¹ Jehova wakambuula kuli Mozesi mutente lyakubunganina munkanda ya Sinayi. Eechi chakachitika mubuzuba butanzi bwa mweezi wabili mumwaka wabili kakuli kuti bantu ba Izilayeli kabali bazwa kunyika ya Ijipita. Jehova wakati, ² ''Amuchite kubalwa kwabantu boonse ba Izilayeli muluzubo lumwi alumwi, mumpuli zyabamawisi. Mubabale amazina. ³ Mubale balumi boonse, awumwi muntu, uli amyaka ilimakumi aabili nakwiinda. Mubale boonse banga balalwana mbuli basilumamba ba Izilayeli. Iebo a Aaloni mwelede kulemba mweelwe wabalumi bali munkamu zyabasilumamba. ⁴ Mwaalumi uzwa kumukowa umwi, awumwi musyobo, muzulwidi wamukowa, welede kubeleka anduwe mbuli muzulwidi wamukowa wakwe. Awumwi muzulwidi welede kuzulwida baalumi bayolwanina musyobo wabo. ⁵ Aaya ngimazina abazulwidi belede kulwana antomwe anduwe: kuzwa musyobo wa Lubbeni, ⁶ kuzwa kumukowa wa Simiyoni, Elizuli mwana wa Seluweli mwana wa Zulishadayi; ⁷ Kuzwa kumusyobo wa Juda, Nasoni mwana mulombe wa Aminadabu; ⁸ kuzwa kumusyobo wa Isakka, Nataniyeli mwana mulombe wa Zuwala; ⁹ kuzwa kumusyobo wa Zebbulani,Eliyabu mwana mulombe wa Heloni, ¹⁰ Kuzwa kumusyobo wa Ifulemu mwana mulombe wa Josefu, Elisama mwana mulombe wa Amihudi, kuzwa kumusyobo wa Manase, Gamaliyeli mwana mulombe wa Pedahuzuli, ¹¹ kuzwa kumusyobo wa Bbenjamini, a Bbinadani mwami wa Gidiyoni, ¹² Kuzwa kumusyobo wa Dani, Ahiyeza mwana mulombe wa Amisadayi, ¹³ kuzwa kumusyobo wa Asa,Pagiyeli mwana mulombe wa Okkalani; ¹⁴ kuzwa kumusyobo wa Gadi, Eliyasafu mwana mulombe wa Dewuyeli; ¹⁵ alimwi kuzwa kumusyobo wa Nefitali, Ahila mwana mulombe wa Enani.'' ¹⁶ Aba mbibalumi bakasalwa kuzwa kubantu. Bakazulwida misyobo yabamawisi. Mbakali bazulwidi bamukowa mu Isilayeli. ¹⁷ Mozesi a Aloni bakabweeza balumi aaba , bakalembwa amazina, ¹⁸ antomwe abalumi aba bakabungania balumi boonse ba Isilayeli mubuzuba butaanzi bwamwezi wabili.Mpawo awumwi mwalumi wamyaka ili makumi aabili akwindilila wakaziba basikale babo. Wakeelede kuulika mazina amikowa ampuli zyalunyungu kuzwa kulibamawisi. ¹⁹ Mpawo Mozesi wakalemba myeelwe yabo munkanda yaSinayi, mbuli Jehova mbakamulayilide kuti aachite. ²⁰ Kuzwa kulunyungu lwa lubbeni, mutaanzi waIsilayeli, bakabalwa mazina woonse awumwi alimwi woonse mwalumi wamyaaka yamakumi abili akuzyalwa nakwindilila bakonzya kuyakunkondo, kuzwa kumalembe akumawisi yamikowa empuli zyabo. ²¹ Bakabala zyulu zili makumi aane alamusanu achuulu chimwi amyanda ilimusanu yabalumi baza kumusyobo wa Lubbeni. ²² Kuzwa kulunyungu lwa Simiyoni bakabalwa mazina boonse awumwi alimwi awonse mwalumi wamyaka ilimakumi abiili na kwindilila yakuzyalwa ukonzya kuya kunkondo, '' kuzwa kumalembe abamawisi akumikowa empuli zyabo. ²³ Bakabala balumi balizyulu makumi musanu amusanu abane amyanda itatu kuzwa kumusyobo wa Simiyoni. ²⁴ Kuzwa kulunyungu lwa Gadi kwakabalwa mazina woonse awumwi awonse mwalumi wamyaka ilimakumi abili nakwindilila yakuzyalwa ukonzya kuya kunkondo, kuzwa kumalembe abamawisi akumikowa akumpuli zyabo. ²⁵ Bakabala zyuulu zili makumi ane amusanu amyanda ilimusanu awumwi amakumi musanu abalumi kuzwa kumusyobo wa Gadi. ²⁶ Kuzwa kulunyungu lwa Juda bakabala mazina woonse awumwi awoonse mwalumi wamyaka ilimakumi abili na kwindilila yakuzyalwa ukonzya kuya kunkondo, kuzwa kumalembe abamawisi akumikowa akumpulizyabo. ²⁷ Bakabala zyulu zilimakumi musanu amakumi abili amyandailimusanu awumwi kuzwa kumusyobo wa Juda. ²⁸ Kuzwa kulunyungu lwa Izaka akabalwa mazina wonse mwalumi wamyaka ilimakumi abili nakwindilila yakuzyalwa ukonzya kuya kunkondo, kuzwa kumalembe abamawisi akumikowa akumpuli zyabo. ²⁹ Bakabala zyulu zilimakumi musanu azyulu zine amyanda ine