¹ Jehova wakaambula kuli Mozesi aachilundu cha Sinayi, kati, ² ''Wambuula kubantu ba Izilayeli alimwi utedi kuli mbablo, 'Mwaakusika kunyika eeyo njindakamupa, mpawo inyika iyeelede kuchitwa kuti ibambile Sabata lya Jehova. ³ Uleelede kubyala muunda wako kwaminyaka iili musanu awumwi, alimwi kwaminyaka iili musanu awumwi uleelede kuukwezwiida muunda wa masaansa wako akubweza masaansa. ⁴ Pesi mumunyaka wamusanu ayibili, i Sabata yakulyookezya kusalilidwe nyika yeelede kubambwa, i Sabata ya Jehova. Toyeelede kubyala muunda wako na kukwezwida muunda wako wamasaansa. ⁵ Toyelede kweendelezya mabambe akutebula kufumbwa eecho chakalimenena lwacho, alimwi toyeelede kweendelezya mulimu wakutebula kufumbwa misaansa iimene mumuunda wamisaansa itakwezwidwe. Ooyo uyooba munyaka wakulyookezya kuli mumulawu wanyika. ⁶ Kufumbwa chimena munyika iitanamena mumunyaka wa Sabata chiyooba chilyo kulinduwe. Iwe, bazike bako bachaalumi abachanakazi, abazike bako bawulidwe amazwakule bakkala aandinywe balakonzya kubungika kulya, alubono, ⁷ lwako alimwi abanyama bamusokwe balakonzya kulya kufumbwa chizwa munyika. ⁸ Muleeled kubika kumbali ma Sabata ali musanu aabili mumunyaka, nkokuti, zyiindi zili musanu azibili mumunyaka umwi awumwi, kuti kube ma Sabata ali musanu aabili aaminmyaka, zisisya makkuni aane aalamusanu ayine minyaka. ⁹ Mpawo uleeled kulizizya aajulu mweembo koonse mubuzuba bwa kkumi bwamweezi wamusanu ayibili. Mubuzuba bwakusalazigwa uleelede kulizya mweembo kunyika yako yoonse. ¹⁰ Uleelede kubika kumbali munyaka wa makkumi alimusanu kuli Jehova alimwi ukoompolole lwaangunuko kunyika yoonse alimwi akulizyoonse zipona mulinjiyo. Uyooba munyaka wakusekelela kulindinywe, aawo lubono abazike baleelede kubwedezegwa kumukowa wabo. ¹¹ Munyaka wamakkumi musanu uyooba munyaka wakusekelela kwanu. Tamweelede kubyala na kweendelezya mabambe aakutebula. Mulye kufumbwa zilimenena, alimwi mubungike masaansa aamena kumisaansa iitakwezwiidwe. ¹² Nkaambo munyika wakusekelela, ooyo unoosalala kulindinywe. Muleelede kulya michelo eeyo ilimenena mumyuunda. ¹³ Muleelede kubwedezya muntu woonse lubono lwakwe mumunyaka wakusekelela. ¹⁴ Na wawuzya nyika kuli ngoyakilene aawe na kuula nyika kuli ngoyakilene aawe, toyelede kweena na kubisizyania umwi awumwi. ¹⁵ Na wawula nyika kuli simayakilane wako, langa mweelwe yaminyaka alimwi azilyo zinga zilatebulwa kuyoosika kulsekelelo lutobela. Simayakilane wako uulikuuzya nyika weelede kuzilangisisya alakwe eezyo. ¹⁶ Minyaka myiingi kuyoosika kulusekelelo lutobela iyooyungizya muulo wanyika, alimwi minyaka miche kuyoosika kulusekelelo lutobela iyooselusya muulo, nkaambo myeelwe yakutebula nyika njiyoopa ileendelana amyeelwe yaminyaka iilimusule aalusekelelo lutobela. ¹⁷ Toyelede kweena na kubisizyania umwi awumwi; anu kuti, uleeled kulemeka Leza wako, nkaambo ndime Jehova Leza wako. ¹⁸ Aboobo muleelede kutobelezya mbeta zyangu, mubambe