Sapta 1

1 Aya mudir tamo Yon arau enei aya o' neu turau bia Gaius bun surafef, aib i' oroufiadig. 2 Turaubia, o' edwo ubodo'f nigin aya o'nigin kose'auf o' dagi sa' fen on malakanun edfe ibodo'f. 3 Aya o'nigin wau alfen, sain turautar disi on kubol bia diron, agefiagen o' kisi madur do'wodig. 4 Neu wau kuli'ya utin neid wau kuli'ya sa', sain neu kesutar kubol madur bai ne kisi namen dinon. 5 Turaubia o' kisi ado kabi' bia edwo waledig turautar utin nameneg. 6 Aib idi on kubol biabagai Waitou orofef ani' surwodin. 7 Erenigin idi odug yananem mayare' dilen, agedifefen idi Yuda tamokayaudin erebereb to geidifedin. 8 Agefiagen adag tamokayau kubol agefiagen bagai tanouf, ani ada sa' od momoi ne kabi' tamo tabodo'f. 9 Aya sios ne tamokayau ar rau atot surafen, ani ere Diotrepas, i' tamo idi uyulil ibodommene, i' ama itoro'yasa'. 10 Aninigin aya asiouf ere kubol ani inon ganan ed abagai lo afalauf, i' ama nigin od sesen irokana'man. I' yogon kubol sane inoya nigin to kisifelef. Aninigin i' turatar to geifeidfen edfedif. Ba areg i' aib idi yaleya dekfeid ub namen yalelne'dif. 11 Turaubia, o' kubol sane to do', ani ere o'de kubol bia doul do'. Tamo aib i' kubol bia, do'fef i' Waitou ne, tamo i' Waitou kelei'sa', i' kubol sane inodig. 12 Wau momoiya tamokayau idi Demetrias od bia dirokene'dig, tamo ei' od momoiya namen tamal bagai. Aman'g mailef aninigin o' kelei' nema od are momoi. 13 Aya o' nigin arau musei sa' sur afouf ani ere aya od ganan arau bun to sur afouf . 14 Ani ere aya o' melsa' aileyo'f nigin kisi alef , ageafen aya o' aileyoken urom od tauf. 15 Waitou ne' wau inosia o' ado ibodo'f. turautar o' fe, lee, diok. neu fe, lee enei'g surwoid ile turautar mugu mugu bun.