¹ Paulo, Umufungwa wa kwa Klistu Yesu, no mukwabo Timoti, kuli filimoni, umunesu nakambi uwo tubomba nakwe, ² na Afia nkashi shesu, na kuli Archpas icita cinesu, na ku cilonganino icikumanina mu nganda yobe. ³ Leka inkumbu shibe kuli we no mutende ififuma kuli Lesa Tata wesu ne Mfumu Yesu Klistu. ⁴ Lonse ndatotela Lesa ulo imwibukisha mumapepo, ⁵ pantu ndomfwa pa citetekelo icimwakwata ku mfumu Yesu no kutemwa mwakwata pa bantu bakwe abashila.. ⁶ Mpepa ukweba ati ukwabana kwa citetekelo kube ukufikilepo, ukweba ati mukwate ukwishiba ukufikilepo pa fiweme fyonse twakwata muli Yesu. ⁷ Pantu nalikwata insansa ishingi pamulandu wenu, pantu imitima ya bantu bashila abaku Lesa yalikala bwino pamulandu wenu, mwebakwasu. ⁸ Eco, nangula ndikwete ukupama muli Yesu ukwa kumweba ifi mufwile ukucita, ⁹ nomba pamulandu wa kutemwa,nkolomba kuli mwe - Nebo, Paulo, umukote, pali nduno umufungwa wakwa Klistu Yesu. ¹⁰ Nkokwipushako pa lwa mwana wandi Onesimas, uunafyele muno cifungo. ¹¹ Pantu inshita imo ali uwa cabecabe kuli we, nomba ali uwa ncito kuli we na ndebo. ¹² Namutuma kuli we nakabili, ngu uuli pa mutima wandi. ¹³ Pambi nga nalimulekele kaba kwenka kuli nebo ukweba ati alokungafwako pali mwe ulo ndi mu ntambo pa mulandu wa mbila iyawama. ¹⁴ Lelo nshalokufwayapo ukucita icintu ulo muteshibilepo. Nshalokufwayapo incito shenu ishiweme ukufuma kukupatikisha lelo kukuitemenwa. ¹⁵ Pamulandu wa nci apatwililwe ukufuma kuli mwe pa kashita akanono, ukweba ati akabwele uko no kwikalilila. ¹⁶ Ukutula nduno talipo musha,lelo aliweme ukucila umusha, uutemwikilwe. alitemwikwa ukucilamo kuli nebo,nakambi ukucilishamo kuli mwebo, ku mubili na ku Mfumu. ¹⁷ Eco kani ulikwete nebo uwakubomba nakwe, umupokelele kubati ninebo, ¹⁸ Kani alikukalifyapo nangula kani ali no mulandu kuli we, umpingule ni nebo. ¹⁹ Nebo, Paulo, nkolemba mfi ku minwe yandi. Nebo nemwine nakulipila - ukucila no kulabila ati namwe nkomufwaisha mwenkamwe! ²⁰ Ina, wemukwasu, ncita nkumbu muli shikulu; Kosekesha umutima wandi muli Klistu. ²¹ Ndishininkishe icumfwila cenu, nkomulembela. Ndishibile ukweba ati mwakucisha napa fyo nkomwipusha. ²² Panshita imo yenka, Mpekanishisheni umwakulala, pantu nkosubila ukweba ati ukupitila mumapepo yenu, nakubwela kuli mwe. ²³ Epafras, umufungwa munandi muli Klistu, akomuposha. ²⁴ Na marko naye, Aristakas, Demas, na Luke, ababomfi banandi. ²⁵ Inkumbu sha Mfumu Yesu Klistu shibe ne mipashi yenu. Fyekefyo.