¹ Sain Jesus Kapanaum haun eselen, tana aya ac ake tac mein u uqa yo tunu - ul pili. ² Tana aya kec pahic hu ekulein qa yo tunuc uctun u - u ihoc qe oto - op tau kesa ha uctun aqe. Jesus uqa Tiput na me ya nu ma - aten. ³ Leih ake Jesus ac hoin ake tana jaih, epeh unuc lelek meic, wal oso tana kapakap taic meik hewi haoin. ⁴ Ake yo tunuc le iho qe, elnu tana aya ac kec pahic ekulein, qe nu ake yo ilo na topi meik kapa Jesus tawen na pahic kapa akasain. oti meik kapakap ulute - epil tunuc numi tana jaih, epeh ac lalek men niyin ha non. ⁵ Jesus uqa tana wal oso akena wawaka mele ec fimi tana jaih ac epek ac lalek men u maton, "Melami, iye ine na silail akasi hiken. ⁶ Tana sisi me ye yaqoc ac ono pilein , ake wawak na hime istutu e - in. ⁷ Oti el nu tana i, ye fil pahic matena? ^{8 9} Jesus mahu pahic uqa na wawik tunuc iston hu i ake, ake kemo na istoin. Oti ma - aten, ake elnu isto i wawak tunuc istokina? Tana jaih, epeh ac lalek men u, uqa el ye matoc nu, iye inena silail akasi hihec o asi kapakap inena umek opoka? ¹⁰ Qe ake patut istoike oti tana melah uqa kakatic unuc ac maha ina uqa iho silail akasikinu, uqa yana jaih epeh ac lalek men oti maton. ¹¹ Iye mahikina, asaka, taek inanaumek, otimek inana yo na nuwuka. ¹² Mahu ac pahi asi uqana taek umi yo tunuc tec mahakumu alimi amaka na o - opi nuwun. O - ake fi - icliti asimeik Tiput pinan utein, otimeik etimatein, eke eteh etec qe feqena. ¹³ Jesus uqa apen i ulimi wa koil tona nuwun, oto - op tana aya ham pen o uqa ac ho - opil me ye sa - -aten. ¹⁴ Sain uqa o - opi nunuwi pili, Alfius melah Livai fen, men etec apen na pipilen Jesus uqa oti maton, hu totaka ton uqa asimi Jesus toton. ¹⁵ Sain Jesus uqa livai na yo na sap jiji i - iyen, men etec tana asisic ac siail tana aya ac malokom iake ac osopen sap yein, elnu tana aya kech totu hoin. ¹⁶ Sisi yaqo toc tana i ake, Farisi ake oti fein sain Jesus uqa silail mec tana ac mec etec tana ac, kami sap yein, malokom i ake ma - atain, uqa elnu silail mec tana ac men etec tana kami sap yekina? ¹⁷ Sain Jesus uqa ye i tah mimi eti ma - aten, tana aya in akena tewenaka kakati uu dokta ac qe lekina, tana aya ake in uqa hak ac himec dokta li fena. Iye tutu o - poctana aya uta atenu qe holom. Qe. "Iye silail tana aya ac nu hom.'' ¹⁸ Jon na malokom ac Farisisi ake sap ye nu ulekina aten. Uu ake humei matoin. Ati nu Jon na malokom ac Farisis akena ac sap ye nu ahac ekina, inena malokom sap ye nu qe ulelein? ¹⁹ Jesus uqa oti maton, oti tana uqa aya ukinu uqana sihul sap ye nu qe uluwahin sain o - ake kami niji - ji pileik? Sain i sap ulec, sain qe tana aya ukinu ake kami pipili pileik. ²⁰ Hip sain ake tana aya ukinu e - huti hewi ono ac nuwuqak nu, tel ona ake uluqak nu. ²¹ Loto haun hewi heli loto hilah ac hakaliji fek ihoc qe, elnu lotoc haun uqa loto hilah ti tukinu otimi kikilo pen mutiki nu. ²² Tana oso wain haun pasec tumi me - ep wain kana hilah tunuc noc hioc qe, uqa oti otifi wain kana ha meqe mikinu oto - op wain kana qatane - ep wain meqe mikinu, oto - op wain kana ha meqe mikinu. Uqa wain haun mimi pasec to - op wain kana haun akena nukinu. ²³ Ucha tel na Jesus uqa wit api tunuc o - opon, uqana malokom wit aik e - eteik ha ye sanan mein. Farisis i ake Jesus oti ma - aten, ²⁴ "Feike, elnu i - ake ucha tel na ahac ec u ete - teh i mutekina?'' ²⁵ Jesus uqa oti ma - aten, "A - naha ake qe sianalain el etec Davit uqa oto - op uq tana kami wen pilein? ²⁶ Davit uqa yo tunuc len sain Abiata uqa ecwel mel ilo pipilen, otimi uqa saf jiji tunuc Tiput olasic na pilen, oti i ake ecwel mel ilo himec iho jec tana aya unuc qe. Qa uqa sihul ono uqa kami osopen pilein uu aten? ²⁷ Jesus uqa me - a oti maten, ucha tel i tana aya ac akena, tana aya ac ucha tel i akena qe. ²⁸ Otinu tana melah uqa a me - ac uqa ucha tel oftona.