¹ Emwahala kauhalena Yeisu Keliso Lyaubada natuna manu, kame wehigadi ana ebe'ale. ² Palopita Aisea na etoladi ene ile, to pililyalyelyale ibou ata ima be eda ihaumwanaga, ³ iyegaegaebe hopweyama hena kaukaudaihina enega, eda wada gibubu inapwana manu be na eda wa da hauwepaepaelu. ⁴ Ilogugulya be igiye babitaiso nuwaebuni be toumalina ana nuwaluluna manu. ⁵ Me Yudia be Yelusalema hito ene bwahi Yolidani tupine. Di toumalina hietetelidi nugana anega hi babitaiso. ⁶ Dioni kameli bwalana iote be mwale'oa enega ilowaila. Henenena ene digwadigwa be moawa ediyega i'e'e'a. ⁷ Na logugulya ene Dioni ihimana abega tai ibou ata mulinega ima. ⁸ Tainena waiwa wawahae be kaka ana lobwena be ana aelawa ana talalyaina iliami. Dioni ile lyowo lya babitaiso bwahi enega be tonina ata Lyalulyaluwa Tabuna enega i babitaiso. ⁹ Ibou ahiyata ene Yeisu Nasalediyega ima Dioni ene habi babitaiso bwahi Yolidadi ene. ¹⁰ Tutenena Yeisu iholagama bwahi enega , I ita galewa i'egege be Lyalulyaluwa Tabuna idaoloma ene wehigadi manua bunebune. ¹¹ Enega aniyana ibou galewega ionama Yesu ene ile " Omu natuaiailigu lyao' obobomemu be lya gwauhowala manumu. ¹² Lyalulyaluwa Tabu lomaniniyaega Yeisu i'ebe'éweya to itoe hanegwaladaita ene. ¹³ Ahiyata poti analyau ene iduweduwe be ebe towona eliedi ilobedi Seitani enega,lyobai toea'la'alata wete gamwagamwanidi iduweduwe mo Lyaubada na aneloseyao hi lemeleme be na nuwanuwalyao hipapaihewidi. ¹⁴ Dioni aitu tahihiyai be muline Yeisu itolya Galili habi logugulya. ¹⁵ Be na logugulya ene ilo'aé '' Lyaubada na hena ana tuta taima aitu, wa nuwaebuni be Inapwana na onao enedi waemisa. ¹⁶ Wete poeha Galili ene ilolo'oadewa to Simon be Andulu higogomana idoedi to ibae'di, ¹⁷ wama waetetegu be lya gimwanagemi be tomota wada o'nedi. ¹⁸ Nonoega digomana hiye'enoidi mo mulinega hitolya. ¹⁹ Enega Yeisu ipilihowata to Yemesa ido'ea tonina Sebedi natuna be hiyana Dioni, kewou ene higelu mo digomana higigimwanaga. ²⁰ Nonoega I yegabedi to tamadi Sebedi hioate me 'ana tolemalyao teyawa mo hi muliye. ²¹ Sabate wete ene lomaniniyega itolya Kapenaomi to ebe hobwano ene I yeita. ²² Tomota nuwadi iyowana manu na onao adi nowalya gebua wehigadi loina ana toeitao mo ha'i mena e'togaga be aiaila. ²³ Di egogona hinaenega ibou tomota tonina lyalulyaluwa geina ene iloae, ²⁴ Yeisu gomana Nasaledi etiaonena hawahawene ada guinuwe enemu? Uma habi gietoumaliema? Lyamwalatonimu omu Lyaubada enega. ²⁵ Yeisu lyalulyaluwa geina ibae, uwe eno be uhopweyama ko enega. ²⁶ To lyalulyaluwenena geina iulahopwenama tomohinena enega mena bo'bo. ²⁷ Enega tomota higonalidi to hiloae, etiao nena kamelye. Eita awauna be waiwena. lyalulyaluwa geidi I loinedi to hi mulie. ²⁸ Ko enega tetelina ihakowahi, to tomota maiboadi hinowa wehiate Galili ene. ²⁹ Lomaniniega ebe'egogona hitohine to hito Saimoni be Andulu di aha ene, Yemesa be Dioni teyawa. ³⁰ Tutenena hihopwe , Saimon lawana melyainena hibaloba gogohuluhulu i'ewa to ienoeno. ³¹ Yeisu hibae to ima dimana ene i'hiya'ina to igilagahi, to gogohuluhulu ihawala neha iyetopaihewa manudi ³² Naitu ahinuwanuwa halabene be awelawa ihiawauduli ,tolewalewaha be tonidi lyalulyaluwa geidi himedi Yeisu ene. ³³ Egogona hinanina hopweya henenena ana awa ebe lugu ene. ³⁴ Toleoaleoaha eliya igiyebwebwenidi wete wehigadi tonidi lyalulyaluwa geidi enedi. Mo kakalei lyalulyaluwedidi itagwatagwaledi behiona manu, hi mwalatoni. ³⁵ Ihaonama gonagonata matautuwanina. To itolya hena wabunalina ene, habi awanoi. ³⁶ Saimoni be maniyedi wete teyawa hi tautaulia to hibaloba. ³⁷ ene hiloae , maiboadi hitautaulimu. ³⁸ walya dumaduma ahahelabe enedi be lyadalogugulya paihewenena manunega lyama. ³⁹ Enega itolya Galili ana maibo'ana ene ilogugulya lyoelyoe enedi,be lyalulyaluwa geidi ipaihopwedi. ⁴⁰ Tologolyoi ibou ima mena aetulaha iawanoi, iloae eguma amulobwena hawehawene ugiekauhalegu . ⁴¹ Mena ateulyaulya be atenuwaoleole, yeisu dimana ie'lele to ihiyai, mo iloae ene " agulobwene wehige, ukauhala". ⁴² Lomaniniyega logoinena igumwala to ikauhla. ⁴³ Yeisu iloinapa'ale to iyetuneya lomaniniyega. ⁴⁴ Ibaeya , gehahawene abega ubaebaeya, mo uto uweitemu tonimu to taliyao enedi, uda ebwalya lyagedidi mu kauhala manunega tonidiyaodi Mosese iloinedi, tonidiyaodi hida ebe weiweiyalya enedi. ⁴⁵ Mo itolya to maiboadi ibaedi to loaena hena ilyawali to Yeisu kakalei ana lobwena iwalyagiyagiyawa henedidi enedi. Ko toninena manunega henedidi wabunalidi enedi iduweduwe mo tomota himemema ene ibouibou enediyga.