1 Noma mane ,Ohongaho boja oke ana kake edaqako qupa jomai nike pobi hibaqu. 2 Qesai qupa lume nokomeho isakida hee,quba minalai isanadolaiqa hiima eehe quba bamenoma ango nokoda bilanadako . 3 Oi paimane qulanoma nokomai isanade omi khada qasejomaquho heme ango nokeke suqobilemi loqo bedolai oho isaki nokohoda bilanadako, onida Ohonga Sopala babalijo ho boja.abi qesaho nebeda guume abi qupabake seike baqi peidolai ho isaki nademi nokoi ,nokoi kada somaqu, bamu. 4 Oho qubake Ohongaho bilanadaqu boja bamu nikeke atio bilaqu.Oi dehobahe nikei gama onomake qupajomako. 5 Oi deho quba bahe onomake jajaho kamede pobi oi quba onomake qupa jomama. 6 Oho quba qesai lume ma khoukhau ma olaiho dedeke dume bileqa napamai bakena gema qamake, bilanadale . 7 Oi qesai oba angake munaqi qiba lumenadolai ,noko,qupiba mela minake edolai. 8 Qade qesa ma napai ede jaja ho isakida hileda. 9 Oi Ohongai deqaho napake bialeiqi hilolaijalo,onihe Jesu Kilistu Sopala napameho ijada ,modola leiqi hilolai. 10 Kilistui napaho pui nade badeda onida napai ehahake ,qala qumai, 11 qesai ango bade bebe edolai oke ede noma gama hobihobi edolaihe ,ma dede oke napa paha minaidale . 12 Qada namamane qija nikeho heme baulake ede nike sopalaho dededa jeimolai ma pobidolai. 13 Nana nike qasa hilemi nike nokoho baula qia oho qubake , nike nokoho qaki edeqa nokoma dena ma taiqa nadaqa ,qupa keba sama keba nikeme ma olale . 14 Nomamane ,nana nikeke qupanomaidemi nike abinaga abaqomanomake sinasina hileqa,senoke hobileqa , abinaga pepeladolaike dadangaideqa noko ma taiqake olale . 15 Moma deei edoqa ,qanga ho ipike demuhoke edaino .Onihe ,qiake qesamane ma minalaho qubake edale. 16 Boia samane qaki ma naki ma olale. 17 Pupu dakeke olale ,edoqa pupu qadaino . 18 Quba minalaho joobe hibale,oi dehobahe, oi gama Ohongaho jao, Jesu Kilistuho nakuda oi nikeho. 19 Boleqa Sumasa ho baulake pusibaino. 20 Paha boleqa doabiho noo noka gotahedaino , edo baihibaino. 21 Quba samane minalake dolonaide molale edeqa qiakeke aimolale . 22 Ibaja ho edaeda minalake qadale. 23 Qade Ohongaho hasuma ede nike duma qaheubanadale. Oi nike ho gisi ma toka sama ma qupa gamaqa bamebamake Sopala Jesu Kilistu ho baba boja bebe edale . 24 Ohongai nikeho kila hileda oke nike aidadauma ma ihaqama, noi quba minala nikeho qua edako . 25 Nomamane, paha nanaho quba pupu hibale . 26 Qaheuba nipamu ho isakida qesa joobe ma kanakana hileqa demu kanabedale. 27 Ana noo dadanga Ohonga Sopala napameho japada hile ,gee lake okoma bodo dupu ho bisada isade. 28 Qadeqa , Sopala napame Jesu Kilistuho hasu ma keba nike ma olale.