¹ Yeisu enedi ilo'ae, enemi lyaona palupalu, aina tomota kameko hitotole gehene hiuluulu analaba Lyaubada na ebeloina hi'iteya imemema mena waiwa. ² Ahiyata sikisi muline, Yeisu, Pita Diemesa be Dioni iebe'ewedi to anihidi to hitolya 'olya ebwalonina enena. Kano ene 'adi 'ita idumaduma matadi. ³ Ana 'oama hilodedelidi to gebu'a ibou abega hanegwale hahawene wehige ilouhe ege. ⁴ Neha Ilaitiya be Mosese hihopweya enedi to Yeisu teyawa hilya'oalya'oa. ⁵ Pita ilolagata to iloae, toeita da duweduwe kame enena kauhala to eguma 'ulaetete meto a'abidi, ibou omu manum, ibou Mosese manu be ibou Ilaitiya manu. ⁶ (Pita ko inaga iyonabehobeho manu medi matota) ⁷ Kwau ima to iyelyolyoudi neha aniyana ihopweyama kwau enega,'' kame natuaiailigu na onalyao wada nowedi.'' ⁸ Lomaniniyega hido'ahakowahi to gebu'a abega wete hida ita, inehidi Yeisu teyawa. ⁹ Tutenena olya enega hidaodaoloma, Yeisu ietobodedi be gehawene hiyetetetele tigwa hi'iteya ana laba tai natuna ida uluwega ida tolemimana. ¹⁰ Lyage kame himwauwe mo tonidi enedi hiyehimudula etigwa'' uluwega itolelimana ana nuwanuwa. ¹¹ To Yeisu hiyededene etigwana manu hiloae ebega Ilaitiya ata inuganama? ¹² Enedi iloaga e wehigadi, Ilaitiya ida nuganama be lyage maiboana ihauepaepalu.Ko manu be etoetoladina abega tai natuna ata ieloulya lyawawahae ilobedi be hida bubuna geigeiye. ¹³ Mo lyaloae enemi abega Ilaitiya taima be higuinuwa etiaonena nuwanuwadi.Wehigadi ona tabu ihimana manu. ¹⁴ Tutenena hima aina ana toemulitetelyao wete ene hiduweduwe, hi ita boda hinanina hi o'abudi mo loina ana toetoladiyao teyawa hiyegewagewana. ¹⁵ Tutenena Yeisu hi iteya, bodenena nuwadi iyowana aiaila , hileoaina hitolaya to matana hilyawali. ¹⁶ Ana toemulitetelyao iyededenedi , "etigwana we'egewagewane ?'' ¹⁷ Bodenena anega ibou ioanama ile''toeita natugu melyamoina lyame enemu, nawanawawala hiwawali to gehahawene iyona. ¹⁸ Be wetena iyelyaulyaule be awanega bulyobulyo be halana itatala'aine be itatatawa, amu toemulitetelyao lya awanoiyedi be hida ebwebweni mo hiyelomate.'' ¹⁹ Yeisu iye'ihedi, o epata 'ewauna manu, kaka di emiseya, mena mano'ana ata teyawa taduweduwe?'' Mena mano'ana ata lyae'alamai'itemi? Gwanenena wame enegu.'' ²⁰ Gwana ibou melamo'ina himelye Yeisu enena. Tutenena nibonibowaninena ido'ano be Yeisu ido'eya, gwanenena i'ehiye da'olelye tatanowe to naga iye'lyaulyaule be awana i'etalabulyobulyo. Anega Yeisu gwana tamana iba'e; ²¹ "Madiwehiga ana ebwalona kame wehigate i'gu'igu'inuwa'ega?" Enega tamana ilo'a'e; "natutagwanega. ²² Bwitubweitu i'e'e'hiye tuwagulya be maniyena tuta enedi wete lu'o'aiya habi 'egeina tonina. Eguma hahawemu be ete'eao u gimwanageya, uda atunuwa'ai yema be uda awaetema". ²³ Anega Yeisu enena ilo'ae; "Eguma omu hahawemu? Tonidiyaodi hi'emiha, yage audi hahawedi". ²⁴ E'dimadimanega, gwana tamana iegabe, iloae; Ya 'emi'ha! gu'enu'analuwa enena uda awa'etegu!" ²⁵ Tutenena Yeisu boda a'udi ido'edi himemema, nibo'nibo'waninena ilotobada, ilo'ea; "Omu aniya'uwa be me'apimwa, yaloinemu be u'hopweyama gwana ko anega, be gihewene wete