¹ Anada neno mbari de gambe de Gaiasi bego. ² Neno mbari, amo benunu roure nemo digari du taubana yaita resorawore buneba keisa, mona taubana umo mbere nenda tamo de. ³ Amo riria jojabe anda mambu mane nenda gambe de riria de, imo utirota kotu gambemi nembo de. ⁴ Amo eghago riria jojatofo keisare, kotu ningaita roure anda sasingu gambe de yaita resore. ⁵ Nenda ningari de awa esega enembo de du. ⁶ Unda fumbari iri de unda gambe nenda uno awa kambo kakara da ditiwa . Imo taubana mbe urera wore nenda darei de Godi da enikoeniko de. ⁷ Awa mona tamo da riria du jo enikoeniko mbambi keisa igiguturie . ⁸ Namo awadu riria vevera de enikoeniko eghago de, awa ari enembo re. ⁹ Amo owawa demena gefirire Dioterefasis du, etago umo seisei unona awa useseguta da rova jo nanda gaga mbambi urie. ¹⁰ Awadu eta amo bubadira mo, anona unda nundubari de unda begata rouvia de arimbari de unda gaga akokogo de nandu erouvia, tago umo jo avore ambi erouve kotu umo faura taubana ambi erouve undofa mambumane du kotu gajerouvie kambo kakara da isagha va. ¹¹ Neno mbari mana kuvigikuvigi areta ava asisi akuago,tago taubana nu umo avona taubana nembo erouvi Godi dava kotu avona ari akuago mo Godi jo gambi aita rouvie. ¹² Embo ragaro Demetiasi nuemi fufurie gambe ari embo ava de kotu avada gambe de sei urieta siroruturia de. ¹³ Amo avanu enikoeniko oragobe gembaita roure,tago amo jo uno ambi roure indu ingotu de ingota da mumi. ¹⁴ Tago amo nundubuturota reomitire yadamami imo gaita.kotu nanda uno titi minomino geruta gaga raita. ¹⁵ Ava taubana indava,mambumane da faura indava,faura aitore nanda mambu mane nenda ragaro va.