¹ Anuko, Anonkin iken yinoyipo yiwaya indeko, mini awokui. ² ''Enanoapon tinayopata oukoko'' (mini anantapa onotikan nama tirukemi), ³ ''Mini wayatoni awokupi uankanami mana makaka iyakai wanonami.'' ⁴ Anuyipo iyewaka anu yirankano iyewaoki. Mini ekuyewai, Anoni awokupa weni tireninukim rapite. ⁵ Yokam wainta eni mana makakakena anonai inde impoiye wanto puka arapinkena akunkanto wiriewa Sisesima wa. ⁶ Iyewaka Ano wanamana yokam maranotewa, iyewanawa yokewe wa. Miniukami indrire Sisesini yokam waintauei Kotini ayir amukutinke uwara. ⁷ Umadren indira wanamaka Kotini yokam pakewo, ⁸ minimukemipo ne awoku yokan maya maya uwaran teyapo, Anonpatena aya marantemi, mine karaputakim wepe payawantepe. ⁹ Anouko mini patemanawai ikeyi karaputa waintu yonako. Eya indriwaka iye yenyi Ano wenai inarumpa wenapi iyem mana wanana ayikenim wemi. ¹⁰ Aipo, Anonkin eraruke weni erantin wano. ¹¹ Kotin yayapiurei eni amanka uwani mandrakin ukuka. ¹² Manatiru paem wayinta waka wena, uwan namaweni raini namakimi wemi. ¹³ Madren anenekim winte, Kotini erara manan eni kamuna yayapi ure upekewo, miniponi mandrakin rakare winonami. ¹⁴ Yiruwayinta ukupaka wayani manan upekundre yayapi urewo. ¹⁵ Akantin sui ure upeke tetaure tatatin nama nanayin waya marewo. ¹⁶ Umadren ara ara umantin eran indrin yay api urei, uwani mandra wankam aninanipa uyakatemi. ¹⁷ Awoku tatatin kawe nama awayukan tatatin wayinta Kotin awayatim maranona. ¹⁸ Umadrem inantira andairu, inantintinke toya yamu andrao. Mini indri nama madren yamu indrin kakakana rapitei, Kotini antekeyon iniyawayinta inanti yinka. ¹⁹ Inantinke wakai waya mandrekai ate tiyime. Inante waka omantenin wayaya mara. ²⁰ Kotin awon wayinta wei mini wayatomi mana umantin, orei tiyimeunku. Wayatomi teni ikeyi yokam wayinta karaputa uke. ²¹ Takikus eran yokan wayinta, anom maremi weyo mandren wayani teni ne waripa ukekapu tintemi. ²² Mini wayatoni mana wemi awedranami ikewekopa wemi, ike moyuni newaripa ukekapu indrikako, wani eraruyinkana wako wani. ²³ Awoku ikema wantemi, tentipa tiwa tinkum tikunkanama ikenama Tipo Koti ma Sisesima yi impoye wantemi. ²⁴ Awoku impoye wenkim wantemi Kotim patena iye eni Sisesima, awakantepe.