¹ ئەی گەورەیان، لە گەڵ خزمەتکارەکانتان بە دادپەروەرانە مامەڵە بکەن، ئێوەش دەزانن، بە هەمان شێوە، گەورەتان هەیە لە ئاسمان. ² بەردەوام بن لە نزاکردن، سوپاس گۆزاری، ³ پێکەوە نزا بو ئێمەش بکەن، تاکو خودا دەرگایەکمان بۆ بکاتەوە بۆ گەیاندنی پەیامەکە، تا بە نهێنی مەسیح بدوێین کە منیش لە پێناویدا بەندکراوم، ⁴ تاوەکو ئەوە بڵێم کە پێویستە ڕایبگەیەنم . ⁵ ژیرانە مامڵە لەگەڵ ئەوانەی دەرەوەی کڵێسادا بکەن، کاتەکە بە باشترین شێوە بقۆزنەوە. ⁶ همیشە وتەکانتان لەگەڵ بەخشش دا بێت، وبە خوێ سوێر کرا بێت، تا بزانن چون وەڵامی هەریەکەیان بدەنەوە. ⁷ سەبارەت بە هەموو بارودۆخەکانم، تیخیکۆس، هاوڕێ و برای خۆشەویست، خزمەتکاری دڵسۆزی پەروەردگارم، ئەو پێتان رادەگەیەنێت، ⁸ بۆ هەمان مەبەست بۆ لای ئێوەم ناردووە، بۆ ئەوەی بارودۆخی ئێمە بزانن و دڵتان هان بدات، ⁹ بە یاوەری ئونیسیموس، ئەو برا دلسوز و خۆشەویستەی کە لەلاتانە، لێرەوە لە بارودۆخی ئێمە ئاگادارتان دەکەنەوە. ¹⁰ ئەریستاکروس هاوزیندانم سڵاوتان لێ دەکات، و مارکوس کوڕی خۆشکی برنابا، دەربارەی ئەو هەندێک راسپاردەتان پێگەیشتووە : پێشوازی لێبکەن؛ ¹¹ یەشوا کە بە یەسوع ناسراوە. ئەمانە هموویان لە خەتەنە کراوەکانن، تەنها ئەوان یارمەتی دەری منن بو شانشینی خودا، دڵنەوایی بون بو من. ¹² ئەپاڤراس کە یەکێکە لە ئێوە، و خزمەتکاری یەشوای مەسیحە سڵاوتان لێ دەکات، هەمیشە لە نزاکانیدا تێدەکۆشێ لە پێناوی ئێوەدا بۆ ئەوەی دڵنیای تەواوتان هەبێت سەبارەت بە هەموو خواستی خودا. ¹³ چونکە شایەتی ئەوە دەدەم کە بۆ ئێوە و ئەوانەی لە شاری لاودیکیا و ئەوانەی لە شاری هیراپۆلیسدان، زۆر تێدەکوشێت دەکات. ¹⁴ لۆکاس پزیشکی خۆشەویست؛ ودیماس سڵاوتان لێدەکەن. ¹⁵ سڵاو لە برایانی لاودکیا، نیڤاس، وە ئەو کڵێسایەی کە لە ماڵەکەیدا تێیدا کۆبونەتەوە. ¹⁶ دوای ئەوەی ئەم نامەیەتان بو خوێندرایەوە، بینێرن بۆ کڵێسای باوەردارانی لاودکیا بۆ ئەوەی بخوێندرێتەوە، ئەو نامەیەی کە هەیانە بیبە تا ئێوەش بتوانن بیخوێننەوە. ¹⁷ بە ئارکیپوس بلێ: « ئاگاداری ئەو خزمەتە بە کە لە پەروەردگار وەرتگرتووە، بە تەواوی ئەنجامی بدات! » ¹⁸ من پۆڵسم، ئەم سڵاوە دەستنوسی خومە. یادی کۆت وبەندیم بکەن. با بەخشش لەگەڵتان بێت.