¹ Jehova wakaambula kuli Mozesi alimwi wakati, ² ''Ambuula abantu baku Izilayeli alimwi ubambile kuti, 'Na umwi wachita chikonke chiyandisi kuli Jehova, belesya myeelwe iitobela. ³ Mweelwe wako wabulemu wamwaalumi kuzwa kuminyaka ili makkumi aabili kusika kuminyaka yamakkumi ali musanu alimwi yakuzyalwa kweelede kuba makkumi alimusanu yama syekeli ansiliva, kuzwa kusyekeli yabusena busalala bwakukombela. ⁴ Kumwanakazi waminyaka iikozyene yakuzyalwa myeelwe yanu yeelede kuba makkumi aatatu a masyekeli. ⁵ Kuzwa kuminyaka ilimusanu kusika kumakkumi abili yakuzyalwa mweelwe yanu yabulemu kubaalumi yeelede kuba makkumi abili aama syekeli, alimwi kubanakazi ndikkumi lyamasyekeli. ⁶ Kuzwa kumweezi womwe wakuzyalwa kusika kuminyaka ili musanu myeelwe wabulemu kumwaalumi yeelede kuba musanu masyekeli aansiliva, akumwanakazi yeelede kuba aatatumasyekeli aansiliva. ⁷ Kuzwa kuminyaka ili makkumi ali musanu alimwi kaziya kujulu myeelwe yanu yabulemu yeelede kuba kkumi amusanu lyamasyekeli, alimwi kubanakazi ndikkumi lyamasyekeli. ⁸ Pesi na muntu ulikuchita chikonke tayelede kuliya mweelo wabulemu, mpawo muntu wapegwa uleelede kupedekezegwa ku mupayizi, alimwi mupayizi uyoopa bulemu kumuntu ooyo amweelo wabulemu kuli ooyo ulikuchita chikonke nzyakonzya. ⁹ Na eecho chakonkezegwa kali munyama uutambulika kuli Jehova, kufumbwa lubazu lwamunyama ooyo upegwa kuli Jehova nga lwsalala. ¹⁰ Muntu tayelede kuchichincha nikuba kugwisya chibotu akubika chibi, nikuba chibi achibotu. Na wagwisya umwi munyama kabika umwi, zyoonse cho alimwi achagwisigwa nga zyasalala. ¹¹ Nikuba boobo, na eecho nchaakonkezya kuti ape Jehova nchobeni kachitasalali, zyakuti Jehova takoyoochitambula, mpawo muntu uleelede kweeta munyama ku mupayizi. ¹² Mupayizi uyochipa bulemu, amuulo wachisamblilo chabanyama. Kufumbwa muulo mupayizi ngwakapa kubanyama, ooyo ngunoli muulo wacho. ¹³ Na munaacho kali achiyandisyo chakuboozya, mpawo musanu kumweelo ulayungizigwa kumuulo wacho wakuboozegwa. ¹⁴ Eelyo mwaalumi aakubika kumbali n'anda yakwe mbuli chipo chisalala kuli Jehova, mpawo mupayizi uyoobika bulemu bubotu nikuba bubotu. Kufumbwa mupayizi nchaapa bulemu, chiyooba mbubonya. ¹⁵ Pesi na munaacho ooyo wakabika kumbali n'anda yakwe kali achiyandisyo chakubozya, uleelede kuyungizya musanu wabulemu bwacho kumuulo wakuchiboozya, alimwi chiyooba chakwe. ¹⁶ Na muntu wabika kumbali imwi nyika yakwe, mpawo bulemu bwacho, mpawo bulemu bwayo bunoyelanisigwa amuulo wambuto iyaandikana kukwiibyala - ihoma yabbale iyowulwa amakkumi musanu aasyekeli zye nsiliva. ¹⁷ Na wabika kumbali muunda wakwe mumunyaka wapobwe lyakusekelela, bulemu bwawo buyooba mbubo. ¹⁸ Pesi na wabika muunda wakwe kumbali kuzwa kumunyaka wakusekelela, mpawo mupayizi uleelede kubalila muulo wamuunda amyeelwe yaminyaka ichisyede kusikila kumunyaka uutobela wakusekelela, alimwi muulo wawo uleelede kuseluzigwa. ¹⁹ Na muntu wabika muunda wakwe kali achiyandisyo chakuboozya, mpawo uleelede kuyungizya musanu wabulemu, alimwi chiyooba chakwe. ²⁰ Na taayanda kuboozya muunda, na wakawuzya muunda kuluumwi muntu, tawukonzyi kuyoobozegwa alimbi kulinguwe. ²¹ Aawo, muunda, eelyo niwalekezegwa mumunyaka wakusekelela, uyooba chipo chisalala kuli Jehova, mbuli muunda ooyo wakapegwa chakumaninizya kuli Jehova. Uyooba wamupayizi. ²² Na muntu wabika kumbali muunda wakwe ngwakawula, pesi ooyo muunda kawutali chipanzi chanyika yampuli yakulimbabo, ²³ mpawo mupayizi uyoopa bulemu bwamuulo wawo kusikila kumunyaka wakusekelela, alimwi muntu uleelede kuliya bulemu bwawo mubuzuba oobo mbuli chipo chisalala kuli Jehova. ²⁴ Mumunyaka wakusekelela, uyoboboozegwa kumuntu nkuwakawulidwe, kuli muni muunda. ²⁵ Yoonse myeelo ileelede kubikwa abulemu bwabusena busalala bwakukombela mumasyekeli. Makkumi abili amagela aleelede kweelana a syekeli limwi. ²⁶ Tawo pe uyoobika mwana mutanzi aakati kabanyama, mbuli kuti bana batanzi mbi ba Jehova kale; nikuba musune na mbelele nzizya Jehova. ²⁷ Na kali munyama uutasalali, mpawo munaawo ullelede kuwuulw lubo kumweelwe wawo, chipanzi chimwi mumusanu chileelede kuyungizigwa kumuulo. Na munyama taaboozegwa, mpawo ullelede kuulwa amuulo wabikwa. ²⁸ Pesi tachiwo pe muntu nchapeda kuli Jehova, kuzwa kuzintu zyoonse nzyali aazyo, nikuba muntu na munyama, na nyika yampuli yakwe, cheelede kuuzigwa na kuboozegwa. Zyoonse eezyo zyakapegwa zilasalala loko kuli Jehova. ²⁹ Takwe mpindu njowelede kuliya kumuntu wakapegwa kulunyonyoono. Ooyo muntu uleelede kujayigwa. ³⁰ Choonse chekkumi chanyika, nikuba zilyo zyakabyalwa munyika na michelo kuzwa kumisamu, nzizya Jehova. Zilasalala kuli Jehova. ³¹ Na umwi muntu waboozya kufumbwa chekkumi, uleelede kuyungizya mumusanu kumweelo wacho. ³² Mbuli kuli chekkumi cha tanga lyen'ombe na lyempongo, kufumbwa chiinda aakati kanzila ya mweembeli, chimwi mukkumi chileelede kubikwa kuli Jehova. ³³ Mweembeli tayelede kuyanduula zilikabotu na banyama babi, alimwi tayelede kugwisya umwimkuli umwi. Na wachincha kwalyoonse, mpawo zyoonse azezyo zyachinchigwa anzizyo zilasalala. Tachikaboozegwi pe.''' ³⁴ Aaya ngemalayilile ayo Jehova ngakapa kuchilundu chaku Sinayi kuli Mozesi yabantu ba Izilayeli.