¹ Nau La Judi,Nga wane ni taungainga ala Jisas Kraes. Wane ni Futanga ala James. Ni wane laka'a la God e soega,Agila to'oru ubulana kwaimanga ala God ma la Jisas Kraes. ² Fana kwailaeta'afiinga, Aloalonga ma kwaimanga e ariau. ³ Fuuwane lea agu,Nau ku taungai tegela fana giringa famu suria nga moringa agolo lado teefou Aai. ⁴ Suria tani Taa ngai gila ru'u mola ani taungainga na God i lalo amooru. ma ni wane noona gila nao fia kwaikwainga ala God. kwalaimori suria nga kwaimaanga ala God, Ma gila ame tagoto'o mola ala Jisasi kraes, Ngaia no'o na kiingi adauru. ⁵ Nga ola loo nau ku alafuu suria,Amo'oru moru sua te'efou noo ai. Ma tafeua, Nau ku iiria lau mola famooru fana imooru moru sia mabolosia lau. God ngaia e boonia talee Taa ngai Aana fana agila akwa faasia fanua i ijip. Ma i burina gila leka faasia i ijip, God e kwaia tani gulee Ta'a aaga naa gila ame tagotoo. ⁶ Moru manata lau suria nga Enselo i langi na alata ua noo mai.Tani gule'e Enselo Aaga gila maasiri na nga ola naa God e kwatea faga,Ma gila ka leka faasia nga lefu ni toorunga kwalaimori aaga, God 'e aruga ' ubulana lefu logologo'a na lokafu. Ma ngaia 'e firi fafiga 'ania seni ne'e nana'i firi. Ma tagila to'oru 'ilo'oo mamnia fe'e gani na'a te'e nigi mai fana God 'ani kwatea no'o kwa'ikwa'i inga faga. ⁷ Amooru moru manata la'u mola suria nga Ta'a na gila to'oru 'ubulana ma'e Fanua 'i Sodom ma 'i gomora, Ma nga ma'e Fanua gagalangiga. Nga Ta'a na Fanua no'ona gila to'oru mola 'ania agemaninga ma to'orulaga 'e ria 'e iiki. Suria ni Wane na fanua no'ona, gila agemani mola fe'enia Wane ngaa'i. Ma tofuna ni 'ola lo'ori, God te'e kwatea nga kwa'ikwa'inga 'ania e'ele ne'e nana'i firi faga. ⁸ Maka 'i lo'oo la'u mola fana Ta'a ni kwaifa'ananaunga na kotonga 'i laloa moru. Gila agea no'o ni ola ne'e ria 'ania noni ga, gi la aasia ania malebolenga, ma gila ka ma'asini te'enia nga baitanga na God faga, ma gila ka fata ngadaa nga enselo 'i langi. ⁹ Ma gwa'a la Maekolo, ngaia te'e Ensolo na God, ma ngaia 'ame agea no'o ni 'ola ilo'oo. Ma alata la Moses ngaia 'e mae, la Maekolo ma la Saetana gala orikwaisu'usu'ui fafia fana ni dai na'a te'e ngaria nonina la Moses. Mala Maekolo ngaia 'ame 'aferua fana 'ani fata ngadaa mola la Saetana. Tafe'ua ma ngaia 'e alafuu 'ilo'oo mola, "God te'e iila famu!" ¹⁰ Tafe'ua ma fana Ta'a lakau gila kwaifa'ananau 'ania kotonga, gila fata na Ta'anga suria ni 'ola na'a gila 'ame su'aai. Gila 'ilakau nga lego ne'e 'ato 'ani manata'a. Suria Ta'a lo'ori gila agea mola nga 'olataa lo'o noniga 'e siria faga 'i talaga, ma ni 'ola lo'ori na'a e ngadaga. ¹¹ Ngaia te'e ria 'e iiki faga, suria God te'e kwatea no'o kwa'ikwa'inga ba'ita faga! Suria gila agea rianga 'ilaka'u la Keni. Ma gila ilaka'u la Balaam ne'e agea mola te'efuta 'ola na'a ngaia 'e su'asuria 'ani dari Bata 'aai. Ma gil'a ka 'ilaka'u la'u mola la Kora na'a ngaia 'e tata'e ma ka funuria God. ¹² Ma nga Ta'a ni kwaifa'ananaunga na kotonga lo'ori, gila ogu fe'enia mooru na'a alata