1 Ku ng'omba nkalamba. Ilumbo lyakwa David. Umfwa ishiwi Lyandi, Lesa, umfweni mukuilishanya kwandi; cingilisheni ubumi bwandi ukufuma kubalwani abakotinya. 2 Umfise kubacita ifyakubipa abampingila munkama, ukumfumya kucongo cabacita ifyakubipa. 3 Abakunona indimi shabo ngolupanga; abo abaposa imisumbo yabo, amashiwi ayakukalipa, 4 pakwebati balase umuntu uwakaele ukufuma muncende shankama; bamupumikisha pakumulasa ukwakubula ukutina nangu kamo. 5 Baleikoselesha abene mu mapange aya bubi; bena balanda pamo munkama palwakuteya ifiteyo;batila, ''Bushe ninani akatubona? 6 Baleta amapange yamasambi; ''Fwebo tulipwishishe,'' balanda, ''lipange lyabune.'' Amatontonkanyo yamukati ne mitima yabantu yaba ayakushika. 7 Lelo Les akabalasa; mukupumikishiwa bakacenwa kumisumbo yakwe. 8 Bakabalenga ukuipununa, apo indimishabo shikabalukila; bonse abakababona bakapikumya imitwe yabo. 9 Abantu bonse bakatina elo bakalanda ififcitwa ifyakwa Lesa. Bea bakatontonkanya manomano pafyo ena acita. 10 Umulungami akasekelela muli Yahweh elo akoba muli yee; bonse abakololoka imitima bakaba necilumba muli yee.