¹ Gaius, nau namei okosi ² imo nau jo na tunga humbuhona.Tunga humbuhona,kekeha orona inga evamei pambosora eto evamei be aisoa, nu jo vahaigeto. ³ Na osa dom bo be orona nau namei kamei puvuhera eto ke be avo sovera kehija imo ke be ta fefeta agoa aingeto. ⁴ Na osa dombo be avo irae ra ate nau hinafena kebe ta fefeta orora avo ingesi. ⁵ Tunga humbari nu jo na pure perari imo kiae amita dei agoa. ⁶ Nu tunga humbari avo kehija orohotopu ta jo aita kehija. Imo pure evamei eto ekehi pambuhera tohota ungota fefeta evamei be Bada ta jota. ⁷ Amita be ane javo ingo pambuhera amita javo ta susu ta,donda nei do avo humbae, Eteni embota ta dei. ⁸ Nango avo eto donda egeto avo humbasora, asora kito nago avo ke be pure ari embomei avo ambo ambo aisora. ⁹ Nana donda ovesivehena embo vahita ehera,amita dei pambuhija, ate Diotrephes,kihi asije tunga humbaguja nago humbae miha. ¹⁰ Eto na puresona, imo pure do ora ane nana jajage ano tohota siro eto tihi ane nau dei ta ikasuja,ke siro erae ta ke nago hena aguja. Ate amiga inonota aera,imo moeonga namei kamei avo humbari uje mane aguja ate embo amina namei kamei humbasi uje aguja avo peikaguja eto orohotofu temo ta ikaguja. ¹¹ Nau tunga humbari, donda samuna avo mane hotebu hotebu isoa ate eva mei avo hotebu hotebu ejo. Embo evamei aguja ane Mama ta ra; embo ari samuna aguja ane Mamaha ta aera. ¹² Demetrius ane sovera perari ta avo kevuhija eto ke be moeonga na. Ate kiari humbuhera, eto imo keisoa nago ta ke ne bera. ¹³ Na donda dobo be nu dei ta kajasona, ate na kigai te mu te na kajari ujae orona. ¹⁴ Ate na ungo kiahera avo hotebuhona eto avo ungote tombu mina keve ke asi erena. ¹⁵ Peka ungo te tapa! Namei kamei ungo ahoka uorou. Namei kamei javo ije ahoka evujo.