¹ पावल, कनज्यककि नासामने चावा येसुकि चिक लमा ने एफिसिला वतुप् चावा येसुला रेत्पा किदिकमु मि चेङि तिवाला। ² अरे पापा कन्ज्यकताङ चावा येसु ने खिराङ्ला काट्रिन ताङ लो दिमु । ³ कन्ज्यक अरे चावा येसुकि कनज्यककि पापि सँवा हुङ्सित् सिकि ओरुङ्ला सेम्गि मलामकि चावाला देवाचेनकि दासाला मलाम बिनि वे। ⁴ खोकि ल्हाताङ्ला ओरुङ चेङि ताङ लाका मेलेवा मिकिउइ सिनि दि लुङ्बा ज्वप् सिना गमालाराङ कन्ज्यककि ओरुङ्ला दाम्बु हिन् । ⁵ ङिङ्ज्येला कन्ज्यककि ओरुङ्ला चावा येसु नेसुर् राङि पुज्युङ तिवा दगेराङ पुज्युङ् चुङ्गुप्ला तङ्ने राङ का ताङ्सुङ। खोकि दुक क्यासुङ चिला सिसिन खोकि नासाम ताङु तामला ल्हो दिवा क्यासुङ। ⁶ तिकि किसाला खोकि ओरुङ्ला राङि ङिङ्ज्येबु पुज्युङ नेसुर् कङ ज्यिगाङ माच्याल्बा बिन्दुप्कि राङि सँवा देक दिमु कट्रिन किसाला कन्ज्यककि सँवा हुङ्सित्। ⁷ कनज्यककि नासाम तोङ् मुथुबु कट्रिन नेसुर् खोकि ङिङ्ज्येबु इुज्युङ्कि ठाक नेसुर् अरेकि थार्वा ताङ दिक्पा थार्चिसुङ। ⁸ दि कार्टिन खोकि रिक्पा ताङ हाक कोताङ नेसुर् ओरुङ्लला ग्याक्च्ये बिन्दुप् वे। ⁹ कन्ज्यककि राङि सेम्ला वतुप् नेसुर् चावाला छ्या वतुप्, छ्या मेतुप् ताम ओरुङ्ला हाक को चिनि वे । ¹⁰ तजोला खोकि नासाम ताङु तुज्येति छेक्यु तेमे कन्ज्यककि देवा चेन्ला ताङ जम्बुलाङ्ला ति खेप्तङ्मा चावाकि ओङ्ज्येला खुन् गिउइ। ¹¹ तेरि ताम राङि ताम नेसुर राङ कितुप् कि नासाम नेसुर् ओरुङ खोकि मि ड्वप्ला चावाला तङ्लाराङ पेतुप् हिन्। ¹² खोकि सँवाला नाम्लाङ लुथुसित् सिनि कन्ज्यककि सिक्यासुङ। ङेराङ चावाला रेत्पा किरुप् तिवा तङ्ला हिन्। ¹³ खिरेकि टेङ्बु सुङ खिरेकि थार्वाकि लेन ङेन्सिमा खिरेकि मोवा क्यासुङ तेमे खिराङ्ला ना क्यालुप दगे थु चेङिकि ज्ये ग्याम्नि वे। ¹⁴ अरेकि ओङ्ज्येन माङेन्दु साक खोकि सँवा कि छ्यापा बुलुप्ला थुचेङिकि ओङ्ज्येनकि बिन्दुप् ता हिन् । ¹⁵ तुक किसा चावा येसुला वतुप् खिरे मोवा तिवा तेरिक चेङि मि तिवा खिरेकि ङिङ्ज्येबु तिवा ङेकि थोनि वे। ¹⁶ ङेकि खिराङ्ला सिनि कन्ज्यकला थुचिछे बुलुप् ताङ ङे मोपारला खिराङ्ला नासाम तोङु माताङ वे । ¹⁷ ओरे चावाकि कन्ज्यक सँवा कि बुल्गोबु पापिकि खिराङ्ला ह्रिक्पि थुताङ खोकि च्युकि ठा छ्यालि तेर्सित् सिनि ङा मोपार किउइ। ¹⁸ ङा मोपार किइ किउ कि ओरुङ्ला चिले टालुप् हिन सिनि हाक् कोतुप्ला खिरे सेम्गि मिक तिवा पेसित् तेमे मि तिवि पार्ला खोकि ओङ्ज्येनकि सँवा ग्याक्च्ये काङ हिन सिनि हाक कोसित्। ¹⁹ तेमे ओरुङ मोवा कितुप तिवि खोकि ङार गेर्पु कला खिरेकि हाक् कोत् । दि ति खोकि ङारकि लाका हिन्। ²⁰ मिन्सिन् कन्ज्यककि चावा येसुला श्येप् नेवा सेन्बु लाङ्गुप् ताङ देवाचेनकि दासाला राङि याबि लाक्पि छ्याला ज्याङ्नि वे तुज्येलाराङ चावा येसुला लाका क्यासुङ । ²¹ खोकि येसुला तेरिक ओङ्ज्येन, ङार तेरिक मिनकि खाला दि लोग्यु क्याजिक मिन् हिन्सिनाङ हुङिन किरुप् लोग्यु लासाङ दि तेरिक सिना तेङ्ला ज्याक्सुङ । ²² कन्ज्यककि तेरिक सामा तिवा चावा येसुकि काङ्बि वक्ला ज्याङ्नि वे तेमे तेरिक छ्यो छकला तेरिककि गो जोनि वे। ²³ छ्यो छक ति खोकि जुबु हिन्, तेरिक छे जितुप् ति खोराङ् हिन्।