. 14 Nangota embo meni avo pure akakari ai pere hanji keto mehea embo osaga mera avo hondate are, eto ei be ambu embo ami eora anga mane atiova. 15 Embo meni namo ka mehera ami ningo pekiora.Tungahumbari ningo ta avo kembe ari ai uketo peikiora.God ta jo ari ningo betapata amika meja.