¹ فاعاوزكم تعرفوا قد ايه انا كافحت علشانكم ، وعلشان اللي في لاودكية ، وكل الناس اللي ماشافوش وشي في الجسد ² ،عشان تتشجع قلوبهم وتكون كلها متحدة في المحبة للفهم الأكيد ، لمعرفة سر الله الاب والمسيح ، ³ المخزن فيه كل كنوز الحكمة والعلم . ⁴ ولكن اقول ده لاحسن حد يخدعكم بكلام كدب ⁵ .حتي لو مكنتش معاكم بجسمي لكني معاكم بروحي ، فرحان ، وشايف ترتيبكم وايمانكم المتين في المسيح . ⁶ فزي ما قبلتوا المسيح يسوع الرب امشوا زيه ، ⁷ ليكم جدور ومبنين فيه ، ومتثبتين في الايمان، زي ما اتعلمتم ، شاكرين كل الشكر . ⁸ خلوا بالكم لأي حد يضحك عليكم بالفلسفة والغرور الباطل ، حسب تقليد الناس ، وحسب ما العالم بيقول ، ومش حسب المسيح . ⁹ ففيه يحل الله بكل ملء اللاهوت جسديا . ¹⁰ وانتوا مليانين فيه ، اللي هو فوق كل قوة وسلطان . ¹¹ وبيه كمان اتختنتم ختان مش بايد بشرية ، وخلع عنكم جسم خطايا البشرية، بختان المسيح . ¹² مدفونين معاه في المعمودية ،اللي فيها كمان قمتم معاه عن طريق ايمانكم بقدرة الله اللي قومه من الاموات . ¹³ مع انكم كنتم أموات في الخطايا ومكنتوش مختونين ، احياكم معاه ، مسامحكم علي جميع خطاياكم ، ¹⁴ لانه شال الديون اللي علينا في الفائض ، اللي كانت ضدنا ، ورفعها من الوسط وسمرها بالصليب ، ¹⁵ وجرد الرياسات والسلاطين وفضحهم ، ومنتصر عليهم . ¹⁶ فميحكمش عليكم حد في أكل او شرب اوناحيه عيد او هلال او سبت ، ¹⁷ اللي هي ضل الأمور اللي جايه ، ولكن الجسد فاللمسيح . ¹⁸ ميخسركمش حد الجايزه ،راغب في التواضع وعباده الملايكه ، بيتدخل في اللي مشفهوش ، متكبر بالباطل من تفكيره الجسدي ، ¹⁹ ومش متمسك بالراس اللي منه كل الجسم بمفاصله واربطته ، متعاون ومتماسك ويكبر وينموا من الله . ²⁰ فان كنتم قد متم مع المسيح وتحررتم من العالم ، ف ليه كانكم لسه عايشين في العالم ؟ تتفرض عليكم فرائض : ²¹ " متحطش ايدك ! وماتدوقش ! ومتمسكش ! ²² اللي هي كلها بالاستعمال بتخلص وتنتهي ، حسب وصايا وتعليم الناس ، ²³ اللي ليها شكل حكمة ، بعبادة ماأمرش بيها الله ، وتواضع ، ذل الجسد ، أمور ملهاش قيم’ عشان ترضي النفس البشري’ .