Ku mukulu wa kuba kemba; uwabikwa ku Ali Tasheti. Ilumbo lyakwa Asafu, ulwimbo. ¹ Twapela ukutotela kuli mwebo, mwe Lesa; twapela ukutotela, pantu musokolola iceni cenu; abantu balanda pamilimo yenu iyakupapusha. ² Pa nshita iysontwa nkapangula mu mulinganya. ³ Nangula icalo elo na fyonse ifya bamo fitutuma mu kutima, napampamika ifidhintililo fyacalo. Selah ⁴ Naishile kulanda ku wakatutumushi ati, ''Wiba nakatutumushi,'' elo na kumubifi ati, ''Wisumbula isengo. ⁵ Wisumbula isengo lyobe ku mulu; wilanda no mukoshi wa miponto.'' ⁶ Tacafuma ku kabanga nangula ukufuma kumasamba, elo kabili tacafuma mu ciswebebe uko ukusumbulwa kufuma. ⁷ Lelo Lesa ni kapingula; alaponya elo no ku sumbula. ⁸ Pantu Yahweh aikata mu kuboko kwakwe ulukombo lwa mwanganshi wabila, uyo uwasankanishiwa ne fyakununkila, elo no pongolwela panshi. Mucine bonse ababifi ba mu calo bakaunwa ukufika na kwi pompela lya ku lekeleshako. ⁹ Lelo nkakonkanyapo ukulanda ifyo mwa cita; nkemba isha malumbo kuli Lesa wakwa Yakobo. ¹⁰ Alanda ati, ''Nkaputula yonse amasengo ya babifi, lelo amasengo ya balungami yakasumbulwa.''