Huu 1

1 Ana nane nikeho, noo lake pai ma khamedo quwa hile, nikeke ango asadeda.Ana nikeho jao minake edolai .Oi anaqake bamuhe, apei paha noo mee gesinanadolai . 2 Oho khowai ,noo mee nanama olai ,onida noo mee oi nanama agowa qalako. 3 Baluna henama, jasama, hasu Ohonga Mai ma khada Yesu Kilistu ,Maiho Khada mee ma jasa nohoda olako. 4 Ana qaki minanipamuke edolai, edeqi momi nikeho bisada khamedo esai dedemeda olai.Ona nanai Ohonga Maiho doloda noo aimada. 5 Painame ana nii qasahile oi deho noo usaqeke qedalo oke ango bosada hileda ,napai demuho jasa edale. 6 Demuho jasa edola, oi lani ,huno iholai oke ihale, okeni bosake ango nokada poma oda dumale. 7 Owela abi samane ango toka ma hawada dume,edeqi nokoi abi ikowedehe Yesu Kilisyu deqaho abiho sama aimalo. Abi onomai owela abi, noi Kilistuho ibo abi . 8 Samanikeme molale, nike edolaida quwasamane aimako hileda oke qadaino, qolaqa tuma nime aimale. 9 Abi dei beyabeya edaqa, Kilistuho noo hihama nadaquko, noda Ohonga Mai olamani. Mai ma Khada oi noo nokome ma olai . 10 Oi abi dei nikeho dolo baqi noi noo lake aima bawamani, noke edoqa naga nikemeda aima dumaino ma noke edoqa jowe ma kanakana hiwaino. 11 Oi abidei noke jowe ma kanakana hiwaqu,noi noho anga oma taiqa nade. 12 Ana noo samanei olaimi nikeho quwa qedakoli,onihe ana oke gee da bamu qedaqu ana qupajomami ana namae nikeho dolo bawako, baqa napa penga denaideqa napamai hilemi napaahoda qakinoma nadako. 13 Sase nikeho oho khamede nikeke jowe hile.