¹ Ihi 14nabu nanatira, te Banabasika Taitusika bata ntinta kaura tibake tuburante Jeruharemini oru bunarabe. ² Te Jeruharemini oru bunara,bira narae te kuke'ara uba bo bare bika tiba kankoma ko'e uba bokia bainti nahentika abutana baiha tiba nimi bauna ubara bika bata tiba nimirera orubu narabe. Te kuke'ake iata bainti'ai tiba nimunabe, bika mintiake umi'eha tiha, kia te uminauma kantebauro. ³ Taitusiba biba Kiriki batanahano, biba tabae tibatake baumanta kia bika birara kempukai'ake tiha baata to'ane ti. ⁴ Una'ara atabakauka bika kuke'abi tinabu muarai'ake tabareka tenabu bi okarara a'i umina baria okarara Ihu Karaitira'i. Bika mintiake iri tinabu bara rumpara bainti bo'ara kareka, ⁵ mintiboma kiabe boenta tenabu tentanabu bara muntubike bika ai'u'i nabu baunabe, bi ubara u'a ko'e uba ni hampata a'i bariaire ti. ⁶ Tau baintikae te iriha tiha bika abunihaina bainti bo'ara baibarabe Bika kia nantiara baria bainti kaube, Kotiba kia boha bantarai haina okara minti baibabe) te taukarae tiha bikara nora baintibe turauka, bika kia bohika tini mintiaka. ⁷ Bobantaraini, bika ti tabareka Kotiba kai'a amiro ko'e uba taukae kia tinabu anrake baata to'aika tibanimiane tiro. ⁸ Kotiba Pitara'i kai'a barero tiharo baata to'aka baintika'i aima aposeli kai'a barane tiro. Bi Koti bama, ti ibata kai'a barero bo bainti nahentini bata aposeli kai'a barane tibo. ⁹ Jemisiba, Sifasiba, Joniba, taukae bainti nahenti tabataka siosi bara himpi bariaka, tabake Kotiba ti a'urihaka timimanta bika tihanta Banabasika uri himpite tinabu kai'a barate ti. Bika tihantaini bi haikara mintiaka manta tehanta bo bainti nahentini buate ti bika nai taukae baata to'aka baintika ianaini bireka. ¹⁰ Bika tinabuara tiha tauka kia ekahika bataika'ima tabate ti, ma bi haikarama te bo'ake antu'ariha mintirebe. ¹¹ Sifasiba Antiokini ani manta te bira biri'ata oraha atunabe, bira nanarae, bika tiha biba orai'ama kaibo tiamanta. ¹² Baka hinikia baintika kia Jemisi binaini aniabo, Sifasiba bo bainti hampata kara naira kia Juda batanaka. Mintibaro bi baintika aniabaro biba ekarabata kia Juda batana bainti bariaka niaraini abiro baura. Biba bo'akero bainti taukae kempukai ake baata to'ate tibaria okarara bo'ake etorama. ¹³ Hinikia Juda batanaka bi una'ara irirahi kara abatora. Banabasiba bata ara a'irakero bi una'ara irirahikara abatora. ¹⁴ Mintimanta te bira'i tabaura kia bika u'a ko'e uba abatora, te Sifasira bainti nahenti abu'a tibami tiha, ''Are Juda bainti hano baiha, are kia Juda bainti'ha bo'ara bairera,are nantiakerae kia Juda bainti iakara tiha ne Juda bainti bo'ara bariate tinarabe? ¹⁵ Tinabu noba tinabu batatai manta tenabu Juda bainti bo'arama bauro kia tenabu kumi bainti taukae kia Juda bainti bo'ara bauro. ¹⁶ minti berama tenabu tabauro, kiama bainti bano lo kai'a'a abu abu'a buanarobe, Ihu Karaitira'a muntuka mara'ura utuina arara'ama. Tenabu bata Ihu Karaitira'a muntuka mara'ura utute Ihu Karaitira'i abu abu bainti bo'ara bauro, kia lo kai'a aube, bainti bano kiama Lo kai'a'a abu abu bainti bo'ara bibo. ¹⁷ Minti'e tenabu ara rantake Karaitira'i abu abu'abi bariare ti,tenabu bata kumi bainti bo'ara baiha, ne Karaitirara kumi okara kempukai'a kaibo ti ne tiabo? U'a kiabe! ¹⁸ Mintiboma te orai'i binahikara uri himpi karerabe, te anirante lo rauhai baintira bo'arama bairabe. ¹⁹ Lo abataina arara'a, te utubi baintira bo'arama bairabe bi arara'ama te Kotira'i aiho bai baintira bo'ara bairabe. ²⁰ Bika ti Karaitira batake hiritabo. Kia te tentauma bauro,Kraitibama ti'ira aiho baibo. Bate te maa batara'a aiho baunara te Kotira Ma'u'ata muntuka mara'ura ututema bauro, tabae tiriara antu'ariro nai ti timi bainti ra'abe. ²¹ Kiama te Kotira a'urihaka aubahini bauro, mintibaroma te lo abataina arara'ta abu abu okara bararera, Karaitiba a'i uminama utua narobe!