¹ Ituma weni tisaiporo ana awamae aima mamma tima yimikaiye. mora nokoma wani yomma yotukena,kuru-umma yaturaiye,Anibo wainimotaroq-i maruqa maiqa uma yoka-urae.Wema mora nama umma waini yokaqo yabi-ino kayaka yimi tuena ,Ayata aama kouraiye. ² Awaqa yoka-i kanaraqa-a weni mora mayai noq-a tiyakaraiye,yo-mayai wayukabakewaini araamakomame iyo tena tiyakaraiye. ³ Imanibo,yerawaq-a yatoma ikatueta tiyaka-wana paa kouraiye. ⁴ Kenama mora mayai-naqa tiyakai-tana witata aq-noka abomma agaera akarae. ⁵ Kenama mora tiyakai-tana Tana witata ikama butukqe,anoka tai aima keuma yiketa yaima yikama putukae. ⁶ Atobaq-o mora tiyakanima mae-uraiye,miniyapoma weni ammaka-eyopoe ,Atobaq-o tiyakai-nana winima yerowaq-o ammo tina ituyami-noe tiraiye. ⁷ Imma'-nibo yomayai wayuka yetata keketa,yirayata anikoma ikatuweta mata tataq-a keta mayano tirae. ⁸ Mayai wayukama anikoma yatoma ikama yokoni aumepa iyabotukae. ⁹ Mira-itana yokni anabogo nora inoyo? We yokoni anabogo yirena mayai wayuka yikama turitari umma waini yoma mama kao kayuka yiminie. ¹⁰ Aubu wana kerawaqa yorauta iayabio? Namoi-wayukamo otamayibokaina,mi-notama akona otane. ¹¹ Minotama ano karako nopake,ketai turakaqa kateko uraiye. ¹² Yerawako Ituma karabuti uyakai yuyamama itaraie,noitababio,Itu yerawaba waweme aima titata yuwe kourae. ¹³ Ano kayukamo eta farasi kara yaima Herotini laini gara wei-nopa yirae,yaima kaqari ainapo wema mama aonai-neta yirai. ¹⁴ Itukaqo weta,maratirae,tirati nako,keta aonau-natama emma kaqari imma-tinanare,emma mate kayuka-yaba yikai-yikai keone.Araima itogoni aima tiraiti nako,sisama takiti amenunatabi iyabio? ¹⁵ Immanibo Itu yrowati kaqarinaqari aima ite-ano ke-ena mara tima yimkaiye,Noitiba kemam mamakaonqo? ¹⁶ Mira-itata mora ara-tau mameta Ituka yirae,maretena tima-yimi kaiye,Naowani amakara awikqa maiya mamai ara-tauraqa? Yerawaqa teta sini amakara awire tirae. ¹⁷ Itu mara tena timma yimi kaiye,sisama amero mate tatqo siamo ina'a,mate tatao itogo namo-ianaqa Itogoma amero.ituni ayaba iyana urae. ¹⁸ Sadusi wayuka Ituka yeta tirae,pukaiyama imma ito-inoetirae. ¹⁹ Tirrati nako wetaba Mosese wata agatukaiye,moranako ano yuwena pukinana abo pukina wagoni anaqa abako matena weni iyapo ano mama paaq umakaniye. ²⁰ Abapake kaya wata nona maqe urae,Anaba niyapogo mora inima matena iyapoma imma-yikena pukuraiye. ²¹ Mikake naoma kena inimma matena iyapoma iyikena pukuraiye,kaumo yibako garaqa morai umma pukuraiye. ²² Abapake kaya wata-nona iyapo imma yiketa matema pukurae,Atobaqa mi-ninima pukurae. ²³ Pukuraiye pikemo ito-inomma nao-wani anara maniyo?Abapake kaya wata-nona yetinari uyakatukae. ²⁴ Karabae aimma imma itarepo,tena Itu tiraiye,noitaba-bio Itogoni akona imma aone,auba wana imma aone urae. ²⁵ Pukuraipike ito-uma imma araukari-nopota wiyopake enitorera inowe. ²⁶ Yerowati yuyanama puketa-ito iya kayukabi mae uraiye,Moseseni wana kerawaqa iya yorautao,karanobao Itogo tiyame,keme Abarahamu kara Aisaki kara Jekopuni Itogoe. ²⁷ Wema imma puyi wayu kati itogae.Kerawaqa karabae tiraiye. ²⁸ Ye-aimo kote-yete omma mora aro nako yamaena itarae,kateo-umma Ituma yeta anona uraiye tena aro nako tiraiye,Nanarogoa mate naroma uyataraiyo tena aro-nako tiraiye. ²⁹ Itarairi wayukao uyatara naroma,Itogo wenama uyataraiye nare tena Ituma tiraiye. ³⁰ Arukake anon-Itogoma akayake,mate-aurake akayame.Mate akoqnarake akayamio. ³¹ Mi-nana-emo uraima,Etabamo aka yame-nai umma eni anabo akayamio.Kaqoma imma utarai aroma maiye. ³² Arainurama Itogo kimora nurama uyatarai nare,kateko tirati nako tena aro nako tiraiye. ³³ Ketamo tirukake akayameta,mate tuyanakake aka yameta,mate ako-narake aka yameta,abo etabamo onateni umma eni-anabom aka yamio,katabimo yuma irabimo agama akuraku iyaima uyataraiye. ³⁴ Itumo itaima kateko auyanama anona-uraiye,owana,Itu tima yimikaiye. ³⁵ Mono naupaq Itu ketima yimena tiraiye,nara-itana aro nakoma Itu taba Tebitini anine tiraiyo? ³⁶ Tebiti wenama auka aabi maiye tiraiye,Itogoma tena keti ano taba,kema eni namuroma yiwima enopata onupo tiya nurapa mao tiraiye. ³⁷ Tebiti wenama anoko tiraiye,nara-umma Ituma Tebitini anima auraniyo?Anon ayumo mamo eta yimu-ramu pike itarae. ³⁸ Itu weni wata bima tiraiye,aro wayuka ite aone ke-eraq aona yikaro,Ayata watora ure-ire ke-eta,maketibima wati yiwatimeta nai noe. ³⁹ Arora anabari ura wayukamo-eta,ano kayukate mono naupaqa maeta ano kayuka awaqo nai yaka mainoe. v 0 Keto inati naupa pegeta matetataa mama taiketa ayata nuna muma tinoe.Mikayukama anon numa mayainoe. ⁴¹ Anaeka Ituma mono naupaq monemo mayai bogitirai komaena auna raiye,yimuq nakara wayuka ano tau muyukae. ⁴² Keto iniko utena kayaq ara tau muyukaiye ⁴³ Itu iyapo ana aiku ikarena tima yimikaiye,arai ma tima timune,Amunanamo imai keto iniko ano tau muyuwaiye. ⁴⁴ Yimuq nakara wayuka yimuq yatapike yau muyuwa-manibo keto inikoma aru tatapike mate taumo aneqo waima arukake muyukaiye.