¹ Wakat letiek Gersenes na utun na lein. ² Tana oso kis muqe ac hel na te ho ekulton. ³ Tana alme utun na tec, tana oso oqo ain, sen ac na haun oqo qakewahu qe. ⁴ Oqo sain matic pahic ,ain sen ac na hewe qakein, otme ain sen ac hewe patakon alal nen me alehon. Ote nu tana oso oqo heven nonu kakatic aqe. ⁵ O sain ucnuk, alme utun na ac, aluh kati na ac qaqase pili tewek menin aik ac na ihul - ahal ehuli qoqo ena. ⁶ Ote qo feicen nu enme Jesus on ac hahave feic tome, kukuli nuvi jaich na silotanen ⁷ Uta - eh qaqaje pili, maten, eje ene ate - oti - hikiknu? ⁸ Oten ha Jesus maton, kis muqe enka pili o qil ucli hukinu. ⁹ Ote qo Jesus ian nu oc - oc - liton. ¹⁰ Oten ha maton, eje iani ami, eke mati ac. ¹¹ Aluh kati - na ho saf ona jeje - nijeke. ¹² Kis muqe o - ake Jesus oc - oc - li toin, "iho ois ken me ho o - ake wawak na loum?'' ¹³ Oten ois aten. Sain kis muqe ho hanam wawak na lein sain na, ho o - ake italiji - opn - nuinoik wa - jeatatein. ¹⁴ Sain o na, tana ho saf a - a - tec nijin o, acji nuime yana - ajo ac mahan pen na ac, alal na ac unuk ma - aten havein. Ectah alen ac o feqak nu. ¹⁵ Jesus ac hoin o, tana wele kis muqe otautin ac o, iclam isto mu ac otaecn pipilesen feic to meik ucicjein. ¹⁶ Kannih kis muqe tana o ate tato mumuten fein o, tana havein ac o - ake sai - ah - ah teik, ho nu ha sai atein. ¹⁷ Ote meik esele akukuna nu qak nu Jesus oc - oc -litoin. ¹⁸ Sain vak tope ecsele nuiki- nu o - o ten, tana oso le ha iclam nuas nu maton. ¹⁹ Oten ha Jesus qe oistol.Elahec hac maton, ecsele jo nununa, sihul nununa nuwemek, Tiput ququ kave na atec mumihen o sai atakal ton. ²⁰ Oten qo ecsle nuiha je o sai aten tana ajo ac amaka fokoton. ²¹ Sain Jesus vak ome ecsele wa naha len o, tana unuk eckuli aliltoin. ²² Tana oso ian Jairus, Juda aku uchu - jo ilu ac, Jesus jaih hala - icsak silotane niniji pili, ²³ Jesus en, "ateni almiki ote epen na ecsele o mutin aje''. ²⁴ Oteqo Jesus toton iclam nunu esen tana ajo eckulein o, toaleken iclam nuein. ²⁵ Eckule on na ati, ajo oso, ajo aku jakel hak o yar taninuk taninuk leis heve opena. ²⁶ Sain ec - ec - lu tain tepan totoc opena. O tana el - ate tana unuk tematen, tana el - ate jo unuk qe mutin o - o - tepili ech - wan unuk qe mutin.O ha, hak qe ucltil, hak nui pen ton. ²⁷ Jesus ec - ec - tah iho - ocn, o - on, ac - ac len mateken tona. ²⁸ Oteme maten, "eje Jesus na loto qutatufik - ati mumiki nuen.'' ²⁹ Sain Jesus na loto qutaton, jakel hak qemen. ³⁰ Oten Jesus tepan ton ac o, kakatic ququ ucniac qemen, ote qo o - o lien, icn loto juju falen en? ³¹ Oten ha malokom ququ matoin, tana ajo ac eckuli alil he ninijeken fefe - ha sisil oko? ³² Jesus meic eh - eh ha meic en, ihn oten o fiki - nu.. ³³ Oten qo ajo o ucicje qelel e - e ho Jesus jaih na silotane eje en. ³⁴ Oten ha Jesus maton, ene wawin - na uclinin - na kakaicn mate o ati hak nunu qe muti hen, wawin mu na nuka. ³⁵ Haun eckule on ati,Jesus memek na je mamaten,Juda aku uchu jo ilu ac ququ sihul, hahawe uta e peleik matein, "melait nunu wele almen, ate nu Jesus api u- u ti nijiku?'' ³⁶ Oten Jesus taha me ha, Juda ackuku uchu jo aku ilu ac maton, ain ucicjakahun, wawin ac, uclinin na ac ati matel. ³⁷ Ote qo Jesus Pita, Jems, Jon ati eten nuein. ³⁸ Ona nuein ac o, o - ake qaje eutatan e ninije - ken. ³⁹ Sain oqo jo na leha ma - aten, "ate nu qaqaje jijeke, mel qo qe almel, usniji''. ⁴⁰ Oten qo asaltoin. Asaltoin o achawa ah - ah - te, melait o emek anak ac eta len hamun melait o nijin na lein. ⁴¹ Epek men non melait o fafale maton, "kis na mahike ajika,'' ⁴² Qeki e melait o selefen. ⁴³ Jesus je kakati ma - aten, o - ake oso ain matowe - hin. Ote ha saf utuqak nu ma - aten.