¹ Musatonga kuitira kuti musatonhwao. ² ngokuti kutonga kamunotonga ndikona munozotongwao ndikona, nomutemo yamunotema munozotemerwao nayo. ³ Unoninguira shinhi shibi shiri mudjiso lohanma yako, asi auswikoni kuona danda riri mudjiso mako? ⁴ ungaswibuisa kudini kuno hama yako: ndisiyei ndivise zidanda riri mudjiso mako, kubeni ririmowo zidanda mudjiso mako? ⁵ muchengedji,! tanga wavisa zidanda rori mudjiso makouwone swakanaka zidanda riri mudjiso mohama yako. ⁶ Musapa imbwa swiro swakashena, nokukandiraswe maparirwa henhu kunguruve, kuti djisamashika ngomasoka adjo, djingamushaishira pakunamata. ⁷ Kumbiranhi, munopiwa; swakanhi, munowana; gogodjanhi, munobeurira; ⁸ vese vanokumbira, vapuwa; vanoswaga, vanowana; vanogogodja vanobeurirwa; ⁹ ngaupi mundu kumuri, anoti mwana akakumbira shingwa, omupa buwe? ¹⁰ kana akakumbira hove omupa nhoka? ¹¹ Hino emwi, kudai makashata, asi mesiziva kupa swipo kuvanenhu, hino baba venhu vari kudenga avangapi here swakanaka kuno vaia vanokumbira! ¹² ngokudalo swese swamunoda kuti vamweni vamuitire, vaityirenhiwo saiswoswo; ngokuti hou ndiwo mutemo womaprofita. ¹³ Ngenanhi ngomusuwo mudoko; ngokuti musuvo wakapambama igwanja loenda kopalajwa, rinowanika vandu vakawanda vanodarika ndilona. ¹⁴ ngokudalo, musuvo mudoko, musuvo nogwanja rinoenda kuupenhu; ngokudalo vadoko vanoriwana. ¹⁵ Ngokudalo, ngwariranhi maprofita okunhepa,vanoguma pamuri nopahla jomatovo ogundata, kube ngomukati mapongo anopaladja. ¹⁶ munozovaziva ngomushero djavo. ngokudalo makambokava mengu mumukanju here, ¹⁷ ngokudalo mumbuti wakanaka unooneka ngomushero djao, mumbutiswe djakashata djinooneka ngomutchero djao. ¹⁸ Akuna mumbuti wakanaka unobereka muchero wakashata, akunaswe mumbuti wakashata unobereka mushero wakanaka. ¹⁹ mumbuti wese usingabereki mushero wakanaka unogurwa wokandirwa mumuriro. ²⁰ saka munovaziva ngomushero yavo ²¹ Asivese vanoti, mwari mwari , vanozonguena muhumambo wokudenga; asi kuna vaia vewe vanoita kuda kababa vangu varikudenga. ²² vakawanda vanozoti pazuva iroro, manbo ,manbo! atisaiprofita ngozina lako here? atisaigogomera madimoni muzina lako here? muzina lako atitikuita swishamiso swakawanda here? ²³ ngokudalo pakashena ndinozovati: andito kumuziva. ivhanhi pandiri, emwi vaiti voswiro swisina kunaka. ²⁴ Ngokudalo vere vanozwa mashoko angu haia akamaita ungafananijwa nomwanarumeakangwala akavaka nhumba pabuwe. ²⁵ nvula ikavia ikazadja mukova nomoia ukaita ukataka nhumba asi nhumba aioto kuwa, ngokuti yakavakirwa pabuwe. ²⁶ Ngokudalo vese vanozwa mashoko angu akarega kumaita, unoitanga murume benji, lakavaka nhumba yalo pamajecha. ²⁷ Nvula ikavia ikazadja mukova, moya ukashaia, ukataka nhumba; ikawa, kuwa kaio kakava kukuwane kakaperera. ²⁸ Kakazoitika kuti, Jesu paakapedja mashoko haia, mbungano yakashamisika ngodjidjiso yake, ²⁹ Ngokuti ena waidjidjisa akatanga anoshitendero, aiti kutanga ma scribas.