HUU 1

1 1 Paulo, Jesu Kilistuho sudasuda abi oma noma Timoteo oi Pilimoni baula jasi mane oho qubake gee lake qededa ,nanaho jasimane qia ma baula dupu. 2 Oma apia nanaho jaba ma Akipus ,nanaho baulaho qaa abi oma guhu dupu apenei gama baqi nike dena nade olai. 3 Qade Ohonga Mai ma Jesu Sopala ho baluna hena ma hasu ma keba oi nikema olale . 4 4 Anai qupi samane Ohonga joobe hilolai,oho qubake ana sani nike pupuda modolai . 5 Niho noka hisi ma jao ma jasa Jesu Sopala oma nokahisi dupu ,oho pobike noko hilemi ana nokola . 6 Oho qubake anai pupu hilemi niho naa maa pupu ma nokahisi oma qubasamane mina laho gesina Kilistuho nakuna olai niho quba dadanga nadakoi . 7 Noma naho ,ola ma qala qia ma jao ma jasa oke nii duma khamede banaidolai oho ma like e oke ana nokai niho quba qakiqaki minake edolai 8 Onida ,anai Kilistuho bejaema ma dadangagoho nakudada nike dodoho hileqi , qua apeke edale hile oke nikee ango edale. 9 Oi dehobahe jao ma jasa ,odaoda nike qasa hile,ana Paulo ,abi dopanihe poiqake Jesu Kilistuho quake sudasudada olai 10 Ana khada name Onesimus noke ana sudasuda mai edeqi olai hoke nike qashile . 11 Bosake noi nikeda baula bamu,Onike poiqake nike ma anada baula nomani. 12 Ana noke sudasuda nagada noke jobilemi boisede .Noi naho jaodonipamu. 13 Ana jao edemi ,ana lada noo pusile noma nakamai oqa nike ho nike ho quba ana kokola edolako ,boja lana anai sinabia quba sudasuda ma olai. 14 Onihe ana bamuqa nihoke nokamake quba deke jaonameda edaqu,anai bamuqa niho olama qala qia oke ede paha dumaqa niho kaipo nadaqu,onihe niho qia. 15 Ohoqubake noi boia hodeqadeke nike qadeqi olai,onida noi paha baqa nikema olako. 16 Boia hodeqa deke noi sudasuda qadako.Noi poqa sudasuda ho isaki bamuhe noma qia. Anai noho quba jasa minani pamuke ededa, oho qesa paha niho quba ede,oi toka sama noma ma Sopala nebeda gamaqa. 17 Oho qubake , qada nike ana ma taiqa nadola quko?, qada nikei paha noma taiqa nadale. 18 Qada noi nike ola ma qala deke qanga ma edaqu mai paha noi nikeda ipi deke aimaquko qada nike bame oke anada modale. 19 Ana, Paulo, gee lake bodo name ma qede, anai baqa ipi nameke dededalioni, anai bamuqa nikeke hee , nikei ana ma ipi olai oke hibaqu, 20 Ole, Nomane nike anake Sopala Kilistu ho jaoda qade ana qupa keba aimale. 21 Niho noo qusuba ohoqubake ana gee elake qede.Anai qubape ho qasake nike hibaqu oke nii ilida minake edako, oke ana ango gesina nade olai. 22 Anai paha nii qasa hilemi nii nahoquba suluho deke naho quba loiloi edale, oi anai nokahisi nameda anahe ,niho pupu oda noko ana gabule ana niho dolo babako. 23 Epaparasi, noi paha Jesu Kilistuho sudasuda abi ,nike Joobe hile. 24 Oho qesa Maleko, Alitako, Demasi ma Luka nokoi ana ma baula edolai. 25 Onida qade Jesu Kilistu Sopala napaho baluna henai nikeho qupada olale, Oi mee.