milawu yangu, alimwi mwiichite. Mpawo muyookkala munyika chakukkwabililwa. ¹⁹ Nyika iyyozyala michelo, alimwi muyoolya chakukkuta akupona ooko mulukkwabililo. ²⁰ Mulakonzya kwaamba kuti, ''Tuyoolyaanzi mumunyaka wamusanu ayibili? Langa, tatukonzyi kubyala na kubangania michelo yesu.'' ²¹ Ndiyoolayilila chilongezyo changu kuti chize alindinywe mumunyaka wamusanu awumwi, alimwi iyyozyala butebuzi bukkwene kwaminyaka iitatu. ²² Muyoobyala mumunyaka wamusanu ayitatu alimwi muyooyinkilila kunembo kulya zyaminyaka yamusule akulya zibambidwe. Mane do kutebula kwamunyaka wamusanu ayine kukasike, muyookonzya kulya kulizilondwedwe zyaminyaka yakiinda. ²³ Nyika tiyeeled kuuzigilwa kumuntu uyanda kukkalila limwi, nkaambo nyika njiyangu. Moonse mulibazwakule alimwi mulibasikukkala mazuba mache munyika yangu. ²⁴ Muleeled kutobelezya zyeelelo zyachilubuzyo chanyika yoonse njimuula; muleelede kuzumizya kuti nyika ikawulwe lubo ampuli ooko nkumwakiwulide. ²⁵ Na muna Izilayeli-nyokwe wafwaba alimwi akambo kaako wawuzya lubono lwakwe, mpawo waluzubo lwakwe uuli wafwifwi uleelede kusika alimwim awununune eecho munyina nchawuzya. ²⁶ na muntu katakwwe siluzubo sikunununa lubono lwakwe, pesi naw wavuba alimwi wakonzya kuchinununa, ²⁷ mpawo ulakonzya kubala minyaka kuzwa nyika niyakawuzigwa alimwi abwedezye imali iisyeede kumuntu wakayiwulide. Mpawo ulakonzya kubweeda kulubono lwakwe. ²⁸ Pesi na katakonzyi kubozya nyika lwakwe mwini, mpawo nyika njakawuzya iyoosyalal kili mumanza awoyo wakayiwula kuyoosika kumunyaka wakusekelela. Kumunyaka wakusekelela, inyika iyoobwedezegwa kumuntu wakayiwuzya, alimwi mwanaayo uyoobweda kunyika yakwe. ²⁹ Na muntu wawuzya n'anda iilimudolopo lilaabulambo, mpawo ulakonzya kwiwula lubo kakutana yinda munyaka kuzwa mpuyakawuzigwa. Kuumunyaka uukkwene uli aachelelo chakwiinununa. ³⁰ Na n'anda teyanununwa mumunyaka umwi uuzwide, mpawo n'anda iilimudolopo lili abulambo iyooba lubono lwasikwiiwula alunyungu lwakwe kwalyoonse. Tiikonzyi kubwedezegwa mumunyaka wakusekelela. ³¹ Pesi maanda aamugunzi litazyungulukidwe abulambo iyoolangwa mbuli muunda wamunyika. Zilakonzya kuunununwa, alimwi zileelede kubwedezegwa mumunyaka wakusekelela. ³² Nikubaboobo, maanda aaba Levi mudolopo aabo alakonzya kuunununwa kufumbwa chiindi. ³³ Na umwi waba Levi taawunununa n'anda njakawuzya, mpawo n'anda yakawuzigwa mudolopo mwiibede iyelede kubweedezegwa mumunyaka wakusekelela mnkaambo maanda aalimudolopo lyaba Levi ndubono lwabo aakati kabantu ba Izilayeli. ³⁴ Pesi myuunda iizyungulukide madolopo aabo ilakonzya kutawuzigwa pe nkaambo kwalyoonse ndubono lwaba Levi. ³⁵ Na muntu wamunyika yenu waba muchete, alimwi tachikonzyi kulisanina, mpawo muleelede kumugwasya mbuli mbumugwasya muzwakule na kufumbwa muntu uukkala mbuli wakunze aakati kanu. ³⁶ Mutamwiilikili na kweezya kujana mpindu kulinguwe kufumbwa nzila iilibuti, pesi mulemeke Leza wenu kuchitila