yabalumi kuzwa kumusyobo wa Isakka. ³⁰ Kuzwa kulunyungu lwa Zebbuloni bakabala mazina abo awumwi mwalumi awonse wamyaka ilimakumi abili na kwindilila yakuzyalwa akukonzya kuya kunkondo, kuzwa kumalembe abamawisi akumikowa akumpuli zyabo. ³¹ Bakabala zyulu zilimakumi musanu amusanu azibili kuzwa kumusyobo wa Zebbuloni. ³² Kuzwa kulunyungu lwa Efulemu mwana wa Josefa bakabalwa boonse mazina awumwi awonse mwalumi wamyaka yamakumi abili nakwindilila yakuzyalwa ukonzya kuya kunkondo, kuzwa kumalembe abamawisi akuluzubo akumpuli zyabo. ³³ Bakabala zyulu zilimakumi ane amyanda ilimusanu yabalumi bazwa kulunyungu lwa Efulemu. ³⁴ Kuzwa kulunyungu lwa Manase mwana wa Josefa bakabalwa boonse mazina umwi awonse mwalumi wamyaka makumi abili na kwindilila yakuzyalwa ukonzya kuya kunkondo, kuzwa kumalembe abamawisi akuluzubo akumpuli zyabo. ³⁵ Bakabala izyulu zili makumi atatu azibili amyanda ibili yabalumi kuzwa kumukowa wa Manase. ³⁶ Kuzwa kulunyungu lwa Bbenjamini bakabalwa mazina abo boonse umwi awumwi mwalumi awonse wamyaka ilimakumi abili na kwindilila yakuzyalwa ukonzya kuya kunkondo, kuzwa kumalembe abamawisi akumikowa ampuli zyabo. ³⁷ Bakabala izyulu zilimakumi atatu amusanu amyanda ine yabalumi bazwa kumusyobo wa Bbenjamini. ³⁸ Kuzwa kulunyungu lwa Dani akabalwa woonse mazina awumwi mwalumi wonse ulamyaka ilimakumi abili na kwindilila yakuzyalwa ukonzya kuya kunkondo, kuzwa kumalembe abamawisi akumikowa akumpuli zyabo. ³⁹ Bakabala zyulu zilimakumi musanu alimwi azyulu zili amyanda ilimusanu ayibili bamusyobo wa Dani. ⁴⁰ Kuzwa kulunyungu lwa Asa akabalwa wonse mazina awumwi amwalumi wonse wamyaka ilimakumi abili na kwindilila yakuzyalwa ukonzya kuya kunkondo, kuzwa kumalembe abamawisi akumikowa akumpuli izyabo. ⁴¹ Bakabala izyulu izili makumi ane achimwi amyanda ilimusanu yabalumi kuzwa kumusyobo wa Asa. ⁴² Kuzwa kulunyungu lwa Nafutali akabalwa mazina woonse awumwi awonse mwalumi wamyaka ilimakumi abili na kwindilila yakuzyalwa ukonzya kuyaku nkondo, kuzwa kumalembe abamawisi akumikowa akumpuli zyabo. ⁴³ Bakabala zyulu zilimakumi musanu azitatu amyanda ine kuzwa kumusyobo wa Nafitali. ⁴⁴ Mozesi a Aaloni bakabala boonseni balumi, aba antomwe abalumi balikkumi ababili bakali kuzulwida misyobo ilikkumi ayibili ya Isilayeli. ⁴⁵ Aboobo bonseni bantu ba Isilayeli kuzwa kumyanda ilimakumi abili akwinda, abonse banga balalwana munkondo, bakabalwa mulimwi ayimwi mpuli yabo. ⁴⁶ Bakabalwa izyulu zili myanda musanu awumwi azitatu amyanda musanu amakumi musanu abalumi. ⁴⁷ Pesi bantu bakali balunyungu luzwa kuli Levi tebakabalwa pe, ⁴⁸ nkambo Jehova wakali wamba kuli Mozesi, ⁴⁹ ''Tamwelede kubala musyobo wa Levi na kubabikilizya mumwelwe wabantu ba Izilayeli. ⁵⁰ Kwinda boobo, mutume ba Levi kuti babambe idumba mumalembe achizuminano, akubamba zyonse zibelesyo zilimudumba. Ba Levi balelede kunyampula tente, alimwi balelede kunyampula zibelesyo zili mutente. Belede kubamba itente akuchita musasa uzyungulukide idumba. ⁵¹ Muchindi dumba niligwisigwa kuya kulibumbi busena, ba Levi balelede kuli mwaya. Muchindi idumba niliyanda kuyakwa, ba Levi balelede kuliyaka. Kufumbwa mwenzu usika afwifwi edumba ulelede kujayigwa. ⁵² Muchindi bantu ba Izilayeli nibayaka matente abo, awumwi muntu welede kuchita bobu, afwifwi andembela eyi yankamu yaba silumamba. ⁵³ Nikuba boobo, ba Levi balelede kuyaka matente abo kuzyunguluka dumba lyechizuminano chakuli fwinsya kuti lunyemo lwangu lutasikili bantu ba Izilayeli. Ba Levi belede kubamba dumba lyechizuminano chamilawu.'' ⁵⁴ Bantu bakwa Izilayeli bakachita eezi zintu zyonse. Bakachita zintu zyonse ezyo Jehova nzyakabalayilila kwinda muli Mozesi.