1 Yahweh auteka; lekeni isonde litutume ena aikala pakati kaba kerubi; isonde lisunkane. 2 Yahweh mukulu mu Sioni; ena alicindamisha ukucila inko shonse. 3 Lekeni bena balumbanye ubukulu bwenu no kukula kwe shina lyenu; ena wa mushilo. 4 Imfumu ya kukosa, elo yena yalitemwa umulimganya. Webo wa shimpa umulinganya; webo ulicitile ifya bulungami elo ne fya mulinganya muli Yakobo. 5 Lumbayeni Yahweh Lesa wesu elo mupepi ni ku kucina ca makasa ayakwe. Ena wa mushilo. 6 Mose elo na Aaroni bali pamo na bashimapepo bakwe, elo Samwele ali pamo nabo abaitile pe shina lyakwe. Baishile kwita kuli Yahweh, elo aishile kubasuka. 7 Aishile kulanda kuli bo ukufuma mu cishintililo ce kumbi. Balisungile amafunde elo ne fipope ifyo ena abapele. 8 Waishile kubasuka, Yahweh Lesa wesu. Lesa uwelela wali kuli bo, lelo umo uwa bakandile pamicitile yabo iya lubembu. 9 Lumbanyeni Yahweh Lesa wesu, elo pepeni pa lupili lwakwe ulwa mushilo, pantu Yahweh Lesa wesu wa mushilo.