u'lugulugu limana enena". ²⁶ I ahibo tonaga ihopweya mo gwana idoa'ata taloaga ebega tomate wehiata, to tomota hilo'ae; "Gwana tai mate". ²⁷ Mo Yeisu gwana dimane ihi'a'ina to igi'etoleya, to gwana i tole. ²⁸ Tutenena Yeisu ilugu aha hina'ene, ana to'emulitemanao hiye'dedena dumedume, hilo'ae; " Ete'e'ao manunega to ima gebukai ada pai'hopwe?" ²⁹ Anega o'enedi ilo'ae; "Kameye guinuwenena gebukai tada lodai'dai'hi, mo'hai egabelaga a'a oenega". ³⁰ Aha enega hihopweya to Galiliyega hitoya. Gebukai nuwanuwana abegwana ida mwalatoni ebega tonidi mao, ³¹ manunega be, ana'to'etemanao ieyedo'edi. O'enedi iloae; "Tai Kapweina ata tomota dimadi hi'hau, be ata hiloemate, mo ahiata meto muline ata itole'limana". ³² Mo gebukai kame onenena hida nuwa'habwaleni be wetena himatote. ³³ Anega Kapeneumi hihopweyama. Naitudi aha enena tai lugu anega iededenedi, iloa'e; "Ete'ea'o nio edeya walalaowaliye?" ³⁴ Mo hiye'nunumata. Manunega be, nio hiye'awa'gegetaliya etaitabudena manunega. ³⁵ Imihobu anega hite'tuelo iebouwedima to o'enedi ilo'ae; "Eguma abegwana nuwanuwana be 'ietaitabudena, toninena ida muliya be idae'alia". ³⁶ Anega gwanakeuke imeye to gamwagamwadi iyetole mo o'enedi iloae; ³⁷ "Abegwana gwana kameye i'atuluguwe agu yoyounega, naituyu yowo wetena tai atuluguwegu, be abegwana i'atuluguwegu, gebukai yowo'a'a i'atuluguwegu, mo wete agu toetune". ³⁸ Ioni iloae'' toeita , tomota ibo aita ,amu lyolyounega lyalulyaluwa geidi ipapaihopwedi to a'etobodeya,manu tonina kakae ada toemulitete. ³⁹ To Yeisu ilo'ae gehahawe wa e'etobodeya, aita eguma agu lyolyounega ko paihewinewna iguinuwe muliyega gehahawene agu lyolyouna i'e'egeigu. ⁴⁰ Eguma aita gebu'a ida awageiyeda, ko toninena weheda. ⁴¹ Lyaona aiaila enemi aita eguma keiga anega gonopa itegwa be i'ebwaemi manu 'omi agu toemulitetelyao mohene ana pali 'ida loba. ^{44 42} Abega agu toemulitetelyao mugumugudi iyematana'a'aledi be hi toumalina, kauhala wawahae eguma daula hinanina hida lohipwa otoe be hida ule poeheya. ⁴³ - ⁴⁴ Eguma dimamu anega utoumalina,uguhulyaule,kauhala wawahae eguma dima iboiboumu be Lyaubada na ebeloina kauhalena uda loba muliyega dima elueluwemu be uto kaiwe ala'alata ene , kaka na habelulu ida kweukweu. ⁴⁵ - ⁴⁶ Wete eguma aemu anega utoumalina , ugulyaule, kauhala wawahae eguma aeiboiboumu be lyaubada na ebeloina kauhalena uda loba be me aeluweluwemu uto kaiwe ala'alata ene. Eguma wete matamu anega utoumalina , uetohopwe lyaule. Kauhala wawahae eguma mata iboiboumu,Lyaubada ebeloina ene ulugu be mata elueluwemu uto kaiwe ala'alata ene. Gebu'a ida ulu'ulu be na habelulu ida kweukweu. ⁴⁷ ''Eguma wete matamu anega u'toumalina ,uetohopwe lyaule, kauhala wawahae eguma mata iboiboumu, Lyaubada na ebeloina ene ulugu be neha mata luweluwemu be uto kaiwe ala'alata ene. ⁴⁸ Gebu'a ana mwatamwata ida ulu'ulu be na habelulu ida kweukweu.'' ⁴⁹ Maibo'ami ata ebe to'wona wada lobedi adiwaiwa wehigadi kaiwe ala'alata. ⁵⁰ Poeha kauhala mo eguma ana lotona igei gebu'a hahawene be ta giyekauhala. Wada gielobwenemi be nuwa siwalowa enega wada duweduwe.