¹ Mu mwaka wakubalapo uwa ku Cyrus, imfumu yaku Persia, Lesa kafisha ishiwi lyakwe ndyo ilya fumine mukanwa kaku Yeremiya, naye kabusha umupashi waku Cyrus, ishiwi lya ku Cyrus kaliya monse mubufumu bwaiko. Mfi efyalembelwe nokulabila: ² "Cyrus, imfumu ya ku Persia, yalabila, ukwebati, Yehovah Lesa wa kwiulu, ampele ubufumu bonse ubwa pesonde, nakambi kasonta ne ukumwimakila inanda mu Yelusalemu wa mu Yudea. ³ Ngo onse uwafuma mubantu bakwe (muleke Lesa abe nankwe) aye ku Yelusalemu, ngo uuli mu Yudea, no kwimaka inanda ya ku Lesa, Lesa wabena Israeli, Lesa ngo uuli mu Yelusalemu. ⁴ Abantu mbo bonse abali mu ncende shonse isha bufumu abashilililepo mumpanga bakoikala kubati bena fyalo balingile ukufumya silvere na golide, nefipe fyabo ne fitekwa, fyekefyo ne fyakupa ifyakuitemenwa pananda yaku Lesa mu Yelusalemu." ⁵ Nomba abakulu bafikolwe imikowa ya ku Yudea na Benjamin, bashimapepo na bena Lebi na ngo onse umupashi waku Lesa waimya kaulokuya mumpanga inanda ya ku Lesa, njo iiyili mu Yelusalemu, imeni. ⁶ Shonse mbali nsho shafwe ngu mulimo wabo kufipangwa kuli silvere na golide, ifyuma, inama, nakufya kuminta ifipe, ne fya cibwesha fya kuitemenwa. ⁷ Cyrus mfumu yaku Persia kaifumya ifipe ifyalingilwe mu nanda yaku Lesa mfyo Nebuchadnezzar afumishe mu Yelusalemu ukufibika pa nanda yakuli tungosa twakubasa. ⁸ Cyrus, imfumu yaku Persia, kafipela muminwe yaku Mithredath kasunga wacipao, ngo uutapendapo uutalamukapo kuli Sheshbazzar, umwana wa mfumu yamu Yudea. ⁹ Nji empendwa yabo: Amabeseni amakumi atatu, ikana limo ama beseni a silvere, amakumi abili napabula ama beseni ambi, ¹⁰ Insani amakumi atatu isha golide 410 insani ishice isha silvere, ifipe fimbi ikana limo no ukulundapo. ¹¹ Kwali 5,400 ifipe fya golide na silvere fyonse. Sheshbazzar kasenda fyonse ulo abali muli bunkole kabalikufuma ku Babylon ukuya ku Yelusalamu.