¹ Iatavainti vano Ihurara iria vainti nahentikaqa qara vo nduva nimitaira, vira vainti vika uqa uva iri avatekave,kia teqaive,eka tenavu uqa uva maara iruraukave. ² Vira nanarae uqa uva viva tiqauta hampata vai uvava eka enda eka enda tiqauta hampata varianaro. ³ Nora Kotira qaquri vanovata,umpoira,auha ihaqirava vata tiqauta hampata varianaro.Ti qauta qova Kotivavata vira maaqu Ihu Karaitivavata uqa okara vaintiara anduqa arua okarava vitandaqi vaivo. ⁴ Te uahema tavauro,tiqauta vainti ndiqihai uqa uva viraqi qaiqetamavi variavo,mintimanta tenavu Kotira uva maara vare vaunara. ⁵ Vate te ariara uahauro, nahentio kia te araka uva mara nduvatauro , haru teqauta irike varau narama ivo,vainti voraravata anduqa aruane tivo. ⁶ Kotira anduqa viraqi teqauta vaihama homa vira uva maara avatararave.Kotira anduqa vano autuane tinahikara.Ne haru iri kavaro tiharo uva maara iria okarava vi okararaqa nuate tirave. ⁷ Mintivaro airu vainti una uva tiaka eka vata vainde vainde oru variarave.Vika kia kankomake tiha Ihukaraitira Kotira vaintive tiavo,vira Kotiva atitovaro tuvirave tiavo.Vika virara tiha una kaiqa autivai vaintivave tiavo. ⁸ Ne nenta tavate,hiniki kaiqara hoqarake varaqi qaniara kia vavi qaqirake taurukata.Tenavu kaiqa autu taunaraqa koqa vaivo. ⁹ Hinikiaka avuni qamake nora Ihu Karaitira uva maara vare vuaka, kia vika kempukai qavi variavo, mintia vaintika kia Kotira kanko iavo.Vo vaintivano kempukai qamakero Kotira uva maaraqa himpirava vi vaintiva vira Qoravata vira Maaquvata tave kanko ia kave. ¹⁰ Mintivaro vo vaintivano ne varia naini anirava kia nora Kotira uvavata vare anirera,kia vira vitake nenta navuni vuata,kia virara koqemave tiata. ¹¹ Vo vaintivano virara koqe enda ve tirera,vivavata vi kandiro ora kaiqa vare vaivama vaivo. ¹² Te airi haikama ni ara nduvake tiva nimia inarave,mintivera kia te ni aranduva nimitarera aratanuqa nduva nimitau narave. Mintivera te minti make avu ato ututauro,te anirande ni taveha ni hampata voha vaiha uva tiariraro uahara hika vano mpia vuarire ti. ¹³ Ari varaata vaintindi are nena kuvai tarauka vika qariara koqe enda ve tiavo.