¹ Tutenena ahiyata Sabate igumwala, Meli Megidala be Meli Diyemeha hinana, be Halome higimwanedi bunama maedi kauhala wawahae be abega ata Yeisu bwalana hi bunami ana gi'ali'ali manu. ² Gonagona tauna ahiyata nuganuganina wiki nena ene, hitolya aliali ene. ³ Hie lyaolyaowaliya tonidi a'a oenedi, '' lyaita ata daula ipulile manuda eda enega aliali ene?'' ⁴ Tutenana hidumalagata hido'a abega lyaugwadi lyaita daula tai pulinoe, daula nena hinataetaena. ⁵ Hilugu aliali ene to hido'a iduweduwe aliali ataina ene, tubuwau ibou ana kaleko mwadimwadiyawena eto hi gonalidi. ⁶ iloáe oe'nedi, gehawene wamatota, Yeisu Nasaletega watautauli, tonina higiyekelose boi" taitolelimana, gebua tonina be'o, wadoeya kamelye henenena ene hie'enoi. ⁷ Mo wato ana toemulitetelyao wabaedi be Pita abega tonina inuganugana Galili ko ene ata wadoeya wehiate oe'nemi ilo'ae ega. ⁸ Hiluguhopweya to hileoa'ina alialiyega ,hitatatawa be nuwadi tahi elowana. Gebu'a lyaita ibou hida loae ene manu be didiga tai giematedi. ⁹ Awa'awa ahiyatenena nuganuganina wiki ene na tolelimana muline , i gimi hopweya Meli Megidala o'ene, toninena o'enega lyalulyauwa geidi dimaibou- eluwa ipaihopwedi. ¹⁰ I tolya to ibaedi abeyao tonidiyaodidi boi teyawa hinunuwamau be hidededo Yeisu manu. ¹¹ Hinoweya abega melyawahina ebe Meli tonina i'iteya mo gebua hida lyalelyale. ¹² Kamedi lyagedidi mulidi , Yeisu ihopweya ma'ama'alyauna dumadumana anega tomota hiteluwa e'oenedi tutenena aediyega hi hohopweya be ata hi lugu hena hinanina ene. ¹³ Hitolya toetemanedidi maiboadi oenedi hiemwaemwahala eto gebua hawehawe nene be hilyaledi. ¹⁴ Yeisu neha muliyega hihopweya hite ilebeni oenedi, tutenena ie'ea to i ena pa'alidi manu gebu'a hida lyaledi tonidiyaodidi hi iteya na tolelimana mwawahega muline, ¹⁵ iloae enedi '' watolya hena ana maboana ene be emwahala kauhalena wa gugulyae mwelumweluluwa ana maiboana oe'nedi. ¹⁶ Lyaita i lyalelyale be i babitaiso, ana etoseyana i loba, be lyaita gebua ida lyalelyale ata loina geina be gietoumali ida loba. ¹⁷ Kamelye weiweilyalyedidi hihopweya tonidiaodidi hi lyalelyle oe'nedi .Agu lyolyounega lyalulyaluwa geidi hida paihopwedi ,aniyana awaudi be dumadumadi oe'nediyega hilya'oa. ¹⁸ Dimadiyega mwata hida hiyaidi be hida gilagahidi, ebe eguma hiduma etigwana elaelalena, gebua ata hida ehilae. Tole'oale'oa'ha hida gitodi be hida bwebwena. ¹⁹ Inapwana Yeisu oe'nedi igimi lo'ae muliyega ilaga galewe to imihobu Lyaubada ana ataine. ²⁰ Ana toemuliteelyao hihopweya to hena ibou'ibou oe'endi hi gugulya emo Inapwana teyawa to igiyewaiwedi be ona iea'ia'ila ebenuwaowana higiehopwedi oe'nediega.