1 Mahubeta ingo re arihumbuari sasamuna avo uve ari samuna na enu te ta embo pehari na arako agova. 2 Ane ari samuna emina eheai ingo pusu ta wasiri emita embere ainge hakabe ta miheva.Ingo perari avo pusu amita agotari embomei inta,pusu ta ahihi samuna amina uvai hinafena,pusu engo ke ingae tumbae ta wasiri irora. 3 Wahiange ingo te na embomei perari,avo be pusu emita hamo ta uje je aravo be eto keisije erora.Eto pusu emita wasiri ta goma amina hinafeina avo tihite to humbuto be temobeta vovuha. 4 Ate ingana pusu ta wasiri sasamuna ariembomei ra te Mamaha ta tunga humbari inga nau deita ane heka ari saogo ae be ra. 5 Iji amita ingana avo pusu na andinu avo mihere Iesu tohota hotembetoari amina ingana humbuto wahita ena. 6 Eto pusu na andinu mihere Mamona tohota mei Iesu Keriso ta peheto erari,amina ingana hetega vahita erihija tohota iraribesi ta. 7 Ainge uvija amita be re embomei pusu arafu ta puresuja amina tohota totembeto toari heka iraea avo keve Iesu Kerisoga iresora. 8 Awarate Iesu ta hotembeto toari amina inganau humotari kembeari,avo jigihija eto ane amona Mamaha na ingote nau hande ikehena. 9 Eto aisina evi embomei ta pure korahi aiera ate Mamamha na ingana embo ena avo eto embo amina tohota javo jigou vihesuja. 10 Mamaha na inga namone tohota pure embo mei arakeije avo Iesu Keriso ga wahiketo avo waisiri evamei ara ke ijija. 11 Avo embo hotembevujo, ingore teta da nei ebomei ainge to hamovisina mihaheva. Eto Jiuda embomei na ingota hamo avo tivihe "avo ingote nane hamo tivae embomei ke ijera." Eto hamo ane embota ingepena tivihera. 12 Iji amite, ingore Iesu toto temobeta mihahewva, eto vahai aingeto Israel ga vahaita mane ere uahera, inga 13 Ate pusu emi ta wasiri amina enu ingana mo ne humbuto temo be ta ikenu mihahera ate Iesu Keriso ta pehe to erari ta orosa amina inga na more humbuto vahita uvi ja. 14 Iesu keriso re ingote nau peka ra. Mamo ta mei avo vahai amita puvuto ari amina pusu te eto uhute avo humbuto vahaita enu avo vahai ena. Bada Iesu ta pehari amina teto mina pehari amita kogoru avo tenu pejena. 15 Eto amone, tohota pehari amina ago tari perari avo humbuto temo ta ikihija eto avo embo mei perari humbuto vahaita enu avo peka ta embere ainge puto vahai uvera. 16 Iesu Keriso ta pehari amina embomei eonga eonga ari avo humbuto puto memo ta dei vahaita uvija ane tohota orekata vihito pehihija amina ena. 17 Iesu Keriso pusu enge puvuhija ane inga nau deita peka ta wasiri eto irari humbari aravo uvu namei kamei ga tunga humbari irora ta ke avo hande kande enu pusu arafu iefue ena. 18 Iesu Keriso ta pehari amina inga na embo mei perari avo enu ahihi vahai Mamo hena avo ikehi kabuhija. 19 Avo embo,oroho ingo danei embo mei aravo irae uija eto da nei embomei te pusu arafu ta mihaera avo erae ena. Ate ungo re nau embomei ra humbuto to vahita ano ingo ta namei epone ufu inta amiga mihena jaseka aisoa. 20 Umo ne nu tuturone ambotari eto aho fatirari embo Bada na ikihija amita dei ehijo, eto Iesu Keriso ane nu tuturo ra. 21 Tohota dei avo mande perari avo vahaita kambaguja eto Bada ta dei hotofu oro ainge to eraguja. 22 Ane tohota dei ainge vahaita ihija,Mamaha asisi jo ta amita erari dei.