1 Koma bari mi oroko ove etoto gembo fufute rena, nemokena nunganu ne kotari nenda ava simbugaireva. 2 Amingo ari ne sekago geka sisira arava mumutusira, Matu kotofu kakara ari kakato aimi geka sisira Iesu mi kauta kavevera mumutusira nenda Afosoro kena. 3 Oroko tuturo da dehaerira, Ane vurigi amboda irari nenda ujo kotarida. 4 Nune sisira, geka sekago nu kaveregerira. Eta mama da fase avo usira, amingo enini berari tuturo siroro usira gari daba amingo ra. 5 Eta nunese joka da rugairera ereiva, amingo da utu siroro usira etiri endada siroro usira ava uvu da tamondage .Eta God da geka dedaba. 6 Ainemboge enini berari enda-da arava vurigi dabade sisigho airira uvu usegha buvo fetairira. 7 Eta oroko utude, endade ava simbugairira ajagha fufutusira, vevera da nunese geka gari mi vurigi daba gategari gegenembo God da ajagha irairera. 8 Ainembo ere enini evo buyo, koma bari mi, eta vurigi daba ane Iesu kena natofo erari, ate natofo irari ane vuriji daba ra. 9 Godi jo esefuse ea dorira, Nu kakarako mi geka sisera ava kotedorira, ninembo gieyo Nu arava nenda mabura, God nu ujea ari aekogo dodota kaveragerada. 10 Ara vuigi God da ane divamingo buvo rira ariga utu da jave nembo sairira, ate amingo ururari endade enine barari vevera mi ave mujae tiveri sekago siroro irira. 11 Eta enini berari ava majerira, Airi gegenembo gari nagego mi, kotofu kakara airi God da amairera. 12 Eta burigi kotego ea God da kavegere vurigi ama utu da enini berari arava vevera mi ave teve mujerira. 13 Eta nunda sisira amingo, Namane siburariutu seka da end da seka da amo ari evera edora ami arirara. 14 Amigo nembo, komabari,eta ni enini eveva ujo aresage tavae giyo amingo arasege seka da bohu jo berase God karevera da. 15 Ainembo namone ane Iesu da mabu manara, nunda durohgari ainambo, Eta amingo nembo ane nemoda nanda koma bari mabu Furu mi ove usira. namokane ara kotari ane God de mumutusira. 16 Ari Nunda ove ami rasera namoda namokana ere enini namoda goroda enini aravani gari katogoirae. 17 Ainembo komabari ni garira arate enini giti da, ava Nusuka sembo eaio ate ni ivata aekogo gegenembo arava ena tumo da ari ane majarira. 18 Eta bajairasa koma bari da gero garida, namode nanda God da sonebari koto Iesu kariso da durogiri namoda namokena natofo erarira, Arara.