¹ Tabaati énáíkáqá Mérí Mataarini-garaq Yémítini anówaama, Mérima, Táárómema pauramá mayáníq-uma yoréta uraae. Maraarakáq Îtuni aneqa yoraakánéta-uraae ² Tabaatimá ánáátaitna,áqnaabaq yuqpaama, nokáapaq abaumo utaimmá yeráwáqá maréta mararapáq uraae, ³ Náawawaq mararakáq-kémmá ôqtamma komamá waétuwaniyo téta wetimáka-wetimaka uraae. ⁴ Uréta aónamma, môra naaqkoma mararakáq-kémma mami ánón-óqtámmá matukawata koma aónaraae. ⁵ Wayáán-únáákáqtó umaatorai-naaqa maitata, uyáábéqma aónama iyáánáq-uraae. ⁶ Mi-náaqkómá timáyímíkaiye, "Íma ikatiq-oro, keráwáqá Îtu-tabamo kabaaeqa, Násáréti-ke naaqa, kaapaq yaataqo ikamma púyówana ááqa itoútuwena wîyopaq kóuraiye. Íma maibo maa aónaaro. ⁷ Abo Píta-garaq Ítu-ni Tisaípóro-anna wayukama uréraq móma timáyímero. Áqa keráwáqó timáyímíkainiq-umá, wenóká Kéráriq komárainaq koma aónainone téraq timáyíméro. Mátí-mati-pake kumá yaubamma anómma yáaqa kégaitata, atete-umaeta uyaatéta naaópa maréta kouraae. ⁹ Tótaaraqa, nokáá-naapa Méri-ní auraakaq paaq-uraíye. Min-íníkóní sébéniqa wáata-goní taí-aqkonaa matukaín-inikoní aurakaq paáq-uraiye. ¹⁰ Min-íníkómá uréna timáyímíkaiye, "We-témo máqe-uraae kayukama, yirummá keítata, ibiqá kéyaareta maawana, ¹¹ Îtuma paa-maitana aónatuweq yuwéna yune, timáyímmá íma araíne tiraae minayaba. ¹² Minna goní anaaépaqa ôriqkaa-umá paáq-uraiye. Kaayaq naaq-kóní aurakaqa aapaq kéowana, ¹³ kéweta tébakaq tisaípóro-anna wayukama timáyímíyo, mi-yatataba íma áráine tiraae. ¹⁴ Îtuma anaaékaq paáq-uraiye.Yaareráq yautumareta maáwana, Îtu aqkonáá aipike timáyímíkaiye. Nóraq-itaráq íma áráine tiraao. yaimma wayuka timónatuweta téta, puqkaunnabike paáq-uma yune téna, ¹⁵ timáyímíkaiye, uréraq máqten-aukapaq marabaq wayuka monoq-aimma timáyíméro tiraíye. ¹⁶ Náawamo áráine tínna wayukama nommá péqikaiyata, Îtuma yiwiráníye. Ímo araine-tiya kayuka kotipí uyááperainowe. ¹⁷ Yaímma awaméqá paáq-iniye. Áraine-tiya kayukaraqa, yaimma taí-aama matuwáníye. Ketí tiwîkaqa auken-aimma yetaabike tínowe. ¹⁸ Iraakabayamma mayainowe, potinimo mayainomma íma puyínówe. Yiyáámma karí-wáyúkáráq marainómma kaarímá ánátaginiye. ¹⁹ Îtuma watáama timá ánátatuwena, wîyopaq ummá Îtu-ní ayáán-urapaq ummániye. ²⁰ Îtu-ní mayai-annama máqten-aukapaq kéweta monoq ámáán-áímmá kétewana, Îtu aqkonná kéyimena, awaaméq-káráq yirátiraiye.