¹ Eta use asisi berari ava tumonda eyose, ara asisi ava ge ghovo evo, ara mo God da asisi tamo? ainda beka gavera gegenembo ava matu vose enda da fefetarera. ² Emboro emingo da ni God da Asisi gairesa. Eta asisi berari mi sedorera Iesu Keriso ava God kena ge tamo fisida buvutusira. ³ Asisi berari mi Iesu ava God kena buvae sedorera,erei ne Iesu da vasai ra.Ne niniguseva ava matu buvo enda emia ava irera. ⁴ Ne God kena ge buvutuseva, ariee nanda sasingu mane ama dare fetevo asisi nenda ruruseva arava ano de ra,eta enda da ruruseva arava ano de irae ra. ⁵ Nu enda da gegenembo ra, ainembo geka roju sairera ane enda da geka ra,eta enda ereiva nunda geka ningidorera. ⁶ Namonde namo, ane God da tofo ra. Eta genembo avese God da geka ningae irira, ane namonde daba irae ra. ⁷ Namonde na koma bari mi irarera, koma bari ane God tofo ra.Genembo, God kena sirorusera ane God garira. ⁸ genembo, avese koma bae rira ava nu God gaera, God ane koma barira.Ainembo se God da koma bari namonde namo kena irira. ⁹ Eta erei ne God da koma bari namode namo kena mumutusira.God nunda mandi dabako ava dirigusira namode namo nembo. ¹⁰ Koma bari ereiva, God koma budorera ara irae ra, eta nu namonde na koma rurusira,ainemebo nunda mandi dirigetiri namonde nanda aekogo nembo buvo afusira. ¹¹ Eta, God namonde koma rurira, kotu daba amingo ava mambu eini koma buyo. ¹² Genembo eini avese nase God jo gaera. Ainembo namedi koma baresa ge, God namode nanda joka da iraira. Eta nunda koma bari eveva ava namonde kena. ¹³ Eta emingo use nu namonde nanda joka da eta namonde nunda joka da, nu ne asisi mendoni mumutusira. ¹⁴ Ainembo, namane mi gosusera ava geka beka ra, God nunda mandi futiri enda da sonembari da se vovosusira. ¹⁵ Avese God da mandi isagha koriga ra Iesu, God da mandi resira ane erira. Avese God da mandi se isegha karigairira ,Iesu God da mandi resira ane God nunga eriraera. ¹⁶ Ainembo namade gedo God geka usa koma bmdorera, God ava namane dara ainembo nunamode iridorira. ¹⁷ Ainembo koma bari erava namande jokada irira ainembo naruane mi airera katogora,eta vurigi da bada iji kasaride numo ane genembo ingha bugharira. ¹⁸ Tinigabari kamabniri kena ama tefora, koma bari aina airi koma bari numo kena tefora. ¹⁹ God giti namane rurusira ainembo namane nu koma rurera. ²⁰ Gegenembo mi God koma bari sedorera ate nu mambu gha tin gamdari edorira, eta nu gavera genembo ge, nu God koma bae edorira. ²¹ Ainembo agho davi eine God kena rurusera, eta avese God koma rurira daba aningo ava nunda maingo koma bari.