kuti munyokwe ayinkilile kunembo kukkala andinywe. ³⁷ Tamweelede kumukkweletesya mali alimwi mutayilikili imwi aajulu, nekuba kumuuzizya chakulya kuti mujane mpindu. ³⁸ Ndime Jehova Leza wanu, wakamugwisya munyika ya Ijipiti kuti ndikamupe nyika ya Kkenani, alimwi kuti ndibe Leza wanu. ³⁹ Na muntu wamunyika yanu waba muchete alimwi waliwuzya kulindinywe, tamweelede kumubelesya mbuli muzike pe. ⁴⁰ Mukamujate mbuli sikubelekela uubbadalwa. Weelede kuba mbuli muntu uukkala andinywe kwachiindi chifwifwi. Ulamubelekela kusikila kumunyaka wakusekelela. ⁴¹ Mpawo uyoozwa aakati kenu, we abana bakwe, alimwi uyoobweeda ku luzubo lwakwe aku lubono lwawisi. ⁴² Nkaambo mbalanda bangu mbindakagwisya munyika ya Ijipiti. Tabeelede kuuzigwa mbuli bazike. ⁴³ Tamweelede kubeendelezya chabukali, pesi muleelede kulemeka Leza wanu. ⁴⁴ Mbuli kubazike benu baalumi abanakazi, aabo mbimukonzya kweeta kuzwa kuzisi zimuzyungulukide, mulakonzya kuula bazike kuzwa kulimbabo. ⁴⁵ Mulakonzya lubo kuula bazike kuzwa kubazwakule bapona aakati kanu alimwi kuzwa kunzubo zyabo zili aakati kanu, aabo bakazyalilwa munyika yanu, alimwi balakonzya kuba lubono lwanu. ⁴⁶ Mulakonzya kupa bazike bali boobo mbuli lukono lwabana benu bazomutobela, kubajata mbuli lubono, alimwi akubachita bazike chalyoonse, pesi tamweelede kweendelezya bananyokwe aakati kabantu ba Izilayeli chabukkali. ⁴⁷ Na muzwakule nikuba umwi muntu uukkede andinywe kwachiindi chifwifwi wavuba, alimwi na umwi mu Izilayeli-nyokwe waba muchete alimwi walyuuzya kumuzwakule, na kuli umwi waluzubo lwabazwakule, ⁴⁸ naamana kuulwa muna Izilayeli-nyokwe, ulakonzya kuulwa lubo. Umwi wamumpuli yakwe ulakonzya kumuunununa. ⁴⁹ Zilakonzya kuti ngu wisilenzi wa muntu, na mwana wa wisilenzi, ooyo uumunununa, na nabani waluzubo lwakwe. Nikuba, na kuti waba uuvubide loko, ulakonzya kulinununa mwini. ⁵⁰ Ulelede kukombelezya muntu wakamula; belede kubala minyaka kuzwa munyaka mpakaliwuzya kuli sikumula kuyosika kumunyaka wakusekelela. Mulo wachilubuzyo chakwe weelede kuba mali iyendelana aakuti basimulimo babbadalwa biyeni, kwamywelwe yaminyaka ulakonzya kwiinkilila kunembo kubelekela oowo wakamuula. ⁵¹ Na kuti kakuchili minyaka myiingi kuyoosika kumunyaka wakusekelela, weelede kubbadala mbuli muulo wachilubuzyo mali yeendelana aamyeelwe yaminyaka eeyo. ⁵² Na kuli biyo minyaka miche kuyoosika kumunyaka wakusekelela, mpawo uleelede kwaambusyania asikumuula kuti atondeezye myeelwe yaminyaka iicheede kusika kumunyaka wakusekelela, alimwi uleelede kubbadalila kunununwa kwakwe zyeendelana amyweelwe yaminyaka. ⁵³ Uleelede kujatwa mbuli sikubeleka uubbadalwa munyaka amunyaka. Weelede kubona kuti tajatwi chabukali. ⁵⁴ Na taanununwa anzila eezi, mpawo weelede kubeleka kuyoosika kumunyaka wakusekelela, we aantomwe abana bakwe. ⁵⁵ Kulindime bantu ba Izilayeli mbazike. Mbazike bangu abo mbindakagwisya kunyika ya Ijipiti. Ndime Jehova Leza wanu."