¹ Paulo, mutumwa- utali mutumwa watakaitwa kuzila ba bantu, na ku nsana zho buntu, pele kwiinda muli Jesu Kilisito nalimwi Leza taata, wakamubusha kuzila ku bafu- ² nalimwi boonsele bacesu mbutuli amwi, ku zhikombelo zha Galantiya: ³ Luse kuli ndiwe nalimwi no lumuno kukuzwa kuli Leza taata esu nalimwi no Mwami Jesu Kilisito, ⁴ Wakalipa lwace kuzhinyanyoni zhesu kuti atuhuni kuzwa kuzhibi zho musela, kwinda kweelnya muluyanda lwa Leza nalimwi taata, ⁵ kuli nguyo nakubulemu kutamani nalimwi no kutamani. Ameni. ⁶ Ndazhinwa kuti wakuzwa kuhwambana kuli yooyo wakakwita muluse lwa Kilisito. Ime ndazhizwa ukuti wapiluka ku mulumbe uwandaani, ⁷ Ici tacili coo kwaamba kuti kuli unji mulumbe, pele kuli banji bantu ba muletela a mapenzi nalimwi bayanda ku cina mulumbe wa Kilisito. ⁸ Pele nakuba ndiswe naba mungelo kuzila kujuluuleelede ku kambooka mulumbe kuli ndinywe kwiinda yooyo ngu tukambooka kuli ndwe, a mumusinganya. ⁹ Mbubwena mbu twakaamba kale, lino awa ndaamba nalimwi, ''Na umwi wakambooka kuli ndiwe mulumbekwiinda yooyo ngu wakatambula, a mumuleke asinganizhyigwa.'' ¹⁰ Lino ndakapola kuli botezha ku bantu na kuli Leza? hena ndakapoola ku komanya abantu? naa ncizumanana ku komanya abantu, i ndatali muzike wa Kilisito. ¹¹ Buya mbu nyanda ukuti uzukuli,nibacesu, uyu mulumbe ngu nkambooka toli mulumbe wa muntu. ¹² Hitambuli kuzila ku muntu oonsele, mbuli mbunda kaishingwa. Nakuba bobo, cakali ciyubunuzho ca Jesu Kilisito kuli ndime. ¹³ Wakamvwa buumi bwangu mbuwakali kupona kaindi bwa ci Juda, mbundakali kupezha icikombelo ca Leza izhyinda nalimwi mbukali kusola kunyonyona. ¹⁴ Ndime ndakali musololi mu bukombi bwa ci Juda kuli baabo banjinji bo musela wangu, kuzila ku bantu bangu. Lino mbuboobo mbundatali kuli banza tunsiya nsiya twabo ma taata. ¹⁵ Pele lino Leza, uyo wakangandaanda mwida, muli bamaama, nalimwi wakanjita kwiinda mu luse lwace, ¹⁶ wakabotalwa kuyubulula mwana ace kuli ndime, kutegwa ukuti nkambooke nguyo akati ka bamasi, kuhwambaana taku kundakazha kubuzha ku nyama nalimwi bulowa. ¹⁷ Taku ni ndakaunka ku Jelusalema kuli baabo bakaba aba batumwa kumbele lwangu. Nakuba boobo, ndakaunka ku Arabia nalimwi no kupiluka ku Damascus. ¹⁸ LIno nikwa kainda myaka yotatwe ndakaunka kua Jelusalema kuti bakazukuli Cephas nalimwi ndakala nabalo mazuba ali ikumi no musanu. ¹⁹ Pele taku ngu ndakabona unji kunzezhe Jemusi mutumwa, munyina umwami. ²⁰ Kuli ceco nci ndaka lemba kuli ndime, ndaamba masimpe kumbele lya Leza, kuti hicengi. ²¹ Kukuzwa waawo ndakaunka kubusena bwa Syria nalimwi Cilicia. ²² Lino hindakaninga zukulwa ku zhikombelo zhaku Judaya zhili muli Kilisito. ²³ Pele bakali kumvwa zhe cilaamba, ''Uyo muntu wakali kutupezha lino wakambooka lushomo ndwakali kusola kunyyonyona.'' ²⁴ Lino baka mutemboola Leza nkaambo kangu.