¹ Te poluka,Ihu karaitira autu'ata rumpara bainti'ama buro.Te atabakara Timoti kanti baihama ma pasira Pilimonio ai ararua amitauro, ² Apiara tinabu aura nakara bata Akripusira tinabu soldia bainti bata mono'i bariaka ai nabu'i ruba'i bariaka bata. ³ Kotira tinabu ora a'urihaika bano bata iha'ara auha bano bata Nora Ihu karaitiba ni hampata bariainarobe. ⁴ Eka enta te Kotira ko'erabe tiha.Te niara bata nunabu iha bauro. ⁵ Te irura are bo'akera Kotira bainti nahentiara autihara are Nora Ihu kraitiraini kempuka muntuka mara'ura ututaro. ⁶ Te mantia kema nunabu tibauro, tenabu bi ruba'irara ai batake ruba uairaba tinabu muntuka mara'ura uri himpikai'e airu haikama tenabu Karaitira ihai bararabe. ⁷ Te bo'ake uahauroma iha'ara auha banoma ti batakero baibo, bira nanarae, are eka Kotira bainti nahentiara bo'akera autuana bi okarabama bika arara kempukai'a nimitaibo. ⁸ Mintibaroma, a'irakane te eka kempuka Karaitira ihai barema ai tiba amuro, nanahikae are ho'a kerama mintinabe. 9 Baintiara bo'ake antu'aruana okaraba tihanta tatauma kaibo, mintiberama te iha'akema ai tibamuro. Te Poluka noru'arai ama buro, te Ihu karaitira kai'a'i rumpama buro. ¹⁰ Te Onisimasira tenta ma'uarama irauro, karabuhi'i baiha te bira Ihu karaitira okara tiba amunabe. ¹¹ Kia biba haru bo kai'a ko'e kai'a bara amitairabe, mintibaroma bate biba ariana bata tuna bata ko'e kai'ama baraibo. ¹² Te bate bira atitakairo ariananaima buanarobe, ti ahuha bano bikantiro barianarobe. ¹³ Te bira raba'u tairo tintatiro baiharo ai kai'a bareharo ti bata kaha'ianaro, te karabuhi ama buro ko'e uba bai kai'ara ira. ¹⁴ Kia te bohika are kia boha auha batenara mintirerabe. Kia are tini ko'ehika mintiane,bo'abata ko'eha nena antu'a'atama mintiane. ¹⁵ Bi okararae biba inara enta ai a'irakero baurae. Mintirera are bira bitairaro biba ekara aikantiro bariaire. ¹⁶ Bate kia biba umina kai'a bainti baibo, mintiboma biba umina kai'a bainti bata atarama kaibo, biba ai ko'e atabakaba baibo. Te birara bo'akema antu'aruro, te tabaurara are bo'abatama birara antu'arinabe, baata'a bata Noraini bata. ¹⁷ Mintira are ti nena aumanto haina bainti bo'ara bitana, bira bata ti bitainteke bitate. ¹⁸ Biba bohaika ai orai'a amiteroe o dina barairera, tibatimi'e te ariana hikara ko'ai'ama karabe. ¹⁹ Te,poluka,maa ubara tenta ka'u'ihai ararua tauro.Tentama dina ko'ai'ama karabe. Te ariara mantima tirabe,are nenama ti'i dinai'a terama are nena muntuka mara'ura'ama dinai'ataro. Mintiboma kia te ariara mintitirabe. ²⁰ U'ai'akema atabakao, hoe are Nora autu'ata tini bohika mintinabe.Tehanta Ihu karaitira'i tatauma buro, bi okararama are ti arara ko'ema timitaro. ²¹ Te tabebe are ko'ekera bi ubara abatena baiberama maa ubara ai ararua amitauro. Te tabebe are airuhaka te ariara mintiane tianabata atara kerama mintinabe. ²² Bi entara'ima are rumu boru nena nabu'ira heno'a timitane. Te mara'urama uturo, Kotiba ni nunabu i'riro ti a'irake'e ni inai orurante anirabe. ²³ Ti atabakaba Eparasiba, Ihu Karaitira karabuhi bainti'abiro, baiba ariara kuari'abe tibo. ²⁴ Mintiboma Makiba, Aritikusiba, Demasiba eka bika ti boha kai'a bainti bata ariara kuari'abe tiabo. ²⁵ Nora Ihu Karaitira a'urihakabano ai batakero bariaire.Bira u'abe.