Tane 1

1 Saimon Pita, ava Isue Keriso da aghi kato enini ra, ninese rurusera geka beka ari daba aimigo ava namane mi rurusera. 2 Joka jamo jamo da koma bari namonda nanda jokada ge baje nembobe aririra, God nungha Iesu gha da ano da. 3 God enini berari mumutusira namonde namo kena, ainembo namonda nu gari beka ra, ira eveva ane God kena buvudo rira. nunda yeyeda namane ano mumutusira. 4 Ara enini berari, ava nune namonde nanda matu sisira, ainemboge enini eveva ava bodota enda da kotari aekogo arava darigairesa. 5 Nineda ivata eveva ava ijujar emboro eveva da ege ninda geka beka ava isagha ari. 6 Kotari eveva gha tamo fisi da ujo ava ambo ambo use, God da ivata ava ege. 7 God nunda ivata eveva da, ninda namendi, koma rurersa amingo ava namendi eini ava koma buyo. 8 Ara enini berari ava ninda joka da sirore nembobe airirage, ni jo tefo iraresate, ni kotu mindari oruabe Iseu keriso da ujo da asoge sirorarira. 9 Genembo avese eninini berari amingo tefo nujo reghi ge ghovo arira, nu kotu genembo diti bekirae amnigo ava kotae irerate, Iesu nase nunda bekirae ava aeghetiri daimbusira. 10 Nanda nano namedi, ivata eveva ava emingo evo, ni ava God da vovo nangegori ava ge ghovo evo, ni ava nanda aghi katora. Eta amingo airesage ni ava jo duraresa. 11 Emboro eiva, einini ijo irae ava jebugarida ama nafofo utuda namonda nanda nembobe Iesu Keriso mi sekago bairira. 12 Ainembo na vrigi berari kafa use. nanda komana,sano ningarira einini berari da ano da geka ari da. 13 Eta na ava ere kotena, na dibura kambo ama irena, sekago sane ni einini berari avava kotase da. 14 Nomi nanegegdo na amberi, nangetirige Iesu kariso mi nanda ijugusira. 15 Ainembo nanda ano mi ove ereava gefena, amingo ane ge, na ambainena ava na kotevo. 16 Namane Iesu da ambo simbi mi rerira, namonde nanda barjari vurigi dabada kavevege buvaira. Namane jo kiki gavera arava namande da kotari mi jo saera. namande mi resera, diti i namaneda mi Iesu kariso anode korida ava gosusera. 17 Namanenda mama God nembobera, eraene nanda mandi ra, na nu ijo rena, na nunda ivuga rena. 18 namane ningera God nase emingo sisira, emingo de namane Iesu de doriri kakara ama irisesa. 19 Namane geka beka rera Iesu da aghi kakato da ove gefusera giti beka da. 20 Enini berari da tamoda, ne gaireva aghi kakato mi nunda kotari mi geka saedorera. 21 Ara geka berari ava jo genemboda ujo mi saera, kotu God da sari ava genembo mi sisera. numo ava Asisi kakara mi giti e fedousera.