¹ Mini anra wani,teni Poru,Sisesi yokam wayinta karaputakimweu,Ena ankumi wekon tatatin ni. ² Newarapi iken inremini,Koti mini yokani timin ranimi,mini weni akunkan yoyikano wanini. ³ Kotini emam wayani uwareu.Temi yotikeni mini pukawayani,mini iken uwan yinkeu. ⁴ Mini ikemanre yanre,Tenti inrekuna maranakoni.Sisesin kimi weni puka wayani omatenim mini inrinakomi. ⁵ Peni wayoutim,mini puka wayani iyen apotapiukem,Apo make,Tatatin wayinta mini nanam apota piuekem weni yokam wayintau kim.Koti weni yokako wani makim mini ureni utimi remi. ⁶ Mini puka wayani omantanim,Manimukemi,ena iniya wayinta,Yuda unioyokei awokui marantenoni.Tatatin wayinta wenikei mayaukam wantenoni.Mini monteumpe tikenim wen awayatim wemi. ⁷ Mini mukai,teni mini wayayi yokam wayintaieu.Mini Kotini impoiye.Mini yokani weyi eran namai timemi. ⁸ Teni kotin kim,weyo iniya wayintaukim makakapukam kumwanuni wanami newarapini,Kotini awoku aneneu,Tatatin wayinta kimi omatenim tiyimeno wani. ⁹ Mini mukai, Kotini inrini manam apotapieu. Mini inrin peni omatanim anaempai umaren aneneu uwaremoni. ¹⁰ Mini inrin mam wayatim manam apotapi emi.Inarumpa wanayouni miyiuni awoku inrini wanayoponi,Kotini inrin marantenoni. ¹¹ Mini inrin araya iyenwenin wani,Kotin kimai mini inrin wemoni.Tentika Sisesi poni minonteumpe temoni. ¹² Newarapi,Sisesi kim eran manare iyewa pekanteu.Amankai, Koti weni pai wanteu.Koti wen akapani inrekuna poni minonteu. ¹³ Mini mukai ikeni yinrae iywai amuna inririo umarem umani iken yinra marekuna,Mi iken anowi yimin temi. ¹⁴ Koti mini anene muankeni nani,mini wani teni anon wi ameu. ¹⁵ Wen ankun yiwi inarumpa yime mana makaka yime intemi. ¹⁶ Mini pure ite,Tatatin wayintai erantoni ikema wanai.Kotini amuna awoku aneneu Sisesi awita maranakomi. ¹⁷ Mini pure ite,pukaino tewi.Sisesi ikem yi inrintem wen mini poni iken eran yimina awoku yani ampam menikei.Kotin kim wanakomi. ¹⁸ Eran nama anon inrin nama pukaino teyon wayitau nama,Sisesi ni ayini ukenikei iyakapukam umwami ankakemi,namenukam kumwan mini mukanakomi. ¹⁹ Mini mukami,Sisesi amukuani umaremi inrin nama ye ankakaranukem.Mini poya Kotin awoku ikenkim amankapi ukana wanakomi. ²⁰ Iye umaren anene intenapi,Newara iken nama inrekapu,anra ekapu.Mini erani iken namakim yokenimi. ²¹ Mini mukam,Sisesi awitiem Koti yanio,pukawe.