¹ Ano waita wayarami Gaiusi wapa bemi,semi emi fuga wayifimi ano siyiriemi eveke. ² Setifatiwa semi sukamukuakeke emi madepa yure awogu uwewa atewono. ³ Semi ano simouyikege mini kana sifatiwao fugawaya sikepa yigami ,aga fuga wayaka wago. Semi nesusimoyinti burukege. ⁴ Semi intaunami sikemi awogu fukawaya wane. ⁵ Sifatiwao yigemi intamare eraroko.siken aifo yifafim yoke wantekafi,me,enofimbao yiyime watemo. ⁶ Iyemono wayafimo ayigaraure awakunte mono mapim wako .Emi awogu uyigarare Gotin avipin yiranaya wago. ⁷ Afo ben avipim mana anene fakarukeya buwogo,mana yanta Jentaili yupakem bumarago. ⁸ Minukamifo seyuya yemi divine yanafa avogo uyikafa .Iyemi seyuwa mare mana yokam waita fuga wayaka wafa. ⁹ Semi agataunam mare waya anasi waitafim beni mono nampa. Ugamifo Driotrefas iyemo yen yiwanapa ayigaraurem anari ewayi senu busivigene. ¹⁰ Ugamifo semi, yerare,semi arare intaotege nayemo bemo ewam,Sima atekam wayayu senuyamo sisikewam. Bu awoku iyene mininapa bemi anem yimemi afa, awa,emi iyemo yivi gararoyimi sima kipayika emi siyikama mono naupakemi mapa yiyikaruka. ¹¹ Sifatiwao nayemo saviukami bu awakurono nayemo awogu uganami awakurono iyemo awogu itemi Goti intave. Iyemo saviukami awkurintemi Goti emi wamonantene. ¹² Demetriasi awogu antamano mareyumi sima yiyimewane, ugamifomi fukawayamano bewai yiyimitene. Seyu mini waya yiyime bewai yiyimitene. Seyu mini waya siyime veyane emi waya intano senuti wayamano dukayi,ino. ¹³ Semi nesu anene akaranunamifo, semi wu akaranu binako. ¹⁴ Ugamifo semi adeka yimonatege. Semi sigem yimonana sikemisemi simonai waya sefanu. ¹⁵ Seti Sara yimintano yigepa wano. Mare senu tisimomano mana alike bemono.