¹ Sain ufu del gun behmian, Maria Magdalin, Maria Jems anag, Solome ai aniala him mu Jesus deweig gu menegin nu efe soina. ² Etu wele del sanan meugu, am mafo bebean, almeu jeladou aben gu nuana. ³ Hol madian, madian hei na hin men did mudiana fel agude. ⁴ Sain meigian tiana, dana hol men ben ho o-oliol mudiana. ⁵ Fel dunis nuig, mel hol balu aub, unum bibilian feig haunag niana. ⁶ Ma adiana, ub u-ebil, age Jesus baina ho megegi, wele agiana. ⁷ Elawe nueig, dou mel boboal Pita ma adegia, Hub bo tatam abuni Galili nuei. ⁸ Fel gude alevaina, jomag ebenag belele he-an, gugulou go nuana, dana hol beh madeleb. ⁹ Del sanan meu del gu, ajiana, nui Maria Magdalin gis mubeh agasutiana ho tatam fe anan. ¹⁰ Mel ilam obegianu ho ma-adiana, hub bajebil Jesus wele ajia. ¹¹ Sain madiana boh wawag beh efu lel. ¹² Ho beh mian dana elis amalagu ale wana. ¹³ Nuig abi dana bubual ma adeina, boh wawag beh efudel. ¹⁴ Jesus wa abi mel bubul, talole el dedegin so mei-adian, age wawag guguhu meu ai beh. ¹⁵ Jesus, ma-adiana maha maha nueg je sisu ma adegia. ¹⁶ In woug guguhu meb wa jou denegi boh haul oin in woug guguhu meu ai beh boh fadeina. ¹⁷ In ije nu woug gugu mein boh eteteb kobol kobol gis mubeh agasein. Maha eliagu je madenigin. ¹⁸ Man ebenag gu falenegin, wa mubeh jenegin ai hag be mebil, hag muma-edenegin. ^{19 20} Dogon mela je ma-ade hedi boh haul gu tiana, memeg heben muh ifa gu bili. Abi mel maha, maha je beina, dana hag kobol kobol muh madeina.