¹ لە پۆڵسەوە کە نێردراوی یەشوای مەسیحە بەخواستی خودا، هەروەها لە تیمۆساوسی برامانەوە، ² بۆ برایانی پیرۆزکراو و دلسۆز لە مەسیحدا، دانیشتووانی شاری کۆڵۆسی. با بەخشش و ئاشتی لە خودای باوکمان و یەشوای مەسیحی پەروەردگارمان لەگەڵتان بێت. ³ ئێمە بەردەوام سوپاسی خودادەکەین، باوکی پەروەردگارمان یەشوای مەسیح کاتێک نزادەکەین لەپێناوتان. ⁴ چونکە هەواڵی باوەڕی ئێوەمان بە یەشوای مەسیح پێگەیشت لەگەڵ ئەو خۆشەویستیەی لەئێوەدایە سەبارەت بە هەموو پیرۆزکراوان، ⁵ بە هۆی ئەو هیوایەیە کە لە ئاسمانەکاندا بۆتان تەرخان کراوە، ئەو هیوایەی کە پێشتر لە وشەراستییەکە بیستتان کە لە مزگێنییەکەدایە ⁶ کە گەیشتە لاتان وە ئێستا بەهەموو جیهان بڵاو دەبێتەوە، وە بەروو بومی بەرهەمەکەی لەنێوانتاندا گەشە دەکات، بەو شێوەی کە لە نێوانتاندا رووی دا و ئەزمونانتان کردووە بەڕاستی، ⁷ بەو پێیەی لە ئەپەفراسی هاوبەشی خۆشەویست فێر بوون، ئەو خزمەتکارێکی دڵسۆزی مەسیحە لەلای ئێوە ⁸ خۆی باسی ئەو خۆشەویستیەی بۆ کردین کە لە گیانەکەدا هەتانە. ⁹ لەبەر ئەوە ئێمەش، لەو ڕۆژەوەی هەواڵی ئێوەمان بیست، بەردەوام لە پێناوی ئێوە نزا دەکەین و دەپاڕێینەوە، تاوەکو پربن لە تەواوی زانیاری و خواستی خودا بە هەموو دانایی و تێگەیشتنی گیانی، ¹⁰ تاوەکو بە شێوەیەک بژین کە شیاوی پەروەردگاربێت لەهەموو شتێک جێگای ڕەزامەندیی ئەو بێت، لە هەموو چاکەکارییەک بەرهەمدار بن و بەتەواوی لە ناسینی خودا گەشە بکەن. ¹¹ بەهێزتر بن بە هەموو هێزێک هاوتای هێزی شکۆمەندیەکەی، تا کامڵ بن و بە پشوودرێژییەوە خۆڕاگر بن، ¹² بە خۆشحاڵییەوە سوپاسی باوک بکەن کە وای لێ کردن شایستەبن لە میراتی پیرۆزەکان لە ڕووناکیدا، ¹³ ئەوەی ڕزگاری کردین لە دەسەڵاتی تاریکی و گواستینیەوە بۆ شانشینی رۆڵە خۆشەویستەکەی خۆی ¹⁴ لە ناو ئەودا رزگاربوونمان هەیە، واتا لێخۆشبونی گوناهەکان. ¹⁵ ئەو وێنەی خودای نەبینراوی، پێش هەموو بەدیهێنراوانە، ¹⁶ چونکە بە ئەو هەموو شتێک بەدیهێندران: هەرچی لە ئاسمان و لە زەویدایە، بینراو و نەبینراو، جا تەخت بێ، یان فەرمانڕەوا یان میرنشین یا دەسەڵات. هەموو ئەوەی لە گەردووندایە بە ئەو و بۆ ئەو بەدیهاتووە. ¹⁷ ئەو پێش هەموو شتێک هەبووە، و بە ئەو هەموو شتێک بەردەوامی هەیە. ¹⁸ ئەو سەری جەستەکەیە، واتە کڵێسا؛ سەرەتا و نۆبەرەی هەستاوەی نێو مردووانە، بۆ ئەوەی لە هەموو شتێکدا یەکەمین بێت. ¹⁹ چونکا پێی خۆشحاڵ بوو بەهەموو پڕی خۆی لەودا ئاوێتە بێت، ²⁰ بەوهەموو شتێک لەگەڵ خۆی ئاشت بکاتەوە، وەک چۆن ئاشتی هێنایە دی بە خوێنی خۆی لەسەر خاچ، لەودا هەموو شتێکی ئاشتکردەوە، جا چ لەسەر زەوی بێت یان لە ئاسمانەکاندا. ²¹ وە ئێوەش، لەوانەبوون کە لە رابردوودا بێگانە و دوژمن بوون لە بیرکردنەوەدا، بەهۆی کارە خراپەکانتان، ²² ئێستا ئاشتی کردنەوە بە مردن لە جەستەی مرۆڤانەدا. بۆ ئەوەی کە ئێوە ئامادەبکات بە پیرۆزکراوی و بێ کەموکوڕی لەبەردەمیدا دەربکەون. ²³ بە ڕاستی لە باوەڕدا چەسپاوبن، دامەزراوبن و رەگ دابکوتن و نەگۆڕبن دەربارەی هیوای مزگێنیەکە ئەوەی بیستتان، ئەوەی ڕایدەگەێنین بۆهەموو بەدیهێنراوانی ژێر ئاسمان، منیش کە پۆڵسم بومە خزمەتکاری. ²⁴ ئێستا دڵشادم بە ئازارەکانم لە پێناوی ئێوەدا دەیجێژم، ئەوە تەواو دەکەم لە جەستەمدا کە لە تەنگانەکانی مەسیحی کەم بوو لە پێناو جەستەی ئەودا کە کڵێسایە، ²⁵ من بووم بە خزمەتکاری کڵێسا بەپێی ئەوە خودا پێیبەخشیوم لە پێناوتان، تاوەکو تەواوکردنی وشەی خودایە، بە راگەیاندنی ²⁶ ئەو نهێنیە شاردرابوە بەدرێژایی سەردەمەکان و نەوەکان، ئێستا بۆ پیرۆزکروانی ئاشکرا کراوە ²⁷ ئەوانەی خودا ویستی نهێنی دەوڵەمەندی شکۆی خۆی بۆنەتەوەکان ئاشکرا بکات: ئەوەیە کە مەسیح لەناوتاندایە، ئەمەش هیوای شکۆمەندییە؛ ²⁸ ئێمە نهێنییەکە ڕادەگەیەنین، ئامۆژگاری هەموو مرۆڤێک دەکەین، فێری هەموومرۆڤێکی دەکەین، بە هەموو داناییەکەوە تاکو هەموو مرۆڤێک ئامادەبکەین بە تەواوی لە مەسیحدا. ²⁹ وەهەر لەبەر ئەم هۆکارەش منیش رەنج دەکێشم و کۆشش دەکەم، بە تواناکەی ئەو کە بە هێزەوە لە مندا کاردەکات.