¹ Te Jutika, Ihu Karaitira kai'a bainti bata Jemisira atabakauka. Te ma bi ubara ni ararua nimite Kotira tinabu Ora bira antu ara ira pi'a buara. Naima ni Ihu Karaitiba bika bitero ma ra'ikianaro. ² Kotira ha'uru ita bano, iha'a bikoka,antu ara bano ni bo'akero pi'a nimita naro. ³ A'raobe, te kekau kema nini araruro Kotiba tinabu ko'e okara mintiro tinabu ora okara'i hairo bitaira. Te nini ararire be tima araruake tiba nimuro kekau kema ma bi mara ura Kotiba nai bainti nahenti nimira watate. ⁴ Ne kia tabamanta bo yaka kia Kotirai mara ura utuaka ebara mono nabu'i biri una ara uba tiba nimi Kotira ha'uru itara a'ini barake nata bati okara mintiabo. ⁵ Ne ma bihaikara tababo, imanta te ni iri rahika uri himpi karebe ai'a. Bira Kotiba Isral batana tinta Isipini hairo anira bo'ara ibo biba taukae kia mara ura utuaka taihai rama. ⁶ Ma bira bata, ankero bika bata kia bi aikarora Kotiba nimira'a himpua rama , imanta bika baria ra'ahi batuka tutarama. Mintibo Nora bano bika seni nohairo rumpa tero eka enta bai rumparara nimira. Konkira timitama ra'i bika batero, bira'i baiha Kotiba nora ko ata tubina bekai iate. ⁷ Boha arira Sotomu bata Gomora bata bika aumanto nora tauni bauka, bika ora okara mintiaba ankero nanarora. Bika ora okara abatake nata bati okara mintia ba nai ora okara mintura atara kero, minti manti nai bi miakarara iha kiabu atta bata baira'i barara. Bira bi haikaba naru obarira, Minti'e tenabu iriha bate kia bika ai'u abatare. ⁸ Boha ari arara bi baintika abatara bika ora taira bano nai bata orai akaira. Bika hahu'ariha Kotirauba ra'eha naru bai haina ankero bata ati baurama. ⁹ Ibo abuhaina ankero Maikoliba Sata kantiro tirorura Mosera baatara, Maikolima kia uba ra'ero, Satara atiro. Biba tiharo, "Nora bano naima ai atianobe." ¹⁰ Ibo taukae kia uba okara tabaraiha umina bainti atibariaka. Bika baireka antau bahi kia abu ato bariaka bo'aria bo, bika baata antu'a ima abate bariabo. Nai bi akarara mintia bama nai orai'a nimite baibo. ¹¹ Bika rauruate, bira bika Kenirama abate. Bika monu bara reka iriha, bira Baramira okara bo'arabe. Bika Kotira uba ra'e, Korara bo'ara, bi okara bika kakakima buara. ¹² Bika baireka solwara namai ihaina ori bo'aka kuke abi baiha sipi orai'ibariaka. Bi baintika ani ni ko'e kebu orai ibariaka. Kia bika kaurira baika, kara na entara nai auha ra'i iritakabe. Bika baireka tonabu kia namai baira kuahara bano buataira bo'ariabo. Bika baireka katarikia kara irai manta rarukabo tara tata utira. ¹³ bika ora okara mintiaba soruara namai bano takinte ibo, Bika baikera opu makau bo'ara kia nai ara abate. Kotiba konkira timintamara irama mintia baintika batuka eka enta baira nimitero. ¹⁴ Inokuba namba 7 nianama Amtamura nantiara aniro, biba bikaini Nora no barero tiharo "Te tabauro Nora bano airu ankero batamakero ma tubibo." ¹⁵ Biba bika hahu arua kero bika eka ko'ata bata rebabe. Bika bira mintiai taukae kia ti aata mara ura utikanai nai ora okara tabate. Hinikia kumi baintika Kotiba bira mintia nai ora okara mintiara bira tabate nana ora uba Norai tiara. ¹⁶ Bainti bika ora arara bate, bo'ake eka enta tauba'a uba tiha. Nai ora antu'a abateha. Bika naberai tiha hahu'ariha nai autu ai bara bini iha. Bika boka tiba nimiha ani tinabu abatate. ¹⁷ Ira ne te atabakauka, ne anirante iriate Nora aposoru Ihu Karaitira uba tiba taura. ¹⁸ Bika ni tiba nimiha ,"Ekara enta, tauba'a uba tika ani babe, bika Kotira tauba'a ma utu ami ma nai ora antu'a ma abateba." ¹⁹ Mintiaka Kotira abataka tu'abi bariaka. Bika batai haina bainti irira hika abataka, Kia Rupintira Aiho Bainti bano kiama bika rahampata bairo. ²⁰ Ira ne atabakauka, eka enta ne kekauke Kotiraini mara ura utiha Kia Rupintira Aiho Bainti ira baiha nunamu tibo ni kaho iaire. ²¹ Eka enta ne Kotira antu ara ira bariate. Eka enta ne umpo ira auhara bekai ibo ni Nora bano Ihu Karaitiba ni eka enta bai mara urara nimiaire. ²² Ne bainti taukae bika mara ura utuara kia kekau ika bika umpo'a nimitate. ²³ Ne boka bata kaho ira bika kia iha bano eka enta ite baina i buate. Ne etara bate bokara umpo'a nimitate, ira ne ora okara mintiakara etake niarai abi bariate bika utaba'a nakutara konko mai abibo. ²⁴ Kotiba ni ko'e kero ra'i kira kiama ne hi'iriba, biba homa ni bitaira nai baira ira oru baiba, ira ne kiama bo mara ranteba, ne nora waha rahika ima baiba. ²⁵ Ma bi boha Kotiba tinabu kaho ira Ihu Karaitira i tinabu Nora. Bika kinima bairo, eka hika ra'ikiro. Kempuka bata nora autu bata bibira. Biba naru bairo bate bata bairo, boha ariro ai baria raba eka enta eka enta. Bira u'abe.