na'a moru ogu fana keto kwaimaaninga. Ma gila 'ame maila mola 'ania su'unge'enilaga 'i talaga fana fangalaa. Gila 'ola 'uri'uri mola, 'ilaka'u nga me'e kofa ne'e 'ame kwatea mola nga uta,ma nga iru ka furu tabale'enia mola. Ma gila 'ilaka'u la'u mola nga 'Ai ne'e 'ame fungu na alata fana 'ani fungu, ma Wane ni taunga'inga 'e lafua ma ngaia ka gu'a no'o. ¹³ Ma nga Ta'a lo;ori, gila agea 'ola 'e ria fana mailanga fafia, maka 'ilaka'u nga bio baita ne'e ogua nga kalatafu 'e aula 'i fofona o'one. Ma tofuna nga kwaifaananaunga aaga ne'e ame to'o, gila ka 'ilaka'u la'u mola nga buruburu na gila 'idu fa'asia talafuriga. Ma God 'e sasaria no'o nga lefu logologo'a faga ne'e nana'i firi. ¹⁴ Enokko na'a fiuna Wane ne'e futa orioritana la Adam ne'e alafu suria nga Ta'a lo'ori 'ua no'o mai ma ka alafuu 'ilo'oo, "nga Alafa te'e ori mai fe'enia mole'e Enselo abu aana. ¹⁵ Fana kwaisufaanga na Ta'a te'efou. Ma ngaia te'e kwatea no'o kwaikwainga fana nga Ta'a te'efou na'a gila 'ame tagoto'o ana, suria ni 'ola 'e ria na'a gila agea ma suria nga fata maninga aaga fana. ¹⁶ Nga Ta'a lo'ori, gila ala alafusuria Ta'a ma gila ka aoleekwala fafia Ta'a. Ma gila ka tafega i talaga, ma gila ka kotofia nga Ta'a fana 'angila ngaria tani 'ola fa'asiga. ¹⁷ Tafe'ua ma Ta'a kwaimaanga agu, tamoru manata to'ona nga alafuunga laka'u nga Ta'a ni kwairiinga na Alafa adauru la Jisasi kraes gila iiria famooru 'ina'o. ¹⁸ Gila alafuu 'ilo'o famooru, " nga alata te'e nigi mai na gani 'itai lo'oo, tani Ta'a ngaai tagila doo 'ania falafala na God. Ma tagila lo'o mola suria nga kwaisiriinga aanga i talaga." ¹⁹ Nga Ta'a lo'oo gila agea nga kwaitatarianga na nga Ta'a na gila tagoto'o. Ma gila 'ame to'o na nga Anoe 'ola abu. ²⁰ Mai 'amooru nga Ta'a ni kwaimaanga agu, amoru kwaibooni amooru kwairiu fana 'amoru tegela'a ubulana tagoto'onga amooru ne'e abu. Ma tamoru fo'a na Anoe 'ola abu. ²¹ Mooru nanai na to'orunga ne'e to'omia fana Ta'a naa God ngaia 'e kwaimaa famooru, ma moru ka mamania nga Alafa adauru la Jisasi Kraes ne'e kwatea mo'oringa firi famooru suria kwaikaetaafiinga aana. ²² Ma fana Ta'a naa tagoto'onga aaga 'ame lalato'o, tamoru laeta'afiiga. ²³ Ma moru kwaibooni na tani Ta'a ngaai la'u 'ania lafulaga fa'asia Eele na kwa'ikwa'inga, ma tani Ta'a ngaia la'u, 'amoru laeta'afiiga, ma tamoru ma'u la'u mola faasia moru ta agea ta 'ola 'e ria la'u mola 'ilakau 'i gila ma moru ma'asia te'enia nga agemaninga aaga. ²⁴ Agoru baatafea God tofuna ngaia ne'e kwaibooni amooru fa'asia 'esi lamooru na nga abulongaa ame lea fana amooru to'oru na nga odonga fe'enia aile'anga na nga Alafa ngaia te'e ngaria amooru fana naainga fe'enia 'ubulana kwangakwanga na tegelanga lo'oo aana. ²⁵ Ma te'e la God na'a te'e fa'amoori gia 'ania nga Alafa adauru la Jisasi Kraes. God ngaia e to'oru 'ania kwangakwanganga, ma nga baitangaa, ma nga kwalaimoringa, ma nga tegelangaa, eta 'ua mai na'o ma gwa'a nga alata lo'oo, ma mga alata ngaia te'e nigi mai ngaia 'e ato ani sui! Amen.