umbu 1

1 Na pol, ane ovesiveto ekehene pambija imo Taitas ta dei, enbo vahai Mamaha ta pure embo Bada Iesu ta Mamaha avo ungona kito ikehi puvuna. Embo eto evuhu ainge uija, eto ungo avo amita ambo ta osaosa dombobe aisova.Eto pure aisona embo eto evuhu avo kiora ije aisona, eto avo ke be ije iresora jo perari na. 2 Eto avo hotebuhe iresora toho ungota siro perari amina toho ungota ahihi avo embo bada ta dei ta ke pusasoa,ke mahu aisuja enda ta. 3 Iji mahu ange, ane ehi puto tohota ke uija avo nanena ana ke ije ena. Nana uena ane ambo ambo Bada ta ke ai ara ije ane igana humbuija. 4 Nana ovesiveto ikehene pambuha imo Taitas, amo doramine imo toho ta hinafena aingeto, avo do ingana humota ikehene Iesu ta dei, joarina Mamaha Bada ta dei eto Iesu inga nau dei ta jo ari ikasuja. 5 Ane avo embo na imo ere toruhora, avo ane nu dei ta toruhona donda irae mihei mahu embo dombokambo dei jo amina pure ara ke erera. 6 Embo dombo amita samuna avo iresae, embo ane evehu vahai vahai ta ivu asuja, tohota hinafena ga ane mane ke ija aisora toho ungo ta wasiri. 7 Ane evasava bera, embo davo simba erua amita donda do jo ta miha ane mane samuna aisuja.Imo mane embo inta aisuja ate embo pure perari avo kiari amina eto imo mane hinikambari mahu aisuja, eto embo mane umo samuna avo indaguja, eto embo mane tohota donda avo jigaguja. 8 Ate moeonga be kijo embo donda ujeje mane aguja amo evamei ra.Embo vahai amo embo mahura eto evamei ra, embo amo Mama humota ari embo eto imo mohuna be. 9 Imo ke evi be jigesuja do ere na ane avo embo vihoja eto embo nenei avo koropa ikasuja. 10 Na ke do ere na, embo eto eveu vahi vahi ke ingari ujae eto ambo ambo ari uje agora. 11 Ane evasaiva dombo be ra, embomei evi ke pejeto embo eto evehu ikasora donda nenei, ane mekiari ra amina orope sisosiso aguja. 12 Embo vahipa kiari embo, embomei ane ungo mahu ke pusagora, eto ingo kiari ke ije avo indari pere agora. 13 Ke ane ke be ra, avo embo eto amina sovera ari ikasuja avo embo jo ikagora. 14 Jews embomei ta epe jape mane ta ofifi hihi aravo ije ingesi aisoa vahi aingeto embomei Bada ga mane iragora amita ke avo ingesoa. 15 Embo davo usasa ta miha ane, donda perari re puresuja. Usasa na, ate embo davo jota irae ue Bada ta jota irari kiari ane samuna tera, donda davo evasaiva avo iraera eto siro do samuna ikasi keto orone. 16 Ungo kiari ke erera Bada avo, ate ungo ke mahu ijera, ungo ke avo aisoa ije donda do evasaiva ane aisora.